Jón Atli Bene­dikts­son rektor Háskóla Íslands og tveir aðrir starfs­menn sem starfa í Aðal­bygg­ingu skól­ans eru komnir í sótt­kví, en um helg­ina var stað­fest smit hjá einum starfs­manni sem þar starfar. Rektor greindi frá þessu í orð­send­ingu til stúd­enta og starfs­fólks skól­ans í dag.

„Gripið hefur verið til allra nauð­syn­legra ráð­staf­ana í sam­starfi við smitrakn­ing­arteymi almanna­varna og sótt­varna­læknis til að hindra útbreiðslu smits­ins og gæta þannig fyllsta öryggis starfs­fólks og nem­enda,“ segir Jón Atli í bréfi sínu, sem lesa má á vef Háskóla Íslands.

Rektor segir að þetta sýni að þrátt fyrir að nýsmitum fari til allrar ham­ingju fækk­andi inn­an­lands sé far­aldr­inum langt í frá lok­ið. 

„Ég vil því hvetja ykkur öll, kæra sam­starfs­fólk og nem­end­ur, til að nota raf­ræna kosti til fund­ar­halda og fylgja reglum sótt­varn­ar­yf­ir­valda í einu og öllu. Gætum áfram fyllsta hrein­lætis og höldum að minnsta kost eins metra lág­marks­bili á milli okk­ar. Ef við finnum fyrir minnstu ein­kennum eigum við í öllum til­vikum að halda okkur heima. Einnig vil ég hvetja starfs­fólk til að nota fjar­fundi eins og kostur er til að lág­marka smit­hætt­u,“ segir Jón Atli.