Ríkisbankarnir tveir á meðal stærstu eigenda Icelandair Group

Þeir 23 milljarðar hluta sem seldust í hlutafjárútboði Icelandair fyrr í mánuðinum voru teknir til viðskipta í Kauphöllinni í dag. Icelandair hefur uppfært lista yfir 20 stærstu hluthafa félagsins.

Arnar Þór Ingólfsson 30. september 2020

Gildi lífeyrissjóður heldur á flestum hlutum í Icelandair Group eftir hlutafjárútboð félagsins og Íslandsbanki er næst stærsti skráði eigandinn, samkvæmt uppfærðum hluthafalista sem Icelandair Group sendi frá sér eftir lokun markaða í dag.

Lífeyrissjóður starfsmanna ríkisins (LSR) er þriðji stærsti eigandi félagsins og Brú lífeyrissjóður sá fjórði stærsti. Þar á eftir kemur hinn ríkisbankinn, Landsbankinn. Þessir fimm aðilar halda samanlagt á 28,5 prósent hlut í félaginu, en aðrir aðilar eiga undir 2,5 prósent hver.

Í dag voru þeir 23 milljarðar hluta sem seldust í hlutafjárútboði Icelandair fyrr í mánuðinum teknir til viðskipta í Kauphöllinni, en þeim var úthlutað til kaupenda í gær. Hlutir í félaginu eru nú alls 28.437.660.653 talsins.

Hlutirnir voru seldir á nafnvirði, eina krónu hver, í hlutafjárútboðinu. Eftir þennan fyrsta dag viðskipta stendur verðið á hverjum hlut í félaginu í 0,98 krónum, en alls var verslað með hlutabréf í Icelandair fyrir 220 milljónir í Kauphöllinni í dag.

Tuttugu stærstu hluthafar félagsins eiga samanlagt rúmlega helming í félaginu, eða alls 54,11 prósent. Fyrir utan banka, lífeyrissjóði og sjóði í stýringu sjóðsstýringafyrirtækja banka er Sólvöllur ehf., félag í eigu Pálma Haraldssonar fjárfestis, stærsti einstaki eigandi Icelandair Group með 1,95 prósent eignarhlut.

Þar skammt á eftir kemur bandaríska fjárfestingafélagið PAR Investment Partners, sem var um hríð stærsti eigandi Icelandair Group en tók ákvörðun um að taka ekki þátt í hlutafjárútboðinu.

Tuttugu stærstu hluthafar Icelandair Group

Gildi - lífeyrissjóður - 6,61%
Íslandsbanki hf. - 6,55%
Lífeyrissj.starfsm.rík. A-deild - 6,24%
Brú Lífeyrissjóður starfs sveit - 4,77%
Landsbankinn hf. - 4,35%
Lífeyrissjóður verslunarmanna - 2,26%
Stefnir - ÍS 15 - 2,00%
Kvika banki hf. - 1,98%
Sólvöllur ehf. - 1,95%
Par Investment Partners L.P. - 1,91%
Landsbréf - Úrvalsbréf - 1,89%
Almenni lífeyrissjóðurinn - 1,84%
Arion banki hf. - 1,82%
Stefnir - ÍS 5 - 1,78%
Lífeyrissj.starfsm.rík. B-deild - 1,74%
Stefnir - Samval - 1,59%
Söfnunarsjóður lífeyrisréttinda - 1,40%
Birta lífeyrissjóður - 1,35%
Stapi lífeyrissjóður - 1,04%
Eftirlaunasj atvinnuflugmanna - 1,03%

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 370 Færslan var síðast uppfærð: 30. september 2020, kl. 21:48
Færslan birtist fyrst: 30. september 2020, kl. 18:13

Fréttin var uppfærð klukkan 21:45 eftir að Icelandair sendi frá sér leiðréttingu á hluthafalistanum sem leiddi til uppfærslu á listanum yfir stærstu eigendurna. Sú breyting varð eftir að gengið var frá nokkrum viðskiptum í félaginu sem átti eftir að taka með í reikninginn. Helsta breytingin varð sú að hlutur Landsbankans fór úr 7,48 prósent í 4,35 prósent milli tilkynninga. Við það fór bankinn frá því að vera skráður fyrir stærstum hluta í Icelandair í að vera fimmti stærsti hluthafinn. Fyrirsögn fréttarinnar var breytt í samræmi við þetta.