Um 91 pró­sent þeirra lands­manna sem taka afstöðu ætla að kjósa Guðna Th. Jóhann­es­son, for­seta Íslands, í for­seta­kosn­ing­unum síðar í þessum mán­uði, sam­kvæmt nið­ur­stöðu könn­unar sem EMC rann­sóknir fram­kvæmdu dag­anna 3. til 8. júní. Um níu pró­sent ætla að kjósa Guð­mund Frank­lín Jóns­son. 

Guðni nýtur yfir­gnæf­andi stuðn­ings kjós­enda nær allra flokka sem eiga full­trúa á Alþingi. Þeir sem skera sig þar úr eru kjós­endur Flokks flokks­ins, þar sem 18,3 pró­sent segj­ast ætla að kjósa Guð­mund Frank­lín, og kjós­endur Mið­flokks­ins, en 39,9 pró­sent þeirra styðja hann. 

EMC rann­sóknir spurðu líka hvern við­kom­andi myndu kjósa í for­seta­kosn­ing­unum í Banda­ríkj­unum ef þeir gætu kosið þar í nóv­em­ber næst­kom­andi. Þar kom í ljós að 94,2 pró­sent þeirra sem myndu kjósa Joe Biden, fram­bjóð­anda Demókra­ta­flokks­ins, ætla sér að setja x við Guðna. Af þeim sem myndu kjósa Don­ald Trump, for­seta Banda­ríkj­anna og fram­bjóð­anda Repúblíkana­flokks­ins, ætl­aði hins vegar 52,7 pró­sent að kjósa Guð­mund Frank­lín. 

Guðni er með mest fylgi í ald­urs­hópnum 18-34 ára, þar sem 96,1 pró­sent aðspurðra sagð­ist ætla að kjósa hann, en minnst hjá 55 ára og eldri, þar sem fylgið var þó 86,3 pró­sent. Fylgi for­set­ans er nán­ast það sama á höf­uð­borg­ar­svæð­inu og á lands­byggð­inni og aðeins meira, en vart mæl­an­lega, hjá þeim sem eru með fram­halds- eða háskóla­próf en þeim sem eru með grunn­skóla­próf sem æðstu mennt­un. 

Tölu­verður munur er þó á afstöðu kynj­anna til for­seta­fram­bjóð­end­anna. Guð­mundur Frank­lín myndi fá 15,7 pró­sent atkvæða ef ein­ungis karlar mættu kjósa en hann er vart með mæl­an­legt fylgi hjá kon­um, þar sem 97,2 pró­sent þeirra segj­ast styðja Guðn­a. 

Fjöldi svar­enda var 825. Könn­unin var fram­kvæmd á Net­inu og send á þátt­tak­endur í svar­enda­hópi EMC Rann­sókna. Um kvóta­könnun var að ræða þar sem tryggt var að svar­endur end­ur­spegla lands­menn með til­liti til kyns, ald­urs og búsetu með hlut­falli í svar­enda­hópum og vigt­un. Nið­ur­stöður eru greindar eftir lýð­fræði (kyni, aldri og búsetu) og mennt­un. Alls tóku 89 pró­sent þeirra sem svör­uðu könn­un­inni afstöðu.

Nið­ur­staða EMC er nán­ast hin sama og í könnun Gallup sem gerð var dag­ana 29. maí til 3. júní 2020. Þar mæld­ist Guðni með 90,4 pró­sent fylgi og Guð­mundur Frank­lín með 9,6 pró­sent.  Í þeirri könnun voru kjós­endur Mið­flokks­ins líka lang­lík­leg­astir til að kjósa Guð­mund Frank­lín, en ríf­lega 45 pró­sent þeirra sögð­ust ætla að gera það. 

Kjós­endur Mið­flokks­ins eru líka allra íslenskra kjós­enda lík­leg­astir til að styðja Don­ald Trump. Í könnun sem EMC birti í byrjun júní kom fram að ein­ungis fjögur pró­sent Íslend­inga myndi kjósa Trump ef þeir hefðu kosn­inga­rétt í Banda­ríkj­un­um. Af kjós­endum Mið­flokks­ins sögð­ust hins vegar 29 pró­sent styðja sitj­andi Banda­ríkja­for­seta.