Fjármálaráðuneytið segist hafa stuðst við úrelta Wikipedia-síðu um Þorvald

Fjármála- og efnahagsráðuneytið segist hafa stuðst við rangar upplýsingar á Wikipedia-síðu um Þorvald Gylfason, þegar það kom rangfærslum um stjórnmálaþátttöku hans til norrænna ráðuneyta. Ráðuneytið segir að virða eigi akademískt frelsi í hvívetna.

Wikipedia-síða um Þorvald Gylfason. Þangað segist ráðuneytið hafa sótt sér rangar upplýsingar, sem það byggði á þegar það sagðist ekki geta stutt Þorvald í stöðu ritstjóra fræðatímarits.
Wikipedia-síða um Þorvald Gylfason. Þangað segist ráðuneytið hafa sótt sér rangar upplýsingar, sem það byggði á þegar það sagðist ekki geta stutt Þorvald í stöðu ritstjóra fræðatímarits.
Auglýsing

Fjár­mála- og efna­hags­ráðu­neytið studd­ist við rangar upp­lýs­ing­ar, sem það segir að hafi verið að finna á Wikipedi­a-­síðu um Þor­vald Gylfa­son hag­fræði­pró­fess­or, þegar það kom boðum til sér­fræð­inga í starfs­hópi nor­rænu fjár­mála­ráðu­neyt­anna um að Þor­valdur væri of virkur í póli­tísku starfi til þess að Ísland gæti sam­þykkt að hann yrði rit­stjóri nor­ræna fræða­tíma­rits­ins Nor­dic Economic Policy Revi­ew, sem gefið er út af Nor­rænu ráð­herra­nefnd­inn­i.

Þetta segir ráðu­neytið í svari við fyr­ir­spurn Kjarn­ans, þar sem það biðst einnig vel­virð­ingar á því að hafa farið með rang­færslur um Þor­vald í tölvu­pósti sem sendur var 11. nóv­em­ber í fyrra. Ráðu­neytið seg­ist einnig hafa leið­rétt rang­færsl­urnar um pró­fess­or­inn í tölvu­pósti, sem sendur var á þá sem fengu upp­runa­lega póst­inn, 29. nóv­em­ber.

Ráðu­neytið segir að upp­lýs­ing­unum um Þor­vald sem finna mátti á Wikipedia hafi síðar verið breytt. Wikipedia er eins og flestir vita alfræði­rit á net­inu þar sem hver sem er getur breytt þeim upp­lýs­ingum sem þar koma fram um menn og mál­efni. Þar má gjarnan reka sig á úreltar upp­lýs­ing­ar.

Auglýsing

Ekki borið undir fjár­mála­ráð­herra eða aðra á skrif­stofu yfir­stjórnar

Sam­kvæmt svari ráðu­neyt­is­ins var ákvörð­unin um að bera fram þessi sjón­ar­mið um Þor­vald, að hann væri of póli­tískt virkur til að njóta stuðn­ings Íslands í starf­ið, „ekki borin undir ráð­herra né aðra á skrif­stofu yfir­stjórnar ráðu­neyt­is­ins.“

Ekki fékkst skýrt svar við því hvort sú ákvörðun að hafna Þor­valdi hefði verið tekin af  starfs­manni ráðu­neyt­is­ins sem var í sam­skiptum við nor­ræna stýri­hóp­inn fyrir Íslands hönd eða ein­hverjum öðrum innan ráðu­neyt­is­ins.

„Virða beri í hví­vetna akademískt frelsi fræði­manna“

Kjarn­inn spurði ráðu­neytið einnig að því hvort það væri mat ráðu­neyt­is­ins að stjórn­mála­þátt­taka íslenskra fræði­manna kæmi í veg fyrir að hægt væri að mæla með þeim í fræða­störf, á sam­nor­rænum vett­vangi eða ann­ars­stað­ar.

„Ekki eru til neinar reglur um að stjórn­mála­þátt­taka íslenskra fræði­manna eigi að hafa áhrif á það hvort þeir komi til álita í fræða­störf, hvorki á sam­nor­rænum vett­vangi né ann­ars­stað­ar. Líta verður svo á að virða beri í hví­vetna akademískt frelsi fræði­manna, en alvana­legt er að ein­stak­lingar sem tekið hafa þátt í stjórn­mála­starfi séu valdir til að taka þátt í alþjóða­sam­vinnu og það á vit­an­lega við um verk­efni á borð við rit­stjórn fræði­legs tíma­rits,“ segir í svari ráðu­neyt­is­ins.

