Lego hætti við að gefa út legóþyrlu vegna mótmæla þýskra friðarsinna

Þýskir friðarsinnar og hernaðarandstæðingar hafa knúið danska leikfangaframleiðandann Lego til þess að hætta við útgáfu á legóþyrlu. Bent var á að þyrlan, af gerðinni Osprey, væri fyrst og fremst herþyrla. Það samræmist ekki stefnu Lego.

Frá mótmælum fyrir utan Lego-verslun í Hamborg síðasta mánudag.
Frá mótmælum fyrir utan Lego-verslun í Hamborg síðasta mánudag.
Auglýsing

Þýskir frið­ar­sinnar og hern­að­ar­and­stæð­ingar hafa knúið danska stór­fyr­ir­tækið Lego til þess að end­ur­skoða ákvörðun sína um að gefa út her­þyrlu­legó. Útgáfan hefði orðið fyrsta Lego-eft­ir­mynd raun­veru­legra her­gagna, en ekk­ert mun nú verða af þeim áætl­unum Lego að dreifa þyrlu­legóinu frá og með næsta mán­uði. Danska við­skipta­blaðið Fin­ans segir frá þessu í dag.

Í upp­hafi vik­unnar mót­mæltu frið­ar­sinnar áætl­unum Lego fyrir utan versl­anir danska fyr­ir­tæk­is­ins í Þýska­landi, meðal ann­ars í Berlín og Ham­borg. Lego lét snögg­lega und­an, enda kom upp úr krafs­inu að útgáfa af tækni­legókubba­sett­inu Lego Technic Bell Boeing V-22 Osprey hefði strítt gegn siða­reglum fyr­ir­tæk­is­ins sjálfs, sem hefur svarið þess heit að gefa ekki út eft­ir­myndir raun­veru­legra stríðstækja.

„Elsk­aðu kubba - hat­aðu stríð“

Mót­mæl­endur frá þýsku frið­ar- og hern­að­ar­and­stæð­inga­sam­tök­unum DFG-VK stóðu fyrir utan versl­anir Lego og mót­mæltu því að danski kubbafram­leið­and­inn væri í sam­starfi við her­gagna­fram­leið­end­urna, banda­rísku fyr­ir­tækin Boeing og Bell, um útgáfu Osprey-­legóþyrl­unn­ar.  

Auglýsing

Slag­orð mót­mæl­anna var „Elsk­aðu kubba – hat­aðu stríð“ og bentu mót­mæl­endur á að þrátt fyrir að útgáfan sem Lego hafði fram­leitt og hugð­ist setja í hillur versl­ana á næst­unni væri björg­un­ar­þyrla en ekki stríðstól væri raunin sú að þessi gerð þyrlna væri ein­ungis notuð í hern­aði nú um mund­ir, aðal­lega af Banda­ríkja­her en einnig af jap­anska hern­um.

Stríðstólið Osprey í Lego-búningi.

„Við höfum ára­langa stefnu um að gefa ekki út kubba með hern­að­ar­far­ar­tækj­um, og því höfum við ákveðið að ganga ekki lengra með útgáfu þess­arar vöru,“ segir Lego í svari sínu við fyr­ir­spurn Fin­ans.

Danski mið­il­inn segir að Lego hafi ekki svarað öllum spurn­ingum sínum um mál­ið, meðal ann­ars varð­andi það hvað ætti að gera við allar Osprey-­legóþyrlurnar sem þegar hafa verið fram­leidd­ar. „Við höfum því miður ekki meira um málið að segja, annað en það að við getum stað­fest að varan mun ekki koma út,“ sagði í svari Lego.

Fram­úr­skar­andi, segja þýskir frið­ar­sinnar

For­svars­menn sam­tak­anna DFG-VK segj­ast him­in­lif­andi með að aðgerðir þeirra hafi skilað árangri og segir fram­kvæmda­stjóri sam­tak­anna, Mich­ael Schulze von Glaßer, að við­brögð Lego við mót­mæl­unum hafi verið umfram vænt­ing­ar. 

