Fjármálaráðuneytið lagðist gegn ráðningu Þorvalds og sagði hann of virkan í pólitík

Fjármála- og efnahagsráðuneytið fór með rangfærslur um Þorvald Gylfason hagfræðiprófessor við erlenda aðila er verið var að ræða hvort hann ætti að verða ritstjóri norræns fræðatímarits. Þorvaldur kveðst vera með gilda ráðningu í stöðuna.

Fjármála- og efnahagsráðuneytið sagði Þorvald Gylfason hagfræðiprófessor vera of virkan í stjórnmálum til að geta notið stuðnings í ritstjórastöðu samnorræns fræðatímarits.
Fjármála- og efnahagsráðuneytið sagði Þorvald Gylfason hagfræðiprófessor vera of virkan í stjórnmálum til að geta notið stuðnings í ritstjórastöðu samnorræns fræðatímarits.
Auglýsing

Starfs­maður fjár­mála- og efna­hags­ráðu­neyt­is­ins kom þeim boðum til kollega sinna í nor­rænum fjár­mála­ráðu­neytum og til Nor­rænu ráð­herra­nefnd­ar­innar að ráðu­neytið gæti ekki stutt að Þor­valdur Gylfa­son, hag­fræði­pró­fessor við Háskóla Íslands, yrði ráð­inn sem rit­stjóri nor­ræna fræða­tíma­rits­ins Nor­dic Economic Policy Revi­ew.

Ástæðan sem ráðu­neytið gaf upp var sú að Þor­valdur hefði verið og væri enn, sam­kvæmt bestu vit­neskju ráðu­neyt­is­ins, for­maður stjórn­mála­afls. Hann væri því of póli­tískt virkur til þess að ráðu­neytið gæti stutt að hann yrði rit­stjóri fræða­tíma­rits­ins. 

Þarna fór starfs­maður ráðu­neyt­is­ins með rang­færslur um pró­fess­or­inn. Hann var vissu­lega á meðal stofn­enda Lýð­ræð­is­vakt­ar­innar árið 2013 og leiddi hana til Alþing­is­kosn­inga þar sem flokk­ur­inn hlaut eft­ir­minni­lega 2,46 pró­sent atkvæða, en hætti síðan í stjórn flokks­ins um haustið 2013 og hefur ekki gegnt trún­að­ar­störfum í stjórn­málum síð­an.

Auglýsing

Þor­vald­ur, sem fékk tölvu­póst­sam­skipti ráðu­neyt­is­ins við Nor­rænu ráð­herra­nefnd­ina afhent á grund­velli upp­lýs­inga­laga, segir við Kjarn­ann að ráðu­neytið hafi hvorki veitt sér stað­fest­ingu á að þessar rang­færslur um hann hafi verið leið­rétt­ar, né afsök­un­ar­beiðni fyrir að hafa farið með rangt mál um sig.

Hann telur ljóst að rang­færsl­urnar hafi komið í veg fyrir ráðn­ingu hans í rit­stjóra­starf­ið, sem Þor­valdur segir að hafi verið aft­ur­kölluð munn­lega 13. nóv­em­ber.

Kjarn­inn fjall­aði um úrskurð úrskurð­ar­nefndar um upp­lýs­inga­mál í mál­inu síð­asta föstu­dag og hefur blaða­maður síðan fengið að sjá gögn sem tengj­ast mál­inu.

Þor­valdur segir að búið hafi verið að bjóða sér rit­stjóra­starfið og annað er ekki hægt að lesa út úr tölvu­póst­sam­skiptum hans við starfs­mann Nor­rænu ráð­herra­nefnd­ar­inn­ar, sem dag­sett eru 1. nóv­em­ber. 

Skjáskot úr tölvubréfi starfsmanns Norrænu ráðherranefndarinnar til Þorvalds, 1. nóvember 2019.

