Vegur sunnan Hljóðakletta verður með „allt öðrum brag“ þegar framkvæmd lýkur

Vegagerðin segir hækkun vegarins um Vesturdal vera nauðsynlega, m.a. vegna rútuumferðar. Náttúruverndarfólk hefur harðlega gagnrýnt framkvæmdina en Vegagerðin segir hana unna í góðu samráði og samvinnu við þjóðgarðsvörð.

Frá vegaframkvæmdum í Vesturdal.
Frá vegaframkvæmdum í Vesturdal.
Auglýsing

Vegagerð verður oft mjög áberandi í landslaginu meðan á framkvæmdum stendur og vegstæðið virðist þá mun umfangsmeira en það er í raun. Ástandið breytist síðan mjög þegar verki er lokið með viðeigandi frágangi.


Þetta segir G. Pétur Matthíasson, forstöðumaður samskiptasviðs Vegagerðarinnar, um vegaframkvæmdir í Vesturdal sunnan Hljóðakletta sem vakið hafa hörð viðbrögð náttúruverndarfólks. Fyrrverandi þjóðgarðsvörður í Jökulsárgljúfri sagði að hinn breiði og „mjög upphækkaði“ vegur spillti landslaginu og Andri Snær Magnason rithöfundur sagði veginn virðast  einhverskonar „fantasía verkfræðings og gröfustjóra“. Verið væri að búa til „uppbyggða hraðbraut eins og markmiðið sé að komast á sem mestum hraða milli staða.“


Samtök um náttúruvernd á Norðurlandi, SUNN, hafa seint kæru til úrskurðarnefndar umhverfis- og auðlindamála og krefjast þess að vegaframkvæmdirnar í Vesturdal og við Hljóðakletta verði stöðvaðar. Segjast samtökin gera „alvarlegar athugasemdir varðandi verklag í kringum framkvæmdaleyfi og umhverfismat og gera kröfu um að betur sé að gætt þegar um svo dýrmætan stað er að ræða“.

Auglýsing


G. Pétur, segir við Kjarnann að Vegagerðin eigi eftir að skoða kærumálið og geti því ekkert sagt um það á þessu stigi.


Varðandi vegagerðina sjálfa þá segir hann um að ræða veg sem liggi að bílastæði fyrir hvoru tveggja rútur og bíla.  „Vegagerðin í Vesturdal er hefðbundinn vegur að hluta til en að hluta til er hann einungis fjögurra metra breiður og er lagður á nákvæmlega sama stað og sá slóði sem fyrir var,“ segir hann. Hækkun vegarins frá því sem var sé nauðsynleg vegna breyttrar umferðar, til dæmis ferðaþjónustunnar á rútubifreiðum. Auk þess sé hún nauðsynleg svo unnt sé að þjónusta veginn og halda honum opnum meira en ella.


G. Pétur bendir á að í verkinu sé gerð krafa um frágang þannig að svarðlag sem upp er tekið er geymt og því komið fyrir aftur á fláum vegarins og því miðað við að gróður verði sá sami og er á svæðinu og tryggt verði að fláar fái þá ásýnd sem er annars staðar á svæðinu. „Því mun þessi vegagerð verða með allt öðrum brag en nú má sjá meðan unnið er í verkinu,“ segir hann.


Að hluta til er ekkert svarðlag og í þeim tilvikum verði ákveðið í samráði við þjóðgarðsvörð Norðursvæðis Vatnajökulsþjóðgarðs hvernig frágangi verði háttað, hvort sáð verði grasi, þökulagt eða farin önnur leið til að ná þeirri áferð sem á svæðinu er. „Öll þessi framkvæmd hefur verið unnin í góðu samráði og samvinnu við þjóðgarðsvörð en vegalagning þessa hluta Dettifossvegar hefur nú staðið í nokkuð mörg ár eða síðan þessir áfangar á norðanverðum veginum voru fyrst boðnir út árið 2014.“


 



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiInnlent