Guðni Th. Jóhann­es­son, for­seti Íslands sæmdi í dag, þjóð­há­tíð­ar­dag­inn 17. júní, fjórtán Íslend­inga heið­urs­merki hinnar íslensku fálka­orðu. Á meðal þeirra sem fengu orð­una að þessu sinni voru Alma Möller land­lækn­ir, Þórólfur Guðna­son sótt­varn­ar­læknir og Víðir Reyn­is­son yfir­lög­reglu­þjónn. 

Þau eru betur þekkt sem þrí­eykið sem stóð í stafni bar­áttu Íslands gegn útbreiðslu veirunnar sem veldur COVID-19 sjúk­dómnum og urðu fasta­gestir á heim­ilum margra lands­manna á meðan að dag­legir upp­ýs­inga­fundir stóð yfir sam­hliða sam­göngu­banni og öðrum tak­mörk­unum sem gripið var til að þeirra und­ir­lagi, til að hefta útbreiðslu veirunn­ar. 

Á meðal ann­arra sem voru sæmdir fálka­orð­unni í dag voru Hildur Guðna­dótt­ir, sem hefur sópað að sér stærstu verð­launum í kvik­mynda- og tón­list­ar­heim­inum fyrir tón­list sína í kvik­mynd­inni Joker og sjón­varps­þátt­unum Cherno­byl. Þá hlaut Helgi Björns­son, tón­list­ar­maður og leik­ari, einnig orð­una en hann vann sig enn og aftur inn í hjörtu lands­manna á meðan að á sam­komu­bann­inu stóð með kvöld­vökum í sjón­varpi Sím­ans á laug­ar­dags­kvöldum sem köll­uð­ust „Heima með Helga“. 

Þeir sem hlutu fálka­orð­una í dag voru:

• Alma Möller land­lækn­ir, Reykja­vík, ridd­ara­kross fyrir störf í þágu heil­brigð­is­mála og fram­lag í bar­áttu við Covid-19 fara­sótt­ina
• Anna Dóra Sæþórs­dóttir pró­fess­or, Kópa­vogi, ridd­ara­kross fyrir kennslu og rann­sóknir á vett­vangi ferða­mála­fræði og úti­vistar
• Bárður Haf­steins­son skipa­verk­fræð­ing­ur, Reykja­vík, ridd­ara­kross fyrir fram­lag til hönn­unar fiski­skipa og íslensks sjáv­ar­út­vegs
• Einar Bolla­son fyrr­ver­andi for­maður KKÍ og stofn­andi Íshesta, Kópa­vogi, ridd­ara­kross fyrir fram­lag til íþrótta og störf á vett­vangi ferða­þjón­ustu
• Ellý Katrín Guð­munds­dóttiur fyrr­ver­andi borg­ar­rit­ari, Reykja­vík, ridd­ara­kross fyrir störf á opin­berum vett­vangi og fram­lag til opin­skárrar umræðu um Alzheimer sjúk­dóm­inn
• Helgi Björns­son leik­ari og tón­list­ar­mað­ur, Reykja­vík, ridd­ara­kross fyrir fram­lag til íslenskrar tón­listar og leik­listar
• Hildur Guðna­dóttir tón­skáld, Berlín, ridd­ara­kross fyrir fram­lag til íslenskrar og alþjóð­legrar tón­listar
• Hulda Karen Dan­í­els­dóttir kenn­ari og for­maður Þjóð­rækn­is­fé­lags Íslend­inga, Reykja­vík, ridd­ara­kross fyrir frum­kvæði á sviði starfs­þró­unar og kennslu íslensku sem ann­ars máls og fram­lag til efl­ingar tengsla við afkom­endur Íslend­inga í Vest­ur­heimi
• Jón Kalman Stef­áns­son rit­höf­und­ur, Reykja­vík, ridd­ara­kross fyrir fram­lag til íslenskra bók­mennta
• Jón Sig­urðs­son fyrr­ver­andi rekt­or, seðla­banka­stjóri og ráð­herra, Kópa­vogi, ridd­ara­kross fyrir störf í opin­bera þágu
• Sig­rún Þur­íður Geirs­dóttir þroska­þjálfi, Mos­fells­bæ, ridd­ara­kross fyrir afrek á sviði sjó­sunds
• Sig­ur­borg Ing­unn Ein­ars­dóttir fyrr­ver­andi hjúkr­un­ar­for­stjóri og ljós­móð­ir, Eski­firði, ridd­ara­kross fyrir fram­lag til heil­brigð­is­þjón­ustu í heima­byggð
• Víðir Reyn­is­son yfir­lög­reglu­þjónn, Kópa­vogi, ridd­ara­kross fyrir störf í þágu heil­brigð­is­mála og fram­lag í bar­áttu við Covid-19 fara­sótt­ina

Þórólfur Guðna­son sótt­varna­lækn­ir, Reykja­vík, ridd­ara­kross fyrir störf í þágu heil­brigð­is­mála og fram­lag í bar­áttu við Covid-19 fara­sótt­ina

Fréttin verður upp­færð.