Katrín Jak­obs­dóttir for­sæt­is­ráð­herra segir að ef það gangi vel að kom­ast í gegnum þá erf­ið­leika sem nú standa yfir þá gæti það leitt til þess að traust á stjórn­mál, sem hefur verið lítið árum sam­an, vaxi. „Ef erf­ið­leik­arnir verða lang­vinnir þá eru meiri líkur á því að upp spretti öfl sem kalla eftir meiri lýð­skrum­spóli­tík. Þannig að ég held að það geti farið á hvort veg­inn sem er.“

Þetta er meðal þess sem fram kemur í ítar­­­legu við­tali Kjarn­ans við Katrínu sem birt var um liðna helgi. Við­talið er hluti af umfjöll­un­­­ar­röð Kjarn­ans þar sem sjónum er beint að þeirri fram­­­tíð sem gæti sprottið upp úr stöð­unni sem nú blasir við Íslandi efna­hags­­­lega. Fyrsti hluti þeirrar umfjöll­unar voru við­­­töl við alla þrjá for­­­menn stjórn­­­­­ar­­­flokk­anna. 

Katrín við­ur­kennir í við­tal­inu að hafa ekk­ert hugsað um það und­an­farið hvenær næstu kosn­ingar eigi að fara fram, en kjör­tíma­bil­inu lýkur í síð­asta lagi í októ­ber á næsta ári. For­sæt­is­ráð­herra var búin að gefa það út að sam­tal myndi eiga sér stað um það á vett­vangi Alþingis í sumar hvort þær verði aftur að hausti, sem er óvenju­legt í Íslands­sög­unni, eða hvort þær verði til að mynda haldnar að vori líkt og hefð er fyr­ir. Við það ætlar hún að standa þannig að allir stjórn­mála­flokkar verði með skýra hug­mynd um hvenær næst verði kosið þegar næsti þing­vetur hefst. 

Katrín seg­ist aldrei kvíða kosn­ing­um. Sú gjör­breyt­ing á aðstæðum íslensks efna­hags, og að ein­hverjum leyti sam­fé­lags, á örfáum vikum breyti þar engu um. „Hins vegar held ég að þegar ég horfi á und­an­farnar vikur – þær hafa verið þannig að þráð­ur­inn hefur oft verið stuttur í okkur öllum og þar af leið­andi hefur reynt sam­starf flokka í rík­is­stjórn – að það sam­starf hefur gengið mjög vel. Það hefur gengið vel að taka ákvarð­anir og ná saman á tímum þar sem það er mjög erfitt að taka ákvarð­an­ir.“

Loft­lags- og jafn­rétt­is­mál líka hörð efna­hags­mál

Katrín telur að Íslend­ingar eigi að nýta sér aðstæður nú til að hraða breyt­ingum í umhverf­is- og loft­lags­mál­um.

Rík­is­stjórnin hefur þegar fundað um aðgerð­ar­á­ætlun sína í loft­lags­málum og rætt hvort hún sé reiðu­búin að halda áfram með þau mark­mið sem hún var búin að setja sér. „Það er fullur vilji til þess. En hins vegar hef ég áhyggjur af þessum málum á heims­vísu. Þau voru auð­vitað í ákveð­inni kreppu fyr­ir, þar sem til að mynda Banda­ríkin voru búin að segja sig frá Par­ís­ar­sam­komu­lag­inu. Það sem maður skynjar eru miklar áhyggjur hjá þeim sem hafa verið að berj­ast fyrir þessum mál­um, aðal­lega gras­rót­ar­sam­tök­um, að COVID verði til þess að þessi mál lendi neðar á for­gangs­lista rík­is­stjórna. Þetta er dálítið eins og jafn­rétt­is­mál­in. Fólk ótt­ast að þessi mál fari aftar í röð­ina af því að nú sé verið að fást við hin hörðu efna­hags­mál. Á meðan ég segi að loft­lags- og jafn­rétt­is­málin eigi líka að vera hörð efna­hags­mál.“ 

Hægt er að lesa við­talið við Katrínu í heild sinni hér og hlusta á það hér að neð­an.

Hlað­varp Kjarn­ans · Kvikan – Við­var­andi atvinnu­leysi getur skapað mik­inn ójöfnuð