Trump ætlar að veikja náttúruverndarlögin

Í kvöld mun Donald Trump tilkynna breytingu á náttúruverndarlögum Bandaríkjanna. Lögum sem standa vörð um þátttöku almennings í ákvarðanatöku þegar kemur að framkvæmdum á borð við olíuleiðslur og hraðbrautir.

Donald Trump Bandaríkjaforseti mun halda fund í Atlanta í kvöld og tilkynna um breytingar sínar á náttúruverndarlögunum.
Donald Trump Bandaríkjaforseti mun halda fund í Atlanta í kvöld og tilkynna um breytingar sínar á náttúruverndarlögunum.
Auglýsing

Don­ald Trump for­seti Banda­ríkj­anna ætlar að taka ein­hliða ákvörðun um að veikja einn af horn­steinum nátt­úru­vernd­ar­laga lands­ins með því að tak­marka aðkomu almenn­ings að ákvarð­ana­töku um stór verk­efni á sviði inn­viða­upp­bygg­ing­ar. Þetta ætlar hann að gera til að flýta fyrir fram­kvæmda­leyfum fyrir hrað­braut­ir, orku­ver og olíu­leiðsl­ur.



Ítar­lega er fjallað um málið í frétta­skýr­ingu í New York Times í dag. Þar segir að með því að tak­marka þátt­töku almenn­ings í skipu­lags­ferlum fram­kvæmda muni rík­is­stjórn Trumps spara hund­ruð millj­ónir dala þar sem skemmri tíma mun taka verk­efni að fá leyfi.



Hvíta húsið hefur stað­fest að Trump ætli að kynna þessi áform sín á fundi í Atl­anta í kvöld. Hann er sagður rök­styðja ákvörðun sína með þeim hætti að skipu­lags­mál séu alltof tíma­frek eins og fyr­ir­komu­lagið er nú og tefji fyrir nauð­syn­legri inn­viða­upp­bygg­ingu, m.a. á breikkun hrað­brautar í Georg­íu-­ríki.

Auglýsing


End­ur­skoðun hinna 50 ára gömlu nátt­úru­vernd­ar­laga með þessum hætti er að því er fram kemur í frétta­skýr­ingu New York Times ein stærsta laga­breyt­ing sem stjórn hans hefur ráð­ist í en sú stjórn hefur nú þegar afnumið um 100 reglu­gerðir er snéru m.a. að verndun and­rúms­lofts og vatns og voru settar til að reyna að draga úr lofts­lags­breyt­ingum af manna­völd­um.



Þing­menn úr Repúblikana­flokkn­um, tals­menn olíu­fyr­ir­tækja, bygg­ing­ar­verk­takar og fleiri hópar hafa lengi sagt að skipu­lags­ferli fram­kvæmda taki alltof langan tíma. Hafa þeir m.a. sakað nátt­úru­vernd­ar­fólk um að nýta sér lögin til að halda verk­efnum sem það leggst gegn í gísl­ingu.

Tíma­mörkin þrengd



Sam­kvæmt því sem heim­ildir New York Times herma verða sett hert­ari tíma­mörk á umhverf­is­mat fram­kvæmda þannig að það taki ekki lengur en eitt til tvö ár. Þá á einnig að flokka fram­kvæmdir með öðrum hætti og fjölga þeim sem þurfa ekki að gang­ast undir slíkt mat.



Það sem heim­ild­ar­menn NYT segja enn frem­ur, og er að þeirra mati ein mesta breyt­ing­in, er að alrík­is­stofn­anir þurfa ekki lengur að taka til greina áhrif inn­viða­fram­kvæmda á lofts­lags­breyt­ing­ar.



