Opin­bera hluta­fé­lagið Matís vinnur nú að því að end­ur­skoða heild­ar­stefnu sína í mannauðs­málum og hefur þegar tekið út ákveð­inn hluta mannauðs­stefn­unn­ar, eftir að ábend­ing barst um að ankanna­legt væri að þar væri sér­stak­lega tekið fram að mik­il­vægt væri að starfs­menn „töl­uðu ávallt vel um vinnu­stað sinn“, bæði utan hans og inn­an.

Karl Th. Birg­is­son rit­stjóri Herðu­breiðar skrif­aði um þetta í upp­hafi mán­að­ar. Hann velti því fyrir sér hvernig „svona sov­ézkur sjálfs­styrk­ing­ar­texti“ rataði inn í mannauðs­stefnu opin­bers fyr­ir­tæk­is, eða raunar hvaða fyr­ir­tækis sem er. Karl nefndi þó ekki fyr­ir­tækið sjálft í umfjöllun sinni.

Kjarn­inn spurði Hróar Hugosson mannauðs­stjóra Matís út í þetta mál og hvort rétt væri að álykta að með þessu orða­lagi í mannauðs­stefn­unni væri ætl­ast til þess að starfs­menn Matís töl­uðu alltaf jákvætt um vinnu­stað­inn að öllu leyti, við allar aðstæð­ur.

„Arfur ann­arra tíma“

Hróar sagði í svari sínu við fyr­ir­spurn blaða­manns að stefnan hafi verið samin fyrir margt löngu, hún væri „arfur ann­arra tíma“ og greini­legt væri að hlutar hennar ættu ekki við. Við því væri verið að bregð­ast.

„Eftir þessa góðu ábend­ing­u/áminn­ingu sem við fengum um dag­inn er hún í end­ur­skoð­un. Við erum nú búin að taka út þennan til­tekna hluta en tökum okkur aðeins lengri tíma til að skoða heild­ar­stefn­una,“ segir Hróar í svari sínu við fyr­ir­spurn Kjarn­ans.

Á vef Matís er nú búið að upp­færa þennan til­tekna hluta mannauðs­stefn­unn­ar, en hún var enn óbreytt á fimmtu­dags­kvöld, þegar Kjarn­inn leit yfir hana.

Matís er opin­bert hluta­fé­lag sem heyrir undir atvinnu­vega- og nýsköp­un­ar­ráðu­neyt­ið. Það varð til árið 2007 með sam­ein­ingu þriggja rík­is­stofn­ana sem unnið höfðu að mat­væla­rann­sóknum og þróun í mat­væla­iðn­aði; Rann­sókna­stofn­unar fisk­iðn­að­ar­ins, Mat­væla­rann­sókna Keldna­holti og Rann­sókna­stofu Umhverf­is­stofn­un­ar.