Á fundi heil­brigð­is­ráð­herra með almanna­vörn­um, land­lækni, sótt­varna­lækni og rík­is­lög­reglu­stjóra síð­degis í dag var rætt hvort herða þyrfti gild­andi sam­komu­tak­mark­anir til að hefta útbreiðslu kór­ónu­veirunn­ar. Til skoð­unar er að taka tveggja metra nánd­ar­mörkin upp að nýju og segir í til­kynn­ingu almanna­varna að þau verði þá ekki lengur „til­mæli“ heldur „regla“.

Sam­kvæmt til­kynn­ingu almanna­varna var líka rætt á fund­inum var hvort breyta þyrfti áherslum eða herða aðgerðir á landa­mær­um. Einnig var rætt um að hækka við­bún­að­ar­stig almanna­varna, en engar ákvarð­anir voru teknar á fund­in­um, „enda beðið gagna og upp­lýs­inga úr grein­ingu sýna.“

Eins og fram hefur komið í dag eru tutt­ugu og fjórir ein­stak­lingar í ein­angrun með stað­fest smit, en þar af eru 14 inn­an­lands­smit. 173 eru í sótt­kví. Ekki hefur tek­ist að rekja tvö inn­an­lands­smit en unnið er að smitrakn­ingu og rað­grein­ingu sýna.

Sam­ráðs­hópur mun koma aftur saman til fundar á morg­un, en í til­kynn­ingu almanna­varna segir að ákvörð­unin muni byggja á þeim nið­ur­stöðum sem nú er beðið eft­ir.

Hafa áhyggjur af versl­un­ar­manna­helg­inni

„Al­manna­varnir og sótt­varna­yf­ir­völd hafa áhyggjur af kom­andi versl­un­ar­manna­helgi þar sem við­búið er að margir verði á far­alds­fæti og hætta á að smit geti borist enn frekar út í sam­fé­lag­inu. Áríð­andi er að fólk taki upp og haldi á lofti ein­stak­lings­bundnum sótt­vörn­um, virði til­mæli um nánd­ar­mörk og verndi við­kvæma hópa. Fyr­ir­tæki og stofn­anir eru hvött til þess að skerpa á sótt­vörnum og leið­bein­ing­um. Þá er áríð­andi að fólk virði ein­angr­un, sótt­kví og taki heim­komusmit­gát af fyllstu alvöru,“ segir í til­kynn­ingu almanna­varna. 

Þar er einnig farið yfir helstu ein­kenni COVID-19 sýk­ingar og minnt á að þau eru ekki alltaf þau sömu. Þau minna þó oft á venju­lega flens­u. 

„Ein­kenni geta verið aðeins eitt af eft­ir­töldu, það er hiti, háls­sær­indi, hósti, slapp­leiki, bein- og vöðva­verkir og skyndi­lega breyt­ing eða tap á bragð- og lykt­ar­skyni. Hafi fólk grun um smit á að halda sig heima, hafa sam­band við sína heilsu­gæslu í gegnum síma, við net­spjall Heilsu­veru.is eða við Lækna­vakt­ina í síma 1700. Heil­brigð­is­starfs­fólk mun þar ráð­leggja um næstu skref og hvar sýna­taka muni fara fram ef þarf,“ ­segir í til­kynn­ingu almanna­varna.