Tals­maður Mið­stöðvar um líf­fræði­legan fjöl­breyti­leika, Brett Hartl, sakar Trump um að hverfa aftur til for­tíðar með þessu og til þess tíma þegar „ár urðu alelda, ekki var hægt að anda að sér loft­inu og dýra­líf var á hrað­leið í átt að útdauða.“

Þegar breytt umhverf­is­lögum



Miklar efna­hags­þreng­ingar hafa orðið víða um heim vegna far­ald­urs kór­ónu­veirunnar og eru Banda­ríkin þar ekki und­an­skil­in. Aflétt­ingar tak­mark­ana á sam­neyti fólks hafa orðið til þess að nýjum til­fellum hefur víða fjölgað gríð­ar­lega hratt svo aftur hefur þurft að grípa til aðgerða. Trump hefur verið gagn­rýndur fyrir við­brögð sín við far­aldr­inum en sjálfur hefur hann beint spjótum sínum að Alþjóða heil­brigð­is­mála­stofn­un­inni og Kín­verj­um.



Og nú hefur hann ítrekað sagt að slaka þurfi á þeim kröfum sem felist í umhverf­is- og nátt­úru­vernd­ar­lögum svo efna­hag­ur­inn kom­ist aftur á sama ról og áður og hraðar en ella. Hann hefur þegar tekið skef í þessa átt. Í júní skrif­aði hann undir for­seta­til­skip­anir um breyt­ingar á umhverf­is­vernd­ar­lögum (National Environ­mental Prot­ect­ion Act) og lögum um dýr í útrým­ing­ar­hættu „End­an­gered Species Act) svo hraða mætti ákveðnum fram­kvæmd­um. Ákvörð­un­ina rétt­lætti hann  með þeim orðum að breyt­ingin myndi „styrkja hag­kerfið og koma Banda­ríkja­mönnum aftur til vinn­u“.

Grunn­stoð umhverf­is­verndar



Nátt­úru­vernd­ar­lögin (National Environ­mental Prot­ect­ion Act) eru talin grunn­stoð allra umhverf­is­vernd­ar­laga Banda­ríkj­anna. Þau veita öllum banda­rískum borg­urum rétt til að tjá sig og gera athuga­semdir við fram­kvæmdir hvort sem það eru vegir í gegnum bæina þeirra, stækkun á flug­völlum eða önnur risa­vaxin inn­viða­verk­efni. Sam­kvæmt lög­unum verða stofn­anir að greina hvaða áhrif fyr­ir­hug­aðar fram­kvæmdir gætu haft á umhverfið út frá ýmsum þátt­um, s.s. á dýra­líf, losun gróð­ur­húsa­loft­teg­unda og þar fram eftir göt­un­um.



Það er lík­lega ekki að ástæðu­lausu að Trump er að hugsa um þessi mál núna – rétt fyrir kosn­ingar og rétt eftir að nokkur mál á þessu sviði hafa náð augum og eyrum almenn­ings. Snemma í júlí komst umdæm­is­dóm­stóll að því að Dakota-ol­íu­leiðslan, sem á að flytja olíu frá Norð­ur­-Da­kóta til Ill­in­ois, þyrfti að fara í frekara umhverf­is­mat. Sú fyr­ir­hug­aða fram­kvæmd hefur mætt gríð­ar­legri and­stöðu og orðið til­efni fjölda­mót­mæla og marg­vís­legra kæru­mála. Í New York Times er haft eftir heim­ild­ar­mönnum innan olíu­iðn­að­ar­ins að breyt­ing Trump á nátt­úru­vernd­ar­lög­unum muni ekki endi­lega þýða að Dakota-ol­íu­leiðslan fái grænt ljós heldur að með­ferð skipu­lags­mála af ýmsum toga, m.a. ítar­legra umhverf­is­mati, muni taka skemmri tíma. Þá muni breyt­ingin hafa  áhrif á önnur slík verk­efni sem eru í bígerð.Dakota-olíuleiðslunni hefur verið mótmælt víða í Bandaríkjunum og einnig í Evrópu. Mynd: EPA



Í júlí stað­festi hæsti­réttur Banda­ríkj­anna einnig nið­ur­stöðu umdæm­is­dóm­stóls sem krafð­ist stöðv­unar fram­kvæmda við Key­sto­ne-ol­íu­leiðsl­unnar á grund­velli umhverf­is­reglna. Trump hefur sagt að hann hefði viljað sjá þessi tvö verk­efni verða að veru­leika.