Þann dag kann­aði starfs­maður Nor­rænu ráð­herra­nefnd­ar­innar hvort Þor­valdur hefði kom­ist að nið­ur­stöðu um hvort hann vildi þiggja starf sem rit­stjóri Nor­dic Economic Policy Revi­ew. Það er fræða­tíma­rit sem nor­rænu fjár­mála­ráðu­neytin gefa út í sam­starfi við rann­sókna­stofn­un­ina Nor­dreg­io, sem heyrir undir Nor­rænu ráð­herra­nefnd­ina.

Þor­valdur þáði starfstil­boðið með tölvu­pósti eftir að hafa fengið upp­lýs­ingar um bæði starfs­að­stæður og kaup og kjör og fékk í kjöl­farið svar til baka frá starfs­manni Nor­rænu ráð­herra­nefnd­ar­inn­ar, þar sem honum var þakkað fyrir að þiggja starf­ið. 

„Við hlökkum til að hafa þig og þína sér­þekk­ingu með okkur í næstu útgáfum NEPR,“ sagði emb­ætt­is­maður Nor­rænu ráð­herra­nefnd­ar­innar í pósti til Þor­valds, sem segir enga fyr­ir­vara hafa verið á ráðn­ingu sinni.

Vildu frekar leggja til annan Íslend­ing síðar

Eftir þetta fóru þó í hönd umræður á milli nor­rænu fjár­mála­ráðu­neyt­anna um hver skyldi verða ráð­inn næsti rit­stjóri tíma­rits­ins, en öll ríkin þurfa að vera sam­hljóða um ráðn­ingu rit­stjóra NEPR. Íslenska ráðu­neytið hefur sagt Þor­valdi í bréfa­skiptum þeirra á milli að hann hafi aldrei verið form­lega ráð­inn í starf­ið, það sé mis­skiln­ing­ur. Hann hafi ein­ungis verið einn margra sem komu til greina.

Þann 4. nóv­em­ber sendi starfs­maður finnska fjár­mála­ráðu­neyt­is­ins póst á kollega sína á hinum Norð­ur­lönd­unum þar sem hann sagði að nú væri kom­inn annar kandídat í starf­ið, Þor­valdur Gylfa­son. Miðað við fyr­ir­sögn tölvu­póst­sam­skipt­anna stóð valið þá á milli hans og finnsks pró­fess­ors, Jukka Pekk­ar­inen.

Emb­ætt­is­maður í íslenska ráðu­neyt­inu svar­aði full­trúa finnska ráðu­neyt­is­ins per­sónu­lega 7. nóv­em­ber og sagði að Ísland gæti ekki stutt Þor­vald í rit­stjóra­starf­ið, án þess þó að rök­styðja af hverju.

Úr tölvupósti starfsmanns íslenska ráðuneytisins til kollega í Finnlandi 7. nóvember.

„Við tókum vel í upp­á­stung­una um að rit­stjóra­starfið myndi að nokkru leyti fær­ast á milli land­anna, en við vildum frekar leggja til Íslend­ing í starfið síðar fremur en að styðja Gylfa­son nún­a,“ sagði íslenski emb­ætt­is­mað­ur­inn.

Full­trúi finnska ráðu­neyt­is­ins svar­aði þessu sama dag og sagð­ist „mjög undr­andi“ á þess­ari afstöðu Íslands. „Teljið þið í fjár­mála­ráðu­neyt­inu að hann væri ekki hæfur og fær um að stýra NEPR?“ spurði finnski emb­ætt­is­mað­ur­inn, sem sagð­ist enn fremur hafa skoðað opin­berar upp­lýs­ingar um Þor­vald og út frá þeim talið hann mjög góðan kandídat í starf­ið.  

Úr tölvupósti frá starfsmanni finnska fjármálaráðuneytisins til þess íslenska 7. nóvember.

„Það er rétt - hann nýtur ekki okkar stuðn­ings,“ svar­aði íslenski emb­ætt­is­mað­ur­inn þeim finnska morg­un­inn eft­ir, 8. nóv­em­ber, og bætti því við að íslenska ráðu­neytið gæti stutt hinn finnska Pekk­ar­inen í stöð­una.  

