Persónuverndarlög hindra ekki birtingu lista yfir fyrirtæki sem nýta hlutabótaleiðina

Persónuvernd segir í svari til Vinnumálastofnunar að persónuverndarlög gildi ekki um fyrirtæki og því sé ekkert í þeim sem geri stofnuninni óheimilt að verða við beiðni um birtingu lista yfir þau fyrirtæki sem nýtt hafa hlutabótaleiðina.

Vinnumálastofnun Mynd: Skjáskot/RÚV
Auglýsing

Að mati Persónuverndar er ekkert í lögum um persónuvernd og vinnslu persónuupplýsinga sem kemur í veg fyrir að Vinnumálastofnun birti eða afhendi upplýsingar um það hvaða fyrirtæki hafa nýtt sér hlutabótaleiðina svokölluðu. 

Persónuvernd tekur þó ekki afstöðu til þess hvort birting þessara upplýsinga sé lögmæt, þar sem beiðni um birtingu þurfi að skoðast í ljósi upplýsingalaga. Þetta kemur fram í svari Persónuverndar til Vinnumálastofnunar vegna bréfs sem Vinnumálastofnun sendi á dögunum.

Bréfið sendi stofnunin eftir að forystufólk ríkisstjórnarinnar lýsti því skyndilega yfir, í kjölfar fjölda frétta um að stöndug fyrirtæki væru að nýta sér hlutabótaleiðina, að réttast væri að gagnsæi ríkti um hvaða fyrirtæki hefðu nýtt sér þetta úrræði stjórnvalda um að semja við starfsfólk um minnkað starfshlutfall.

Auglýsing

Vinnumálastofnun sagði að hún teldi sig hvorki hafa heimild til að afhenda né birta slíkan lista, þar sem með slíkri birtingu yrði auðvelt að finna út nöfn þeirra starfmanna minni fyrirtækja sem hafa fengið greiddar hlutaatvinnuleysisbætur í minnkuðu starfshlutfalli.

Persónuvernd telur að þrátt fyrir að mögulega yrði hægt að persónugreina upplýsingarnar, geti upplýsingar um það hvaða einstaklingar eru í minnkuðu starfshlutfalli ekki talist vera „viðkvæmar persónuupplýsingar“ í lagalegum skilningi.

Fram hefur komið sú hugmynd að birta einungis lista yfir stærri fyrirtæki sem nýtt hafa hlutabótaleiðina, til að komast hjá því að upplýsingarnar verði persónugreinanlegar. Vinnumálastofnun spurði hvort þetta væri „nægjanleg aðgerð“ til að tryggja ekki væri unnt að persónugreina einstaklinga.

Persónuvernd telur að leggja verði til grundvallar að almannahagsmunir standi til þess að upplýsingar um hvaða fyrirtæki hafa nýtt sér hlutabótaleiðina verði gerðar aðgengilegar og að líklegt sé að tilgangurinn, aðhald með fyrirtækjum, „náist ekki fyllilega“ verði fámenn fyrirtæki undanskilin með öllu frá birtingunni.

„Í því sambandi bendir Persónuvernd á að ekki er alltaf samhengi á milli starfsmannafjölda fyrirtækja og fjárhagslegrar stöðu þeirra,“ segir í svari Persónuverndar. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Steypiregnið ógurlega
Steypiregn er klárlega orðið tíðara og umfangsmeira en áður var. Öll rök hníga að tengingu við hlýnun lofthjúps jarðar. Í tilviki flóðanna í Þýskalandi og víðar hefur landmótun, aukið þéttbýli og minni skilningur samfélaga á eðli vatnsfalla áhrif.
Kjarninn 25. júlí 2021
Ísraelsk stjórnvöld sömdu við lyfjafyrirtækið Pfizer um bóluefni og rannsóknir samhliða bólusetningum.
Alvarlega veikum fjölgar í Ísrael
Það er gjá á milli fjölda smita og fjölda alvarlegra veikra í Ísrael nú miðað við fyrstu bylgju faraldursins. Engu að síður hafa sérfræðingar áhyggjur af þróuninni. Um 60 prósent þjóðarinnar er bólusett.
Kjarninn 25. júlí 2021
Danska smurbrauðið nýtur nú aukinna vinsælda meðal matgæðinga í heimalandinu.
Endurkoma smurbrauðsins
Flestir Íslendingar kannast við danska smurbrauðið, smørrebrød. Eftir að alls kyns skyndibitar komu til sögunnar döluðu vinsældirnar en nú nýtur smurbrauðið sívaxandi vinsælda. Nýir staðir skjóta upp kollinum og þeir gömlu upplifa sannkallaða endurreisn.
Kjarninn 25. júlí 2021
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Meira úr sama flokkiInnlent