Ekk­ert af þessu ætti þó að koma mikið á óvart. Trump hafði það á stefnu­skránni frá upp­hafi að veikja umhverf­is­vernd­ar­lög í þessum til­gangi. Sjálfur var hann í fast­eigna­verk­efnum marg­vís­legum áður en hann bauð sig fram til for­seta.



Í New York Times segir að mögu­lega geti for­set­inn ekki tekið þá ákvörðun að veikja nátt­úru­vernd­ar­lögin ein­hliða. Sam­kvæmt lögum um end­ur­skoðun ákvarð­ana for­seta getur þingið snúið slíkum ákvörð­unum við ef meiri­hluti er fyrir því.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Sólveig Anna Jónsdóttir, formaður Eflingar.
Krefur yfirvöld um betri upplýsingar um faraldurinn á erlendum tungum
„Við erum ekki öll almannavarnir ef upplýsingarnar ná ekki til okkar allra,“ segir Sólveig Anna Jónsdóttir í bréfi til forsætisráðherra, þar sem þess er krafist að bætt verði úr upplýsingamiðlun um faraldurinn til aðfluttra íbúa á Íslandi.
Kjarninn 5. ágúst 2020
Greiðslumiðlunarfyrirtækið Borgun var nýlega selt til erlendra eigenda. Ábyrgð á mögulegum blekkingum fortíðar situr eftir hjá fyrri eigendum.
Íslandsbanki mun áfram bera ábyrgð á fjártjóni í Borgunarmálinu
Þrátt fyrir að Íslandsbanki hafi selt hlut sinn í Borgun í síðasta mánuði mun bankinn áfram bera ábyrgð á að greiða hinum ríkisbankanum, Landsbankanum, bætur ef Borgunarmálið tapast. Matsmenn í málinu telja að upplýsingar hafi vantað í ársreikning.
Kjarninn 5. ágúst 2020
Níu ný smit – 91 í einangrun
Níu ný tilfelli COVID-19 greindust hér á landi í gær. 91 er því með virk smit af kórónuveirunni og í einangrun. Öll smitin greindust í rannsóknum veirufræðideildar Landspítalans.
Kjarninn 5. ágúst 2020
Leita lífs og svara
Það er talað um slys. En á sama tíma liggur fyrir að spenna milli Ísraela og Hezbollah-skæruliða hefur aukist að undanförnu. Eiturgufur og ryk liggur enn yfir borginni – París Miðausturlanda – og lífs er leitað í rústunum sem og svara við því sem gerðist.
Kjarninn 5. ágúst 2020
Í fyrsta sinn frá árinu 2012 fluttu fleiri erlendir ríkisborgarar af landinu en til þess
Þegar mest lét starfaði rúmur fjórðungur erlends vinnuafls í ferðaþjónustu en almennt atvinnuleysi erlendra ríkisborgara hérlendis var 18,5 prósent í júní síðastliðnum. Á árunum eftir hrun fækkaði erlendum ríkisborgurum sem búsettir voru hér á landi.
Kjarninn 5. ágúst 2020
Viðskipti með hlutabréf lækkuðu um 60 prósent milli ára
Mest viðskipti voru með hlutabréf í Marel í nýliðnum mánuði en flest viðskipti voru með hlutabréf í Icelandair.
Kjarninn 4. ágúst 2020
Þórólfur Guðnason sóttvarnalæknir.
Þórólfur segir „komið að stjórnvöldum“ að taka ákvarðanir
Við þurfum að læra að lifa með kórónuveirunni næstu mánuði og jafnvel ár og því er komið að hafa sjónarmið annarra en sóttvarnalæknis í ákvarðanatöku. „Ég held að það sé komið að stjórnvöldum að koma meira inn í það,“ segir Þórólfur Guðnason.
Kjarninn 4. ágúst 2020
Það verður ekkert Reykjavíkurmaraþon í ár.
Reykjavíkurmaraþoni Íslandsbanka aflýst
Reykjavíkumaraþoni Íslandsbanka, sem fram átti að fara 22. ágúst, hefur verið aflýst. Allar skráningar í hlaupið verða færðar fram um eitt ár, en þeir sem þess óska geta fengið endurgreiðslu.
Kjarninn 4. ágúst 2020
Meira úr sama flokkiErlent