Í einka­geir­anum þarf að taka erf­iðar en stefnu­mót­andi ákvarð­anir vegna þeirrar stöðu sem upp er komin í íslensku efna­hags­lífi, að mati Bjarna Bene­dikts­son­ar, fjár­mála- og efna­hags­ráð­herra. Skapa þarf umhverfi fyrir fyr­ir­tæki til að fá við­spyrnu en að passa sig líka að teygja ekki opin­beran stuðn­ing til að bjarga fyr­ir­tækjum sem voru ekki að reka sig án vand­ræða áður en yfir­stand­andi áfall reið yfir. 

Þetta er meðal þess sem fram kemur í ítar­legu við­tali Kjarn­ans við Bjarna sem birt var fyrir helgi. Við­talið er hluti af umfjöll­un­ar­röð Kjarn­ans þar sem sjónum er beint að þeirri fram­tíð sem gæti sprottið upp úr stöð­unni sem nú blasir við Íslandi efna­hags­lega. Fyrsti hluti þeirrar umfjöll­unar voru við­töl við alla þrjá for­menn stjórn­ar­flokk­anna. 

Verður að styðja við líf­væn­leg fyr­ir­tæki

Bjarni segir að það verði til að mynda að horfast í augu við það að sum fyr­ir­tæki í ferða­þjón­ustu hafi ekki verið að ganga nægi­lega vel. „Við verðum að gæta að því hversu langt við göngum í að halda lífi í þeim. Um það snýst meðal ann­ars umræðan um að við viljum fyrst og fremst styðja við líf­væn­leg fyr­ir­tæki. Síðan er það bara þannig að það hafa verið að skjóta rótum nýjar greinar á Íslandi. Ég nefni fisk­eldi sem dæmi. Það er ekk­ert hægt að horfa fram hjá því hversu ofboðs­leg verð­mæta­sköpun er þar að eiga sér stað á fáum árum. 

Og dæmi um vax­andi atvinnu­grein sem við skrifum í stjórn­ar­sátt­mál­ann að þurfi að vaxa í sátt við nátt­úr­una eins og mögu­legt er. Við viljum byggja þá atvinnu­grein þannig upp að við getum sagt að það sé ekki hægt að gera þetta með betri hætti heldur en við erum að leggja áherslu á hér á Íslandi með til­liti til umhverf­is­sjón­ar­miða.“

Þurfum að læra af reynsl­unni

Bjarni telur ferða­þjón­ust­una, sem gengur nú í gegnum mikla eyði­merk­ur­göngu, eigi mikla mögu­leika á að ná vopnum sínum aft­ur. Hægt sé að læra af reynslu síð­ustu ára og af þeim umhverf­is­legu og sam­fé­lags­legu áskor­unum sem fylgdu því að fara úr hálfri milljón ferða­manna á ári í rúm­lega tvær millj­ónir á skömmum tíma. „Út um skrif­stofu­glugg­ann hjá mér í ráðu­neyt­inu þá horfi ég á stærsta fimm stjörnu hót­elið á Íslandi [Marriott-hót­elið sem rís nú við hlið Hörpu]. Nýtt hótel sem er hugsað til þess að draga til lands­ins ferða­menn sem eru að leita að slíkum gisti­mögu­leika. Þarna held ég að við séum að færa okkur aðeins nær því að það verði meira eftir fyrir sam­fé­lagið í heild að fá slíka til lands­ins, ólíkt því sem væri ef við værum ein­göngu að treysta á það sem koma með bak­poka og nið­ur­suðu­dós­ir.“

Hægt er að lesa við­talið við Bjarna í heild sinni hér og hlusta á það hér fyrir neð­an.