Pen­inga­­stefn­u­­nefnd Seðla­­banka Íslands hefur ákveðið að meg­in­vextir bank­ans verði áfram eitt pró­sent. Vextir hafa verið lækk­­­aðir þrisvar sinnum frá því að yfir­­stand­andi efna­hags­á­­stand vegna COVID-19 far­ald­­ur­s­ins hóf­st, síð­ast í maí, og alls hafa stýri­vextir lækkað um 3,75 pró­­­­­­sent­u­­­­­­stig frá því í maí í fyrra. 

Þeir hafa aldrei verið lægri í Íslands­­­sög­unni.

Í yfir­lýs­ingu nefnd­ar­innar segir að sam­kvæmt nýrri þjóð­hags­spá Seðla­bank­ans sem birt er í ágúst­hefti rits­ins ­Pen­inga­mála ­séu horfur á að lands­fram­leiðslan drag­ist saman um sjö pró­sent í ár og útlit er fyrir að atvinnu­leysi verði komið í um tíu pró­sent undir lok árs­ins. „Þótt horfur fyrir seinni hluta árs­ins séu heldur lak­ari en spáð var í maí er talið að sam­drátt­ur­inn á árinu öllu verði nokkru minni en þá var gert ráð fyr­ir. Þar vegur þyngst að einka­neysla var kröft­ugri í vor og sum­ar. Óvissan er hins vegar óvenju mikil og þróun efna­hags­mála mun ráð­ast af fram­vindu far­sótt­ar­inn­ar.“

Verðbólga mælist sem stendur yfir 2,5 pró­sent mark­miði Seðla­bank­ans, og er þrjú pró­sent. Sam­kvæmt spá Seðla­bank­ans er gert ráð fyrir að verð­bólga verði í kringum þrjú pró­sent það sem eftir lifir árs en að mik­ill slaki í þjóð­ar­bú­inu og lítil alþjóð­leg verð­bólga geri það að verkum að hún taki að hjaðna á næsta ári og verði um tvö pró­sent að með­al­tali á seinni hluta spá­tím­ans.

Traust­ari kjöl­festa verð­bólgu­vænt­inga hafi gert pen­inga­stefnu­nefnd kleift að bregð­ast við versn­andi efna­hags­horfum með afger­andi hætti. „Lægri vextir og aðrar aðgerðir bank­ans sem gripið var til á vor­mán­uðum hafa stutt við inn­lenda eft­ir­spurn. Áhrif þeirra eiga þó eftir að koma fram að fullu og munu þær áfram styðja við þjóð­ar­bú­skap­inn og stuðla að því að efna­hags­bat­inn verði hrað­ari en ella. Pen­inga­stefnu­nefnd mun áfram fylgj­ast grannt með fram­vindu efna­hags­mála og nota þau tæki sem nefndin hefur yfir að ráða til að styðja við þjóð­ar­bú­skap­inn og tryggja að laus­ara taum­hald pen­inga­stefn­unnar miðlist með eðli­legum hætti til heim­ila og fyr­ir­tækja.“