Í tölvu­póst­sam­skiptum sér­fræð­ings ráðu­neyt­is­ins við nor­rænu kollega sína var þó skýrt tekið fram að stjórn­mála­þátt­taka Þor­valds væri ástæðan fyrir því að íslenska fjár­mála­ráðu­neytið teldi óvið­eig­andi að hann rit­stýrði NEPR.

Ekk­ert sam­hljóða sam­þykki lá fyrir

Kjarn­inn bað um útskýr­ingu frá ráðu­neyt­inu á því hvernig ráðn­ing­ar­ferli rit­stjóra NEPR er hátt­að, en eins og fram hefur komið telur Þor­valdur Gylfa­son sig hafa fengið fyr­ir­vara­lausa ráðn­ingu í starf­ið, vegna tölvu­póst­sam­skipta hans við emb­ætt­is­mann Nor­rænu ráð­herra­nefnd­ar­innar 1. nóv­em­ber.

Ráðu­neytið segir að fjallað sé um ráðn­ingu á rit­stjóra tíma­rits­ins í starfs­hópi sér­fræð­inga í fjár­mála­ráðu­neytum Norð­ur­land­anna. „Vana­legt er að í aðdrag­anda slíkrar ákvörð­unar séu ýmsir nefndir til sög­unnar og svo var einnig í því til­viki sem hér um ræð­ir. Ákvörðun um ráðn­ingu er tekin sam­hljóða, þ.e. að kraf­ist er sam­sinnis allra fyrir ráðn­ingu. Ekk­ert slíkt sam­þykki lá fyrir þann 11. nóv­em­ber sl., en óform­leg skoð­ana­skipti áttu sér stað meðal þeirra sér­fræð­inga sem að ákvörð­un­inni kom­a,“ segir ráðu­neytið í svari sínu.

Þor­valdur hefur þann skiln­ing eftir sam­skipti sín við Nor­rænu ráð­herra­nefnd­ina að hann hafi verið ráð­inn til starfans. Emb­ætt­is­maður Nor­rænu ráð­herra­nefnd­ar­innar skrif­aði til hans, 1. nóv­em­ber: „Við hlökkum til að hafa þig og þína sér­­þekk­ingu með okkur í næstu útgáfum NEPR.“ Þá hafði Þor­valdur þegar fengið upp­lýs­ingar um kaup og kjör og sam­þykkt að taka að sér starf­ið.

Það er þó ljóst af sam­skiptum stýri­hóps nor­rænu ráðu­neyt­anna, sem úrskurð­ar­nefnd um upp­lýs­inga­mál lét Þor­valdi í té með úrskurði sínum í síð­asta mán­uði, að eng­inn í þeim hópi leit svo á að búið væri að taka end­an­lega ákvörð­un, enda þarf, eins og fjár­mála- og efna­hags­ráðu­neytið hefur sagt frá, sam­hljóða sam­þykki allra aðild­ar­ríkj­anna til þess að ein­stak­lingur sér ráð­inn í þetta starf.

Þor­valdur segir að starfstil­boð sitt hafi verið dregið til baka munn­lega 13. nóv­em­ber af hálfur Nor­rænu ráð­herra­nefnd­ar­inn­ar, tveimur dögum eftir að rang­færslur um hann voru settar fram af hálfu sér­fræð­ings íslenska ráðu­neyt­is­ins og 16 dögum áður en þær voru leið­rétt­ar.

Nor­ræna ráð­herra­nefndin svarar engu

Nor­ræna ráð­herra­nefndin hefur ekki svarað erindi lög­manns Þor­valds Gylfa­son­ar, sem sent var 27. nóv­em­ber. Þar seg­ist hann áskilja sér rétt til að sækja bætur vegna ólög­mætra slita á ráðn­ing­ar­sam­bandi, sem mynd­ast hafi með tölvu­póst­sam­skipt­unum þann 1. nóv­em­ber.



Nor­ræna ráð­herra­nefndin svar­aði ekki heldur form­legum fyr­ir­spurnum frá úrskurð­ar­nefnd um upp­lýs­inga­mál þegar nefndin var með gagna­beiðni Þor­valds til með­ferð­ar.