„Við höfum reynt að hafa sam­band við Lego nokkrum sinnum frá því í febr­úar og óskað eftir yfir­lýs­ingu um áætlun þeirra um hern­að­arkubbana. Við buð­umst líka til þess að funda með þeim en fengum engin svör,“ er haft eftir von Glaßer í til­kynn­ingu.



Hann bætir við að and­staða sam­tak­anna við vör­una sem slíka hafi ein­ungis stafað af and­stöðu við sam­starf Lego við Boeing og Bell, en banda­rísku fyr­ir­tækin hefðu hlotið greiðslu fyrir sam­starf­ið, ef það hefði gengið alla leið. Ef Lego hefði gefið út þyrlu sem hefði líkst Osprey-­þyrlum en ekki verið merkt vöru­merkjum her­gagna­fram­leið­and­anna hefði það verið í góðu lagi.

Þýsku sam­tökin segjast, umhverf­is­ins vegna, von­ast til þess að allir þeir kubbar sem fóru í fram­leiðslu þyrlu­legós­ins fái nýjan til­gang. „Það er það góða við legókubba, það má alltaf skapa eitt­hvað nýtt með þeim,“ segir von Glaßer.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Engin aukning í sjálfsvígum í fyrstu bylgju COVID-19
Ólíkt öðrum stórum efnahagsáföllum fjölgaði sjálfsvígum ekki í kjölfar kreppunnar sem fylgdi fyrstu bylgju heimsfaraldursins í fyrra í hátekjulöndum, samkvæmt nýrri rannsókn.
Kjarninn 18. apríl 2021
Halldór Gunnarsson
Prósentur, meðaltöl og tíundir í þágu eldri borgara
Kjarninn 18. apríl 2021
Anna Tara Andrésdóttir
Sóttvarnayfirvöld fylgja ekki rannsóknum sem benda til þess að andlitsgrímur virki ekki
Kjarninn 18. apríl 2021
Jón Ormur Halldórsson
Kaflaskilin í Kína
Kjarninn 18. apríl 2021
Þrettán manns greindust með COVID-19 innanlands í gær. Fólk er hvatt til að fara í skimun við minnstu einkenni.
Þrettán smit innanlands – hópsmit í kringum leikskóla í Reykjavík
Í gær greindust fleiri með COVID-19 innanlands en á nokkrum öðrum degi síðan 23. mars. Átta voru utan sóttkvíar og hinir höfðu verið stutt í sóttkví.
Kjarninn 18. apríl 2021
Skriðdreki rússneskra aðskilnaðarsinna í Donbas á ferðinni á heræfingu í upphafi þessa árs. Yfir 15 þúsund hafa látið lífið síðan átökin í Úkraínu hófust árið 2014. Nú eru blikur á lofti.
Rússar herða tökin í Úkraínu
Rússar sýna nú ógnandi tilburði við landamæri Úkraínu. Samhliða beita þeir ýmsum tólum fjölþáttahernaðar og Vesturlönd velkjast í vafa um viðbrögð.
Kjarninn 18. apríl 2021
„Stundum hef ég hugsað um hvað gerist ef það kviknaði í hér inni. Það eru margir neyðarútgangar en innan við þá alla eru full vörubretti, þetta er kolólöglegt en enginn gerir neitt,“ sagði einn starfsmaður undir nafnleynd við dagblaðið Information nýlega
Þrælahald
Fimmtán klukkustunda vinna á hverjum degi mánuðum saman, kröfur um afköst, sem ekki er hægt að uppfylla, tímaáætlun sem ekki gerir ráð fyrir salernisferðum og kaffitímum. Svona er vinnuaðstæðum lýst hjá þekktri danskri netverslun.
Kjarninn 18. apríl 2021
Ingibjörg Isaksen mun leiða lista Framsóknar í Norðausturkjördæmi í haust.
Ingibjörg Isaksen efst hjá Framsókn í Norðausturkjördæmi – Líneik önnur
Ingibjörg Ólöf Isaksen bæjarfulltrúi og framkvæmdastjóri á Akureyri varð hlutskörpust í póstkosningu Framsóknarflokksins í Norðausturkjördæmi. Hafði hún betur en Líneik Anna Sævarsdóttir þingmaður flokksins, sem varð önnur í kjörinu.
Kjarninn 17. apríl 2021
Meira úr sama flokkiErlent