„Þetta er fal­legur dagur sem von­andi er fyr­ir­boði góðra tíma,“ ­sagði Þórólfur Guðna­son sótt­varna­læknir við upp­haf upp­lýs­inga­fund­ar al­manna­varna í dag. Aðeins eitt nýtt smit greind­ist á land­inu í gær. Sagð­i Þórólfur far­ald­ur­inn „klár­lega kom­inn nið­ur“ og að lítið smit væri í gang­i ­meðal almenn­ings. Þá hefði álag á heil­brigð­is­kerfið minnkað mjög mik­ið.

„Ég held að þetta þýði að við munum sjá örfá smit á næst­unn­i en það verður ekki hægt að úti­loka hóp­sýk­ing­ar,“ sagði Þórólfur og að þess vegna þurfum við að halda áfram að taka sýni og vera vak­andi.

„Nú er einum kafla lokið í stríð­inu við COVID hér,“ sagð­i Þórólf­ur. „En stríðið er nokkrir kaflar og við erum ekki komin að land­i.“

Nýr kafli felst í því að koma í veg fyrir að far­ald­ur­inn blossi upp aft­ur, „og við þurfum að fara var­lega næstu mán­uði ef ekki á illa að fara“. Áskor­unin verði að aflétta tak­mörk­unum hægt, við­hafa við­un­and­i ­ferða­tak­mark­anir næstu miss­eri, við­halda sótt­vörn­um, vernda við­kvæma hópa og kanna mótefna­stöðu almenn­ings þegar það verður tíma­bært.

„Annar þáttur er svo að gera upp þennan far­aldur og þá vinn­u ­sem hefur verið innt af hendi af mjög mörgum aðil­u­m,“ sagði Þórólf­ur. Miklar ­upp­lýs­ingar hefðu feng­ist síð­ustu vikur og mikil reynsla og þekk­ing skap­ast. Það mun gagn­ast okkur í fram­tíð­inni, m.a. ef önnur bylgja far­ald­urs kemur upp hér á landi.

En að sögn Þór­ólfs mun þessi þekk­ing einnig gagn­ast öðrum ­þjóð­um. Mik­il­vægt sé að fara í þá vinnu núna að draga þetta saman og deila ­reynsl­unni með öðr­um.