Á síð­ustu hund­rað árum hefur hita­stig á Sval­barða aðeins tvisvar sinnum mælst yfir 20 stig. Það gerð­ist nú um helg­ina og þar áður árið 1979.

Á laug­ar­dag mæld­ist þar 21,7 stiga hiti á flug­vell­in­um, 0,4 gráðum meira en í fyrra hita­meti frá árinu 1979 þegar 21,3 gráður mæld­ust. Athygli vekur að um helg­ina var því hlýrra á Sval­barða en í Ósló, höf­uð­borg Nor­egs. 

Í Longye­ar­byen á Sval­barða, sem er á 78. breidd­argráðu, er sum­ar­hit­inn yfir­leitt á bil­inu 13-17 stig þegar hann er mest­ur. Þar er búið allt árið og talað um að þar sé nyrsta fasta búseta árið um kring í heim­in­um.

Longye­ar­byen byggð­ist fyrst upp í kringum námu­gröft en í dag heldur þar til fjöldi vís­inda­manna við ýmsar rann­sókn­ir. Þá hefur ferða­þjón­usta verið að ryðja sér þar til rúms í auknum mæli síð­ustu ár. 

„Stór­frétt fyrir margra hluta sakir og aðeins í annað sinn á um 100 árum sem hiti fer yfir 20 stig á Sval­barða,“ skrifar Einar Svein­björns­son veð­ur­fræð­ingur um hita­metið á Face­book-­síðu sinni.