Staf­ræn ávísun upp á fimm þús­und krón­ur, sem allir sjálf­ráða lands­menn munu fá senda, verður fram­selj­an­leg til ann­arra en einn ein­stak­lingur mun ein­ungis mega geta greitt fyrir með 15 slíkum ávís­un­um, eða fyrir 75 þús­und krón­ur. Ávís­an­irn­ar, eða ferða­gjaf­irnar eins og þær eru kall­aðir í frum­varpi sem Þór­dís Kol­brún Reyk­fjörð Gylfa­dótt­ir, ferða­mála-, iðn­að­ar- og nýsköp­un­ar­ráð­herra, hefur lagt fram frum­varp á Alþingi, gilda út þetta ár.

Hvert og eitt fyr­ir­tæki mun að hámarki tekið við 100 millj­ónum króna í formi ferða­gjafa og fyr­ir­tæki sem metið var í  rekstr­ar­erf­ið­leikum 31. des­em­ber 2019 getur að hámarki tekið við sam­an­lagt 25 millj­ónum króna.  

Útfærð í formi smá­forrits

Um er að ræða aðgerð sem kynnt var 21. mars síð­ast­lið­inn, þegar rík­is­stjórnin opin­ber­aði fyrsta aðgerð­ar­pakk­ann sinn. Í henni felst að senda á öllum ein­stak­lingum 18 ára og eldri með íslenska kenni­tölu star­fræna fimm þús­und króna gjöf útgefna af stjórn­völd­um. 

Frum­varp­inu var hins vegar fyrst dreift á Alþingi á föstu­dag, rúmum tveimur mán­uðum eftir að málið var kynnt. 

Í því kemur fram að lands­menn muni geta notað ferða­gjöf­ina hjá öllum fyr­ir­tækjum sem eru með gilt leyfi hjá Ferða­mála­stofu, sem eru með gilt leyfi til að reka veit­inga­staði, gisti­staði eða stunda skemmt­ana­hald og hjá þeim fyr­ir­tækjum sem eru með gilt starfs­leyfi frá heil­brigð­is­nefnd. Auk þess má nýta hana hjá öku­tækja­leig­um, söfnum og fyr­ir­tækjum sem bjóða sýn­ingu „gegn end­ur­gjaldi þar sem áhersla er á íslenska menn­ingu, sögu eða nátt­úru.“

Í grein­ar­gerð með frum­varp­inu segir að ferða­gjöfin sé „ útfærð í formi smá­forrits í far­síma sem verður hægt að nota á ein­faldan hátt til greiðslu. Einnig verður boðið upp á notkun greiðslukóða gegnum inter­net­ið. Mið­stöð verk­efn­is­ins verður vef­svæðið Fer­da­lag.is sem hýsir jafn­framt hvatn­ing­ar­á­tak um ferða­lög innan lands sem Ferða­mála­stofa ann­ast.[...]Smá­forritið býður upp á ein­falda lausn við milli­færslu ferða­gjaf­ar, gef­anda og mót­tak­anda að kostn­að­ar­lausu.“

Áætl­aður kostn­aður rík­is­sjóðs vegna ferða­gjaf­ar­innar er 1,5 millj­arðar króna.

Vill skala hug­mynd­ina upp

Sig­urður Ingi Jóhanns­son, for­maður Fram­sókn­ar­flokks­ins og sam­göngu- og sveit­­ar­­stjórn­­­ar­ráð­herra, sagði í nýlegu við­tali við Kjarn­ann að ein leið til að örva eft­ir­spurn eftir ferða­þjón­ustu í sumar væri að skala upp hug­mynd­ina um ferða­gjöf­ina og eyða hærri fjár­hæð en 1,5 millj­arði króna í hana. 

 „Tækn­i­­lausnin liggur fyr­ir, útfærslan er ein­­föld. Það væri hægt að skala þetta upp og búa til veru­­lega eft­ir­­spurn eftir ferða­­þjón­ust­unni á Íslandi og flétta það síðan saman við opnun landamæra sem verður þó háð því hvernig öðrum löndum tekst að eiga við plág­una.“

Hægt er að lesa við­talið við Sig­­urð Inga í heild sinni hér.