Auk þess­ara einka­skila­boða til finnska emb­ætt­is­manns­ins kom íslenska ráðu­neytið afstöðu sinni áleiðis til allra sem fengu upp­runa­lega tölvu­póst­inn frá finnska ráðu­neyt­inu.

Í þeim pósti, sem sendur var 8. nóv­em­ber, segir að eftir smá umræður í ráðu­neyt­inu hafi verið kom­ist að þeirri nið­ur­stöðu að Ísland myndi fremur styðja Pekk­ar­inen í stöð­una. „Við teljum að Gylfa­son sé ekki rétti kandídatinn,“ segir í svari íslenska emb­ætt­is­manns­ins.

Þessi afstaða kom full­trúa danska ráðu­neyt­is­ins mjög á óvart, rétt eins og þeim finnska, og bað sá danski íslenska ráðu­neytið um að færa rök fyrir afstöðu sinni. „Á pappír virð­ist hann vera afar hæfur umsækj­andi. Við vildum gjarnan geta tekið upp­lýsta ákvörðun hérna,“ segir danski emb­ætt­is­mað­ur­inn í tölvu­pósti 8. nóv­em­ber.

Úr tölvupósti frá starfsmanni danska fjármálaráðuneytisins 8. nóvember.

Efn­is­legt svar um ástæð­urnar fyrir því að Ísland gæti ekki stutt stutt Þor­vald barst svo frá íslenska emb­ætt­is­mann­inum þann 11. nóv­em­ber:  

„Þor­valdur er virkur í stjórn­mál­um. Hann hefur ver­ið, og er ennþá eftir því sem við best vit­um, for­maður Lýð­ræð­is­vakt­ar­inn­ar. Við teljum ekki við­eig­andi að mann­eskja sem er svo virk í stjórn­mál­um, hvað þá ein­hver sem veitir stjórn­mála­afli for­mennsku, sé rit­stjóri NEPR,“ segir starfs­maður ráðu­neyt­is­ins, sem stingur síðan upp á því að Frið­rik Már Bald­urs­son, for­seti við­skipta­deildar Háskól­ans í Reykja­vík, væri heppi­legri í starf­ið.

Þorvaldur er virkur í pólitík og því er ekki viðeigandi að hann ritstýri NEPR, sagði starfsmaður íslenska fjármálaráðuneytisins í tölvupósti til erlendra kollega 11. nóvember.

Starfstil­boð aft­ur­kallað munn­lega

Þessir tölvu­póstar sem Kjarn­inn hefur séð varpa ekki nán­ara ljósi á það sem fór nor­rænu ráðu­neyt­anna á milli varð­andi mögu­lega ráðn­ingu Þor­valds í starf­ið, en þetta eru einu tölvu­póst­sam­skiptin sem úrskurð­ar­nefnd um upp­lýs­inga­mál gerði ráðu­neyt­inu að afhenda Þor­valdi.

Fjár­mála- og efna­hags­ráðu­neytið seg­ist hafa leið­rétt rang­færsl­urnar sem settar voru fram um póli­tíska þátt­töku pró­fess­ors­ins, en hann sjálfur hefur sem áður segir ekki fengið stað­fest­ingu á því, þrátt fyrir að lög­maður hans hafi sér­stak­lega óskað eftir því við ráðu­neytið að upp­lýst verði um dag­setn­ingar slíkra sam­skipta.

Þann 13. nóv­em­ber, tveimur dögum eftir að starfs­maður fjár­mála- og efna­hags­ráðu­neyt­is­ins sagði erlendum kol­legum sínum frá að Ísland gæti ekki stutt Þor­vald í starfið vegna stjórn­mála­þátt­töku hans, seg­ist Þor­valdur hafa fengið sím­tal frá starfs­manni Nor­rænu ráð­herra­nefnd­ar­innar þar sem honum var tjáð að hann yrði, þrátt fyrir að hafa þegar þegið starfstil­boð, ekki ráð­inn næsti rit­stjóri NEPR. 

Þetta segir Þor­valdur að geti ekki stað­ist, laga­lega, þar sem tölvu­póst­sam­skipti hans við Nor­rænu ráð­herra­nefnd­ina um atvinnu­boðið hafi verið ígildi bind­andi samn­ings. 

