Yfir 25 þús­und manns hafa nú ritað nafn sitt á und­ir­­skrifta­lista þar sem þess er kraf­ist að Alþingi virði nið­­­ur­­­stöðu þjóð­­­ar­at­­­kvæða­greiðsl­unnar 20. októ­ber 2012 og lög­­­­­festi nýju stjórn­­­­­ar­­­skrána. 

Þar með hafa for­svars­menn und­ir­skrifta­söfn­un­ar­innar náð upp­haf­legu mark­miði sínu, að safna yfir 25 þús­und und­ir­skrift­um, eða yfir tíu pró­sent kjós­enda. Sam­kvæmt nýju stjórn­ar­skránni hefði sá fjöldi verið nægj­an­legur til að leggja fram frum­varp á Alþing­i. 

Enn er tæpur mán­uður eftir af söfn­un­inni, sem stendur til 19. októ­ber næst­kom­and­i. 

Kosið var um til­­lögur stjórn­­laga­ráðs um nýja stjórn­­­ar­­skrá þann 20. októ­ber 2012. Um var að ræða alls sex spurn­ingar en sú fyrsta var hvort við­kom­andi vildi að til­­lögur stjórn­­laga­ráðs yrðu lagðar til grund­vallar frum­varpi að nýrri stjórn­­­ar­­skrá. Alls sögðu 64,2 pró­­sent þeirra sem greiddu atkvæði já við þeirri spurn­ingu. Kjör­­sókn var 49 pró­­sent. 

Í texta sem fylgir und­ir­skrifta­söfn­un­inni seg­ir: „Í kosn­­­ing­unni sam­­­þykktu yfir 2/3 hlutar kjós­­­enda að til­­­lög­­­urnar sem kosið var um skyldu verða grund­­­völlur nýrrar stjórn­­­­­ar­­­skrár. Til­­­lög­­­urnar eru heild­­­stæður sam­­­fé­lags­sátt­­­máli, það er ekki Alþingis að velja og hafna ákvæðum úr sátt­­­mál­an­­­um. Þjóðin er stjórn­­­­­ar­­­skrár­gjaf­inn og setur vald­höfum mörk en ekki öfugt. Við ætlum ekki að bíða í heilan ára­tug eftir að nýja stjórn­­­­­ar­­­skráin taki gildi og því krefj­umst við aðgerða strax!“ 

Katrín Odds­dótt­ir, ein for­svar­s­­kona und­ir­­skrifta­list­ans og for­­maður Stjórn­­­­­ar­­­skrár­­­fé­lags­ins, fagn­aði þessum áfanga á Face­book:

Vand­ræði með skrán­ingu

Kjarn­inn greindi frá því í byrjun sept­­em­ber að mikið hefði borið á því að fólk næði ekki að skrá sig á list­ann eða vissi ekki hvort það hefði tek­ist. 

Helga Bald­vins Bjarg­­­ar­dótt­ir, ábyrgð­­­ar­­­maður und­ir­­­skrifta­list­ans, sagði í sam­tali við Kjarn­ann að nokkrir ein­stak­l­ing­­­ar, sem héldu að þeir væru búnir að skrá sig á list­ann, væru ekki á honum – aðrir væru aftur á móti á list­an­­­um. „Það er grein­i­­­lega allur gangur á þessu,“ sagði hún. 

„Þetta er svo afhjúp­andi fyrir þetta gall­aða fyr­ir­komu­lag. Bæði það að við fáum ekki list­ann nema að vaða eld og brenn­i­­­stein og svo þetta að það er eitt­hvað veru­­­lega mikið að not­enda­við­­­mót­inu hjá þeim þegar margir tugir ein­stak­l­inga eru að lenda í því að halda að þeir séu skráðir á lista og eru það svo ekki,“ sagði hún.

Tek­ist á um efni

Hóp­ur­inn sem stendur að und­ir­skrift­ar­söfn­un­inni hefur einnig staðið fyrir marg­hátt­aðri vit­und­ar­vakn­ingu um nýju stjórn­ar­skránna, meðal ann­ars með mynd­böndum sem dreift hefur verið á sam­fé­lags­miðl­u­m. 

Sú her­ferð var til þess að Sam­band ungra Sjálf­stæð­is­manna (SUS) setti á lagg­irnar það sem það kallar „stað­reynda­vakt um íslensku stjórn­ar­skrána, breyt­ingar á stjórn­ar­skránni, breyt­inga­til­lögur og annað sem að stjórn­ar­skránni snýr“ á vef­síð­unni www.­stjorn­ar­skra.com.

Í til­kynn­ingu sagði SUS að með þessu vildi sam­bandið „leggja sitt af mörkum til að umræða um stjórn­ar­skrár­mál sé byggð á því sem rétt er og finna má stoð fyrir á vef Alþingis og í öðrum opin­berum gögnum en ekki á ein­staka skoð­unum eða rang­færsl­u­m.“