Vaxta­álag á́ fyr­ir­tækjalán íslensku bank­anna hefur hækkað enn frekar sam­hliða hraðri vaxta­lækkun Seðla­banka Íslands á stýri­vöxtum sínum og eru vextir á nýjum fyr­ir­tækjalánum nú um fimm pró­sentu­stigum yfir meg­in­vöxtum Seðla­banka Íslands, sem eru oft­ast kall­aðir stýri­vext­ir. 

Þetta kemur fram í nýj­ustu Pen­inga­mál­um, riti um horfur í efna­hags- og pen­inga­málum sem Seðla­bank­inn gefur út fjórum sinnum á ári. 

Þar er rakið að hratt hafi dregið úr útlánum til fyr­ir­tækja þegar leið á síð­asta ár, og sagt að það hafi verið í takt við hæg­ari vöxt efna­hags­um­svifa. 

Frá því seint í fyrra hefur árs­vöxtur í útlánum til fyr­ir­tækja verið undir einu pró­senti af með­al­tali. „Hægt hefur á vexti útlána til allra atvinnu­greina og lán til þjón­ustu- og versl­un­ar­fyr­ir­tækja hafa dreg­ist sam­an. Enn sem komið er hefur hins vegar ekki hægt á vexti útlána til heim­ila en hann hefur hald­ist á bil­inu 6-7 pró­sent frá miðju síð­asta ári. Ekki er heldur að merkja að aðgengi heim­ila að lánsfé hafi minnkað í kjöl­far far­sótt­ar­innar og vextir á húsnæð­islánum hafa haldið áfram að lækka sam­hliða lækkun vaxta Seðla­bank­ans.“

Stýri­vextir hafa lækkað um 3,75 pró­sentu­stig á einu ári

Stýri­vextir Seðla­bank­ans hafa lækkað hratt síð­ast­liðið ár. Frá því í maí í fyrra hafa þeir lækkað um alls 3,75 pró­sentu­stig og eru nú ein­ungis eitt pró­sent. Það eru lægstu vextir sem Seðla­bank­inn hefur nokkru sinni boðið upp á í Íslands­sög­unn­i. 

Þegar vextir voru lækk­aðir í enn eitt skiptið í gær­morg­un, þá um 0,75 pró­sentu­stig, kom fram að einnig hefði verið ákveðið að hætta að bjóða upp 30 daga bundin inn­­lán í Seðla­bank­an­um. „Felur það í sér að meg­in­vextir bank­ans verða virk­­ari og vaxta­skila­­boð bank­ans skýr­­ari. Aðgerðin ætti að öðru óbreyttu að auka laust fé í umferð og styrkja miðlun pen­inga­­stefn­unnar enn frek­­ar.“