Sumarið verður líklega „í svalara lagi“

Við höfum þurft að þola illviðri vetrarins í ýmsum skilningi. Og nú, á sumardeginum fyrsta, er ekki úr vegi að líta til veðursins fram undan. Af þeim spám eru bæði góðar og slæmar fréttir að hafa.

Senn fara sumarblómin að springa út og færa litagleði inn í líf okkar.
Senn fara sumarblómin að springa út og færa litagleði inn í líf okkar.
Auglýsing

„Það eru ívið meiri líkur á því en minni að sum­arið verði í sval­ara lag­i,“ segir Einar Svein­björns­son veð­ur­fræð­ingur og rit­stjóri Bliku.is, beð­inn um að rýna í lang­tíma­spár til næstu þriggja mán­aða.

Þetta voru ef til vill ekki frétt­irnar sem lands­menn vild­u fá á sum­ar­dag­inn fyrsta eftir ill­viðri vetr­ar­ins í ýmsum skiln­ingi. En ekki skal örvænta. Þetta eru aðeins spár og þær eru að auki háðar ýmsum óvissu­þátt­u­m. ­Góðu frétt­irnar eru þær að ekk­ert hret er í kort­unum næstu daga.

Ýmsar stofn­anir gefa út lang­tíma­spár til þriggja mán­aða í senn. „Það getur verið gaman að skoða þessar spár en þær eru ekki alltaf rétt­ar,“ bendir Einar á. „Evr­ópska reikni­m­ið­stöðin rataði vel á þetta í vet­ur en það hefur ekki gengið eins vel með sum­ar­spárnar hjá þeim und­an­farin ár.“

Auglýsing

Í spá Evr­ópsku reikni­m­ið­stöðv­ar­innar fyrir maí, júní og júlí kemur fram í sjónum í kringum landið er enn kuldi eftir vet­ur­inn. Það eig­i ­sér­stak­lega við um haf­svæðin sunnan og suð­austan lands­ins. „Það verður ein­hver vor­koma í sjónum eins og alltaf,“ segir Ein­ar, „en hins vegar er gert ráð fyr­ir­ því í þessum spá­reikn­ingum að sjáv­ar­kuld­inn geti temprað dálítið hita­stig­ið eins og hann gerir alla jafn­an.“

Að auki er heldur minni hiti yfir land­inu og norð­an­verð­u Atl­ants­hafi heldur en stundum áður. „Það hefur síðan áhrif á hit­ann á jörð­u niðri þannig að sam­an­lögðu þá eru frekar litlar líkur á því að sum­arið fram að júlílokum ætli að gera ein­hverjar voða­legar rósir í hita. Það eru meiri lík­ur en minni á því að við munum fá hita­tölur sem eru innan við með­al­hita þess­ara ­mán­aða síð­ustu tíu árin eða svo.“

Vind­átt­irnar geta breytt öllu

Ýmsir þættir geta haft áhrif þarna á svo ekki er öll nótt úti enn. „Það sem við sjáum ekki almenni­lega fyrir er hverjar verða ríkj­and­i vind­áttir í sum­ar,“ bendir Einar á. „Vind­átt­irnar hafa svo mikið að segja hvað varðar hita­stig og veður eftir lands­hlut­u­m.“

Vís­bend­ingar eru um það í spám Evr­ópsku ­reikni­m­ið­stöðv­ar­innar að aust­an- og norð­austan áttir gætu orðið heldur tíð­ar­i en aðrar vind­átt­ir. Þýska veð­ur­stofan túlkar gögnin með öðrum hætti og tel­ur líkur á að meira verði um suð­vestan átt­ir.

Já, vertu sæll vet­ur! Hér er örlítil við­var­anasin­fónía í rauðum dúr með broti af því besta – eða versta - til að kveðja þig minn kæri. Við vitum að þú kemur aftur þannig að þú skalt ekk­ert vera að hafa fyrir því að senda okkur línu á meðan að þú ert í burtu. Í mesta lagi kannski eitt skeyti og þá bara sem fyrst svo að við höfum ein­hverja hug­mynd um hvað þú verður lengi í burtu. Auð­vitað eru góðar minn­ingar um ágætis sam­veru­stundir inn á milli, en okkur finnst þú hafa verð full frekur á athygli í þetta skipti og óskum við þess að þú hugsir þinn gang. Það er ekki enda­laust hægt að vísa ábyrgð­inni á aðra, lofts­lags­breyt­ing­arnar eru orðnar þreyttar á því. Við vonum að þú njótir fjar­ver­unn­ar. Það biðja allir að heilsa og sér­stakar kveðjur færðu frá jarð­hrær­ing­un­um.