Bréf frá lögmanni Þorvalds til Norrænu ráðherranefndarinnar, dagsett 27. nóvember.



Í bréfi sem lög­maður hans sendi Nor­rænu ráð­herra­nefnd­inni 27. nóv­em­ber segir að Þor­valdur áskilji sér rétt til þess að sækja skaða­bætur til Nor­rænu ráð­herra­nefnd­ar­innar vegna ólög­mætra slita á ráðn­ing­ar­sam­bandi og vegna orð­spor­s­miss­is. 

Nor­ræna ráð­herra­nefndin er hvött til þess að stinga upp á sátt vegna deil­unn­ar, en við þessu bréfi hefur ekki verið brugð­ist.

Sam­kvæmt upp­lýs­ingum sem Kjarn­inn fékk frá Nor­rænu ráð­herra­nefnd­inni verður Harry Flam, hag­fræði­pró­fessor við Stokk­hólms­há­skóla, næsti rit­stjóri Nor­dic Economic Policy Revi­ew.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Rússneska bóluefnið Spútnik V er á leið í dreifingu. Um helgina geta Moskvubúar í forgangshópum fengið fyrri sprautu sína.
Spútnik sprautað í Rússa: Hefja bólusetningu í stórum stíl eftir helgi
Um helgina hefjast bólusetningar á forgangshópum í Moskvu með bóluefninu Spútnik V. Tvær milljónir skammta eru sagðar til. Reuters-fréttastofan segir suma ríkisstarfsmenn upplifa þrýsting um að taka þátt í klínískum tilraunum á virkni bóluefnisins.
Kjarninn 4. desember 2020
Sigurjón Njarðarson
Fullveldið
Kjarninn 4. desember 2020
Haukur Logi Karlsson
Innansveitarkronikan og evrópska réttarríkið
Kjarninn 4. desember 2020
Notkun reyktóbaks og rafrettna ekki tengd við alvarlegri einkenni COVID-19
Niðurstöður nýrrar rannsóknar á Íslandi sýna ekki fram á aukið algengi eða alvarleika COVID-19 sjúkdóms meðal notenda reyktóbaks eða rafrettna en benda til tengsla lungnasjúkdóma við alvarlegri einkenni.
Kjarninn 4. desember 2020
Konur ættu að hafa rétt til þess að hverfa frá störfum sínum eftir 36 vikna meðgöngu að mati Félags íslenskra fæðinga- og kvensjúkdómalækna.
Læknar ítreka að þeim finnst að konur ættu að geta farið í orlof eftir 36 vikur án skerðinga
Fæðinga- og kvensjúkdómalæknar telja að konur ættu að hafa rétt til að fara í orlof eftir 36 vikna meðgöngu, án þess að orlof eftir fæðingu skerðist. Starfshópur heilbrigðisráðherra um stefnumótun í barneignarþjónustu er einróma á sömu skoðun.
Kjarninn 4. desember 2020
Tólf ný smit – allir í sóttkví
Allir sem greindir voru með kórónuveiruna í gær innanlands voru í sóttkví. Eftir fjölgun smita í síðustu viku hefur þeim fækkað jafnt og þétt síðustu daga.
Kjarninn 4. desember 2020
Ítrustu varúðar gætt við greftrun manneskju sem lést vegna COVID-19 í Indónesíu. Hálf milljón Indónesa hafa greinst með veiruna.
Bóluefnið ekki „töfralausn“ – dauðsföll vegna COVID komin yfir 1,5 milljónir
Brýnt er að allir haldi vöku sinni áfram næstu vikur og mánuði. Bóluefni gegn COVID-19 er væntanlegt en það mun engan veginn útrýma öllum þeim vandamálum sem faraldurinn hefur skapað.
Kjarninn 4. desember 2020
Tæknivarpið
Tæknivarpið
Tæknivarpið – Víst fleiri PS5 á Íslandi á þessu ári
Kjarninn 4. desember 2020
Meira úr sama flokkiInnlent