Reiknuð sama á elds­neyti á elds­neyt­is­stöðvum lands­ins var 34 pró­sent lægri í mars 2020 miðað við sama mánuð í fyrra. Salan dróst saman saman eftir að sam­komu­bann var sett á 15. mars og í lok mán­að­ar­ins var dag­leg sala orðin 42 pró­sent lægri en á sama degi í fyrra. Það sem af er apríl er staðan enn verri. Meðal sala það sem af er apríl er 68 pró­sent lægri en meðal dag­leg sala í apríl í fyrra.

Heildar salan í mars 2020 mæld­ist 14.345 rúmmetrar sem er 12.6 pró­sent minna en lægsta mán­að­ar­sala frá jan­úar 2016 til jan­úar 2020.

Þetta kemur fram í tölum sem Hag­stofa Íslands birti í dag.

Upp­lýs­ing­arnar byggja á gögnum frá íslenskum færslu­hirðum og inni­halda alla kredit- og debit­korta­notk­un, en ná ekki yfir kaup með reiðu­fé, inn­eign­ar­kortum eða við­skipta­kort­u­m. 

Í til­kynn­ingu Hag­stof­unnar segir að dag­ana fyrir sam­komu­bann hafi rúm­lega níu pró­sent af sölu verið á erlend greiðslu­kort, en um miðjan mán­uð­inn var hlutur þeirra undir einu pró­senti af heildar sölu. „Hlutur elds­neytis sem keyptur hefur verið á erlend greiðslu­kort hefur verið á bil­inu 8-10 pró­sent af heildar sölu í des­em­ber-jan­ú­ar, en náð allt að 30 pró­sent af sölu í júlí og ágúst. Í mars á síð­asta ári var hlutur elds­neytis sem keyptur var á erlend greiðslu­kort yfir 15 pró­sent af heildar sölu. Sala á erlend greiðslu­kort var um 8 pró­sent í upp­hafi mán­að­ar. Í upp­hafi apríl var hlutur erlendra greiðslu­korta 0,7 pró­sent.“

Hrun á heims­mark­aði skilar sér ekki til neyt­enda

Kjarn­inn greindi frá því í síð­ustu viku að frá miðjum mars­mán­uði og fram til miðs apr­íl­mán­aðar hefði lík­legt inn­kaupa­verð olíu­fé­laga á bens­ín­lítra lækkað um meira en 60 pró­sent. Sú lækk­un, sem er til­komin vegna hruns á olíu­verði á heims­mark­aði, hefur ekki skilað sér til íslenskra neyt­enda, enda bens­ín­verð nán­ast það sama nú og það var um miðjan mars. Hlutur íslensku olíu­fé­lag­anna í hverjum seldum lítra um miðjan apríl var hins vegar 78 pró­sent hærri en hún var í mars.

Inn­kaupa­verð á olíu er nú lægra en það hefur nokkru sinni verið og hlutur íslensku olíu­fé­laga í hverjum seldum lítra hér­lendis hefur aldrei verið hærri en hann er nú um stund­ir. Um miðjan síð­asta mánuð kost­aði einn lítri af bens­íni á Íslandi 209,8 krónur og af honum fóru 18,52 pró­sent til olíu­fé­lag­anna. Um miðjan apr­íl, eftir að heims­mark­aðs­verð á olíu hafði hrunið um tugi pró­senta á nokkrum vik­um, hafði við­mið­un­ar­verð á bens­íni hér­lendis nán­ast staðið í stað. Það var 208,9 krónur 15. apríl sem er ein­ungis 0,4 pró­sent lægra verð en var um miðjan mars. Hlutur olíu­fé­lag­anna í hverjum seldum lítra fór hins vegar í 32,96 pró­sent um miðjan apr­íl, sem 78 pró­sent hærra en hann var um miðjan mar­s. 

Verðið hefur lítið lækkað síðan að ofan­greind sam­an­tekt var birt í síð­ustu viku.