Þrír ein­stak­lingar greindust með COVID-19 inn­an­lands í gær, en ein­ungis einn þeirra var í sótt­kví þegar sýni úr honum var tek­ið. Eng­inn er lengur inniliggj­andi á spít­ala vegna sjúk­dóms­ins, en fjöldi fólks í sótt­kví rís nokkuð á milli daga og eru nú 1.072 manns í sótt­kví. Í gær voru 990 manns í sótt­kví.

Fjórtán daga nýgengi inn­an­lands­smita á hverja 100.000 íbúa er nú 18,8, en 113 manns eru í ein­angrun með virkt smit hér á landi. Sjö­tíu og þrjú þeirra smit­uð­ust inn­an­lands, en afgang­ur­inn greind­ist með veiruna í landamæra­skim­un. Þetta kemur fram á covid.­is.

Jákvæðu sýnin þrjú greindust öll á sýkla- og veiru­fræði­deild Land­spít­ala, en þar voru 600 sýni greind. Til við­bótar voru 167 sýni greind hjá Íslenskri erfða­grein­ingu og 1.682 sýni í tengslum við landamæra­skim­un.

Sex jákvæð sýni greindust á landa­mær­un­um. Einn var með virkt smit, en nið­ur­stöðu úr mótefna­mæl­ingu er beðið hjá hinum fyrr.

Í fyrra­dag greindust þrjú sýni jákvæð á landa­mær­unum og reynd­ust þeirra vera með virkt smit en einn með mótefni fyrir kór­ónu­veirunni.