Posted by Veð­ur­stofa Íslands on Wed­nes­day, April 22, 2020


Íbúar suð­vest­ur­horns lands­ins ættu að von­ast eftir því að aust­anáttir verði ráð­andi. Sú vind­átt heldur haf­gol­unni frá landi. „Vind­átt­ir frá landi eru bestar að þessu leyti, hvar sem er við strendur lands­ins.“

En vind­átt­irnar eru sá þáttur í lang­tíma­spánum sem háður er hvað mestri óvissu. „En þessi stóra mynd um frekar svalt umhverfi er nokk­uð ­skýr.“

Einar segir að engin skýr merki komi fram í lang­tíma­spám um úr­komu, hvorki að hún verði minni eða meiri en að með­al­tali síð­ustu sum­ur. „Það er kannski til marks um óviss­una í þessu öllu sam­an.“

Ekk­ert hret í kort­unum

Það er áreið­an­legra að horfa aðeins til næstu daga. Og út­litið til svo skamms tíma er ágætt. „Þetta góða vor­veður sem hefur ver­ið heldur jafn­vel fram á morg­un, föstu­dag. Síðan er að sjá dálitla hálofta­lægð sem ­fer yfir landið um helg­ina. Það er nú eng­inn sér­stakur kuldi sem fylgir henn­i en það verður meira um skúrir og gæti orðið næt­ur­frost, sér­stak­lega aðfara­nótt sunnu­dags.“

En í kjöl­farið er svo aftur að vænta hæg­láts veð­urs. „Þannig að það er ekki að sjá nein hret í kort­unum fram í næstu viku.“

Vet­ur­inn sem nú er loks lið­inn ein­kennd­ist af því hversu ill­viðra­sam­ur hann var, segir Ein­ar. „Það var mikið um djúpar lægðir og þegar á leið var snjó­þungt, sér­stak­lega á Norð­ur- og Aust­ur­landi og Vest­fjörð­u­m.“

Hann segir að vetr­ar­veðr­áttan hafi haldið alveg fram í fyrstu viku apr­íl. „Þá urðu skýr umskipti. Og ef við sleppum alveg við hret, ­sem mér finnst nú reyndar ólík­legt, þá eru þetta sér­stak­lega skörp skil vetr­ar­ og vor­s.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Gunnar Tryggvi Halldórsson
Bændur og afurðastöðvar
Kjarninn 5. mars 2021
Jón Þór Ólafsson þingmaður og formaður stjórnskipunar- og eftirlitsnefndar Alþingis.
Jón Þór vill að skrifstofa Alþingis kanni hvenær trúnaður geti talist brotinn
Formaður stjórnskipunar- og eftirlitsnefndar telur sig ekki hafa brotið trúnað með ummælum um það sem fram fór á fundi nefndarinnar með lögreglustjóra í vikunni. Hann vill fá skrifstofu Alþingis til að kanna hvar formleg mörk um trúnaðarrof liggi.
Kjarninn 5. mars 2021
Íslandspóstur hagnast um 104 milljónir
Viðsnúningur var í rekstri Íslandspósts á síðasta ári, sem skilaði hagnaði í fyrsta skiptið í þrjú ár. Samkvæmt forstjóra fyrirtækisins létti endurskipulagning og niðurgreiðsla langtímalána umtalsvert á félaginu.
Kjarninn 5. mars 2021
Í þingsályktunartillögu um rafræna birtingu álagningar- og skattskrár er lagt til að hætt verði að birta þessar upplýsingar á pappír.
Telja rafræna birtingu skattskrár auka launajafnrétti
ASÍ hvetur til þess að þingsályktunartillaga um rafræna birtingu álagningarskrár nái fram að ganga. Í umsögn Persónuverndar segir að mikilvægt sé að huga að rétti einstaklinga til persónuverndar. Slík tillaga nú lögð fram í fimmta sinn.
Kjarninn 5. mars 2021
Þorbjörg Sigríður Gunnlaugsdóttir
Þögla stjórnarskráin
Kjarninn 5. mars 2021
Lilja Dögg Alfreðsdóttir mennta- og menningarmálaráðherra laut í lægra haldi í Héraðsdómi Reykjavíkur í dag.
Menntamálaráðherra tapaði í Héraðsdómi Reykjavíkur
Héraðsdómur Reykjavíkur féllst ekki á kröfu Lilju Alfreðsdóttur mennta- og menningarmálaráðherra um að úrskurði kærunefndar jafnréttismála yrði hnekkt. Úrskurðurinn í kærumáli Hafdísar Helgu Ólafsdóttur, skrifstofustjóra í forsætisráðuneytinu, stendur.
Kjarninn 5. mars 2021
Dagur B. Eggertsson, borgarstjóri í Reykjavík.
Íbúar í gömlu hverfunum í Reykjavík ánægðir með Dag sem borgarstjóra en efri byggðir ekki
Fleiri Reykvíkingar eru ánægðir með störf Dags B. Eggertssonar borgarstjóra en óánægðir. Mikill munur er á afstöðu eftir hverfum og menntun. Borgarstjórinn er sérstaklega óvinsæll hjá fólki á sextugsaldri.
Kjarninn 5. mars 2021
Frá þurrvörum til þrautaleikja: COVID-áhrifin á heimilislífið
Bakað, eldað, málað og spilað. Allt heimagert. Ýmsar breytingar urðu á hegðun okkar í hinu daglega í lífi á meðan faraldurinn stóð hvað hæst. Sum neysluhegðun er þegar að hverfa aftur til fyrra horfs en önnur gæti verið komin til að vera.
Kjarninn 5. mars 2021
Meira úr sama flokkiInnlent