Athuga­semd rit­stjórn­ar: Frétt­inni hefur verið breytt. Í fyrri útgáfu hennar sagði að fjár­mála- og efna­hags­ráðu­neytið hefði sagt að Wikipedi­a-­síðu um Þor­vald hefði verið upp­færð fyrir 29. nóv­em­ber, þegar það sendi leið­rétt­ingu til þeirra sem fengu rang­færslur ráðu­neyt­is­ins um Þor­vald send­ar. Hið rétta er að ráðu­neytið til­tók ekki sér­stak­lega hvenær Wikipedi­a-­síð­unni hefði verið breytt, ein­ungis að henni hefði verið síðar breytt. Beðist er vel­virð­ingar á þessu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
ESA hefur verið með augun á íslensku leigubílalöggjöfinni allt frá árinu 2017.
ESA boðar samningsbrotamál út af íslensku leigubílalöggjöfinni
Þrátt fyrir að frumvarp um breytingar á lögum liggi fyrir Alþingi sendi Eftirlitsstofnun EFTA íslenskum stjórnvöldum bréf í dag og boðar að mögulega verði farið í mál út af núgildandi lögum, sem brjóti gegn EES-samningnum.
Kjarninn 20. janúar 2021
Joe Biden, forseti Bandaríkjanna, sór embættiseið sinn fyrr í dag.
Biden: „Það verður enginn friður án samheldni“
Joe Biden var svarinn í embætti forseta Bandaríkjanna fyrr í dag. Í innsetningarræðu sinni kallaði hann eftir aukinni samheldni meðal Bandaríkjamanna svo að hægt yrði að takast á við þau erfiðu verkefni sem biðu þjóðarinnar.
Kjarninn 20. janúar 2021
Helgi Hrafn Gunnarsson
Mikið fagnaðarefni að „nýfasistinn og hrottinn Donald Trump“ láti af embætti
Þingflokksformaður Pírata fagnar brotthvarfi Donalds Trump úr embætti Bandaríkjaforseta og bendir á að uppgangur nýfasisma geti átt sér stað ef við gleymum því að það sé mögulegt.
Kjarninn 20. janúar 2021
Frá miðstjórnarfundi hjá Alþýðusambandi Íslands í febrúar árið 2019.
Segja skorta á röksemdir fyrir sölu á hlut ríkisins í Íslandsbanka
Miðstjórn ASÍ mótmælir harðlega áformum um sölu á hlut ríkisins í Íslandsbanka, segir flýti einkenna ferlið og telur að ekki hafi verið færðar fram fullnægjandi röksemdir fyrir sölunni.
Kjarninn 20. janúar 2021
Gosi – ævintýri spýtustráks
Öll viljum við vera alvöru!
Leiklistargagnrýnandi Kjarnans fjallar um sýninguna Gosi – ævintýri spýtustráks sem sýnd er í Borgarleikhúsinu.
Kjarninn 20. janúar 2021
Á nýrri tölfræðisíðu sem sett var í loftið í dag má fylgjast með framgangi bólusetningar gegn COVID-19 hér á landi.
Tæplega 500 manns hafa þegar fengið tvær sprautur
Búið er að gefa rúmlega 40 prósent af Íslendingum yfir 90 ára aldri a.m.k. einn skammt af bóluefni og tæp 13 prósent þeirra sem eru 80-89 ára. Ný tölfræðisíða um bólusetningu hefur verið sett í loftið á vefnum covid.is.
Kjarninn 20. janúar 2021
Ágúst Ólafur Ágústsson.
Ágúst Ólafur verður ekki í framboði fyrir Samfylkinguna í næstu kosningum
Annar oddviti Samfylkingarinnar í Reykjavíkur verður ekki á lista hennar í komandi þingkosningum. Hann bauðst til að taka annað sætið á lista en meirihluti uppstillingarnefndar hafnaði því.
Kjarninn 20. janúar 2021
Rústir hússins að Bræðraborgarstíg 1 standa enn, yfir hálfu ári eftir að það brann.
Rannsaka ætluð brot eiganda Bræðraborgarstígs 1
Lögreglan á höfuðborgarsvæðinu er með til skoðunar ætlað brot fyrrum eiganda Bræðraborgarstígs 1 á byggingarreglugerð. HMS segir að eigandanum hafi borið að tryggja brunavarnir hússins og þær ekki reynst í samræmi við lög.
Kjarninn 20. janúar 2021
Meira úr sama flokkiInnlent