Fjöldi þeirra sem greinst hefur með virkt smit af kór­ónu­veirunni hér á landi síð­ustu daga og er í eina­grun er 112 sam­kvæmt því sem fram kemur á vefnum COVID.­is. Í gær voru 120 manns í ein­angrun en þar sem nokkuð er liðið síðan að önnur bylgja far­ald­urs­ins hófs hér á landi eru þeir sem fyrst greindust þegar farnir að útskrif­ast úr eft­ir­liti hjá COVID-­göngu­deild Land­spít­al­ans. 

Aðeins eitt nýtt til­felli greind­ist inn­an­lands í gær og var það greint hjá sýkla- og veiru­fræði­deild Land­spít­al­ans. Þá bíða átta sýni mótefna­mæl­ingar úr landamæra­skim­un.

Í gær voru 720 í sótt­kví en í dag er fjöld­inn kom­inn niður í 646. 

Einn liggur enn á sjúkra­húsi með COVID-19 en hann er laus úr önd­un­ar­vél og ekki lengur á gjör­gæslu­deild. 

315 sýni voru tekin og greind hjá Land­spít­al­anum í gær og þrettán hjá Íslenskri erfða­grein­ingu. Við landa­mærin voru tekin 2.473 sýni.

Frá því að fyrsta smitið var greint hér á landi í lok febr­úar hafa 1.983 greinst með COVID-19. Tíu hafa lát­ist vegna sjúk­dóms­ins.