Norðurlöndin ættu að móta sameiginlega stefnu gagnvart auknum áhuga Kína

Björn Bjarnason fyrrverandi ráðherra hefur skilað af sér skýrslu um öryggis- og utanríkismál til utanríkisráðherra Norðurlandanna. Þar leggur hann til 14 tillögur um norrænt samstarf til framtíðar.

Björn Bjarnason afhendir hér Guðlaugi Þór Þórðarsyni skýrsluna.
Björn Bjarnason afhendir hér Guðlaugi Þór Þórðarsyni skýrsluna.
Auglýsing

Norðurlöndin ættu að koma sér saman um sameiginlega stefnu í loftslagsmálum og beita sér fyrir henni á alþjóðavettvangi, þar sem það hefur oft og tíðum sýnt sig að sameiginlegt norrænt átak innan alþjóðastofnana getur hjálpað til við að setja mál á dagskrá.

Einnig ættu Norðurlöndin að vinna sameiginlega að stefnu og nálgun varðandi norðurslóðastefnu Kína, þar sem aukinn áhugi Kínverja á norðurslóðum mun hafa áskoranir í för með sér fyrir öryggismál í heimshlutanum. 

Þetta er á meðal þess sem kemur fram í nýrri skýrslu um öryggis- og utanríkismál Norðurlandanna sem Björn Bjarnason, fyrrverandi ráðherra, hefur skilað af sér til norrænu utanríkisráðherranna. 

Auglýsing

Björn var fenginn til þess að skrifa skýrsluna í desember í fyrra, en þá var áratugur frá því að Thorvald Stoltenberg, fyrrverandi utanríkisráðherra Noregs var fenginn til að vinna sambærilega skýrslu.

Í fréttatilkynningu frá utanríkisráðuneytinu segir að stórum hluta þeirra tillagna sem settar voru fram í Stoltenberg-skýrslunni hafi verið hrint í framkvæmd. Haft er eftir Guðlaugi Þór Þórðarsyni utanríkis- og þróunarsamvinnuráðherra að hann vonist til þess að tillögur Björns komist í framkvæmd á næstu mánuðum og árum.

Samstarf um viðbrögð við framtíðarfaröldrum

Birni var falið að að beina athygli sinni að loftslagsbreytingum, fjölþáttaógnum og netöryggi auk leiða til að efla fjölþjóðasamstarf og virðingu fyrir alþjóðareglum við skýrslugerðina. Lagði hann fram 14 tillögur í heildina, sem settar eru fram með knöppum hætti líkt og utanríkisráðherrar Norðurlandanna óskuðu eftir. 

Á meðal tillagna, auk þeirra sem nefndar eru hér í inngangi, er að hið opinbera og einkaaðilar vinni saman á sviði orkuskipta, Norðurlöndin vinni saman að hafrannsóknum til þess að sporn gegn áhrifum loftslagsbreytinga og hafi einnig samstarf um viðbrögð við heimsfaröldrum framtíðar. 

Hvað það síðastnefnda varðar leggur Björn til að rannsaka skuli hvernig Norðurlöndin gætu komið sér upp öryggisbirgðakerfi fyrir heilbrigðisgeirann og möguleikann á því að koma upp samnorrænum birgðum fyrir lyf og nauðsynlegar heilbrigðisvörur og -tæki.

Í inngangi skýrslunnar kemur fram að við gerð hennar hafi Björn og Jóna Sólveig Elínardóttir, sem stýrir deild um alþjóðleg öryggis- og varnarmálasamstarf í ráðuneytinu, átt yfir 80 fundi með norrænum stjórnmálamönnum, diplómötum, sérfræðingum og fræðimönnum þar sem þau hafi fundið fyrir miklum og einlægum áhuga á að styrkja norrænt samstarf innan þess málaflokks sem skýrslan tekur til.

„Ef skýrslan verður til þess að auka norrænt samstarf á sviði utanríkis- og öryggismála er hún skref til bjartari framtíðar,“ segir Björn í inngangi skýrslunnar.


Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Steypiregnið ógurlega
Steypiregn er klárlega orðið tíðara og umfangsmeira en áður var. Öll rök hníga að tengingu við hlýnun lofthjúps jarðar. Í tilviki flóðanna í Þýskalandi og víðar hefur landmótun, aukið þéttbýli og minni skilningur samfélaga á eðli vatnsfalla áhrif.
Kjarninn 25. júlí 2021
Ísraelsk stjórnvöld sömdu við lyfjafyrirtækið Pfizer um bóluefni og rannsóknir samhliða bólusetningum.
Alvarlega veikum fjölgar í Ísrael
Það er gjá á milli fjölda smita og fjölda alvarlegra veikra í Ísrael nú miðað við fyrstu bylgju faraldursins. Engu að síður hafa sérfræðingar áhyggjur af þróuninni. Um 60 prósent þjóðarinnar er bólusett.
Kjarninn 25. júlí 2021
Danska smurbrauðið nýtur nú aukinna vinsælda meðal matgæðinga í heimalandinu.
Endurkoma smurbrauðsins
Flestir Íslendingar kannast við danska smurbrauðið, smørrebrød. Eftir að alls kyns skyndibitar komu til sögunnar döluðu vinsældirnar en nú nýtur smurbrauðið sívaxandi vinsælda. Nýir staðir skjóta upp kollinum og þeir gömlu upplifa sannkallaða endurreisn.
Kjarninn 25. júlí 2021
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Meira úr sama flokkiInnlent