Í gær greindust sautján ný inn­an­lands­smit hér á landi. Í heild eru 109 með virk smit. Rað­grein­ingar sýna að um sömu gerð veiru er að ræða og teng­ist öðru hópsmit­inu sem fjallað hefur verið um síð­ustu daga. „Við erum ekki að sjá fleiri gerðir af veirunni. Og þessi gerð hefur greini­lega dreift sér víða um sam­fé­lag­ið,“ sagði Þórólfur Guðna­son sótt­varna­læknir á upp­lýs­inga­fundi almanna­varna og land­læknis í dag.

Smit hafa greinst í öllum lands­hlut­um. Á Land­spít­al­anum liggur einn ein­stak­lingur með COVID-19. Sá er á fer­tugs­aldri. Hann er alvar­lega veik­ur, er á gjör­gæslu­deild og í önd­un­ar­vél. Til skoð­unar er að leggja fleiri sjúk­linga inn.

Þórólfur sagði snarpa fjölgun til­fella í gær aug­ljós­lega áhyggju­efni. „Þessi far­aldur sem nú er í gangi er í ein­hverjum vext­i.“ Sagði hann greini­legt að til­fellum væri að fjölga og að þau væru að grein­ast á víð og dreif um land­ið. Sex ein­stak­lingar sem voru í Vest­manna­eyjum um versl­un­ar­manna­helg­ina hafa greinst með sjúk­dóm­inn og sagði Þórólfur lík­legt að þeim ætti eftir að fjölga. „Þetta sýnir þessa áhættu sem við höfum verið að tala um þegar fólk safn­ast sam­an.“

Ekki sér fyrir end­ann á þeirri ein­stöku hóp­sýk­ingu. Fjöl­margir hafa þurft að fara í sótt­kví vegna henn­ar. Íslensk erfða­grein­ing er að hefja skimun í Eyj­um.

„Við erum líka að sjá aukn­ingu á veik­ind­um,“ sagði Þórólf­ur. „Við höfum verið að ræða hvort að þessi veira sé að veikj­ast – en ég held að það séu ekki merki um það. Við erum núna að fara að sjá alvar­leg veik­indi eins og við gerðum síð­asta vet­ur.“ Sagð­ist hann hafa spurst fyrir erlendis og að eng­inn teldi að þessi veira væri eitt­hvað veik­ari núna en áður. Það hafi því verið „veik von“ að veiran væri að veikj­ast.

Þórólfur sagði að þessi reynsla sýni að við þurfum að skerpa á smit­vörnum og virða 2 metra regl­una. „Það eru van­höld á því að menn hafi farið eftir því til full­s“. 

Hann sagði ljóst að núna væri far­ald­ur­inn í vexti. „Því er það til alvar­legrar skoð­unar af minni hálfu að herða sam­komu­tak­mark­anir frá því sem nú er. Ef að það verður gert munu þær tak­mark­anir standa skemur en fyrri tak­mark­anir – þó að það sé alls ekki hægt að full­yrða neitt um það.“

Það mik­il­væg­asta sem við getum gert núna, að sögn Þór­ólfs, er að standa saman og reyna að bæta okkur og fara eftir þeim reglum sem eru í gangi. Virða þarf 100 metra fjölda­tak­mörk, 2 metra regl­una og sér­stak­lega minnti hann á að ef fólk finnur fyrir ein­kennum á það að halda sig til hlés. „Því miður höfum við alltof mörg dæmi um að fólk sé ekki að fara eftir þessu og skilja eftir sig tölu­verða slóð.“

Þórólfur sagði ákveðin von­brigði að standa í þessu sporum í dag. „En horfum til reynsl­unnar – í vetur voru aðgerðir árang­urs­rík­ar. Engin ástæða til að halda annað en að við getum náð böndum á þennan far­ald­ur.

Ég hef fulla trú á því að okkur muni takast það ef við stöndum saman og förum eftir reglum og allir þekkja en virð­ist vera dálítið erfitt að fara eft­ir.“

Hann sagði bar­átt­una verða öðru­vísi nú en í vet­ur. Hún verði jafn­vel lengri. Ein teg­und veirunnar sé að breiða úr sér víða. Þá séu margir þeirra sem greinst hafa núna mjög smit­andi. Næstu dagar munu skera úr um það hvort að færa þurfi fjölda­tak­mark­anir aftur niður í 50 eða 20. Það myndi hafa gríð­ar­leg áhrif á marga.