Nor­ræna flutn­iniga­manna­sam­bandið (NTF) for­dæmir fram­komu Icelandair í garð Flug­freyju­fé­lags Íslands (FFÍ) í nýlegum kjara­samn­inga­við­ræð­um. Þetta kemur fram í til­kynn­ingu frá NTF sem sam­bandið sendi frá sér í gær.

Icelandair sleit samn­inga­við­ræðum við FFÍ og sagði upp öllum flug­freyjum sínum um miðjan júlí. Í kjöl­farið áttu flug­menn að taka að sér störf örygg­is­liða um borð í vélum Icelandair og félagið ætl­aði að leita eftir samn­ingum við annan samn­ings­að­ila. Nokkrum dögum síðar var nýr kjara­samn­ingur milli Icelandair og FFÍ und­ir­rit­að­ur.

Í til­kynn­ing­unni lýsir NTF yfir miklum von­brigðum með þessa ákvörðun Icelanda­ir. Sam­tökin segja það einnig áhyggju­efni að slíkum brögðum sé beitt. Því miður hafi sams­konar aðgerðum verið beitt í kjara­við­ræðum ann­ars flug­fé­lags og nú, mörgum árum síð­ar, er and­inn í starfs­manna­hópi þess flug­fé­lags enn ekki samur að því er fram kemur í til­kynn­ing­unni.

Kór­ónu­veiru­far­ald­ur­inn hefur leikið fyr­ir­tæki í hinum ýmsu geirum grátt og ekki síst fyr­ir­tæki sem sinna fólks­flutn­ing­um. Að mati NTF er það ekki lausn á þeim rekstr­ar­vanda sem fyr­ir­tækin standa frammi fyrir að þrýsta á stétt­ar­fé­lög með hót­unum sem ógni heild­ar­samn­ing­um.

Líkt og áður segir for­dæma sam­tökin þessa til­högun en þau hvetja jafn­framt Icelandair til þess að reyna að hlúa að vinnu­um­hverf­inu til þess að efla traust milli allra þeirra sem hlut eiga að máli.