Yfir 20 þús­und manns hafa nú ritað nafn sitt á und­ir­skrifta­lista þar sem þess er kraf­ist að Alþingi virði nið­­ur­­stöðu þjóð­­ar­at­­kvæða­greiðsl­unnar 20. októ­ber 2012 og lög­­­festi nýju stjórn­­­ar­­skrána.

„Í kosn­­ing­unni sam­­þykktu yfir 2/3 hlutar kjós­­enda að til­­lög­­urnar sem kosið var um skyldu verða grund­­völlur nýrrar stjórn­­­ar­­skrár. Til­­lög­­urnar eru heild­­stæður sam­­fé­lags­sátt­­máli, það er ekki Alþingis að velja og hafna ákvæðum úr sátt­­mál­an­­um. Þjóðin er stjórn­­­ar­­skrár­gjaf­inn og setur vald­höfum mörk en ekki öfugt. Við ætlum ekki að bíða í heilan ára­tug eftir að nýja stjórn­­­ar­­skráin taki gildi og því krefj­umst við aðgerða strax!“ segir í texta sem fylgir með und­ir­­skrifta­­söfn­un­inni.

Katrín Odds­dótt­ir, ein for­svars­kona und­ir­skrifta­list­ans og for­maður Stjórn­­­ar­­skrár­­fé­lags­ins, segir á Face­book að nú sé til­efni til þess að ærast úr gleði vegna þess að tutt­ugu þús­unda múr­inn hafi verið rof­inn. 

Mark­miðið 25 þús­und und­ir­skriftir

„Hugsið ykk­ur, tutt­ugu þús­und hjörtu sem slá í takt og vilja að hlustað sé á almenn­ing í þessu landi þegar það kemur að sjálfum sam­fé­lags­sátt­mál­an­um,“ skrifar Katrín. 

Markið er sett á 25 þús­und und­ir­skriftir en söfn­un­inni lýkur þann 19. októ­ber næst­kom­andi. „Þetta eru svo dásam­lega, ynd­is­lega, stur­læð­is­lega frá­bærar frétt­ir,“ skrifar hún enn fremur í stöðu­upp­færslu á Face­book. 

Vand­ræði með skrán­ingu

Kjarn­inn greindi frá því í byrjun sept­em­ber að mikið hefði borið á því að fólk næði ekki að skrá sig á list­ann eða vissi ekki hvort það hefði tek­ist. 

Helga Bald­vins Bjarg­­ar­dótt­ir, ábyrgð­­ar­­maður und­ir­­skrifta­list­ans, sagði í sam­tali við Kjarn­ann að nokkrir ein­stak­l­ing­­ar, sem héldu að þeir væru búnir að skrá sig á list­ann, væru ekki á honum – aðrir væru aftur á móti á list­an­­um. „Það er grein­i­­lega allur gangur á þessu,“ sagði hún. 

„Þetta er svo afhjúp­andi fyrir þetta gall­aða fyr­ir­komu­lag. Bæði það að við fáum ekki list­ann nema að vaða eld og brenn­i­­stein og svo þetta að það er eitt­hvað veru­­lega mikið að not­enda­við­­mót­inu hjá þeim þegar margir tugir ein­stak­l­inga eru að lenda í því að halda að þeir séu skráðir á lista og eru það svo ekki,“ sagði hún.