Norð­urál og Sam­herji fisk­eldi, sem er hluti af sam­stæðu Sam­herja, hafa skrifað undir vilja­yf­ir­lýs­ingu í tengslum við kaup á eignum Norð­ur­áls í Helgu­vík og þar eru mögu­leikar á fisk­eldi til skoð­un­ar.  Þetta er stað­fest í til­kynn­ingu á vef Sam­herja, en Frétta­blaðið greindi fyrst frá þessu í morgun og hafði eftir ótil­greindum heim­ild­um.

Í til­kynn­ingu Sam­herja segir að frum­at­hugun á aðstæðum til lax­eldis í Helgu­vík sé hafin og að nið­ur­stöðu sé að vænta fyrir ára­mót. Búið sé að funda með bæj­ar­stjórum bæði Reykja­nes­bæjar og Suð­ur­nesja­bæjar vegna þess­ara áforma. 

„Sam­herji fisk­eldi er hefur áhuga á að vaxa í land­eldi á laxi og er með mögu­lega stað­setn­ingu í eignum Norð­ur­áls í Helgu­vík til skoð­un­ar. Á næstu vikum munum við fara yfir for­sendur og mögu­leika til lax­eldis á svæð­inu áður en frek­ari ákvarð­anir verða tekn­ar,“ er haft eftir Jóni Kjart­ani Jóns­syni, fram­kvæmda­stjóra Sam­herja fisk­eldis í til­kynn­ing­unni.

Sam­herji er þegar með fisk­eld­is­starf­semi á Suð­ur­nesjum, en það á slát­ur­hús og vinnslu í Sand­gerði, eld­is­stöð á Stað við Grinda­vík og eld­is­stöð á Vatns­leysu­strönd. Einnig er fyr­ir­tækið með land­eldi á laxi á Núps­mýri við Kópa­sker og seiða­stöð á Núpum í Ölf­usi.

Sam­herji fisk­eldi hefur einkum lagt áherslu á land­eldi í sínum rekstri og er stærsti fram­leið­andi bleikju í heim­inum með tæp­lega 3.800 tonn árlega. Þá fram­leiðir félagið um 1.500 tonn af lax­i.

Álver sem aldrei varð

Eign­irnar sem Sam­herji fisk­eldi hefur vilja til að kaupa af Norð­ur­áli voru ætl­aðar undir álver sem svo aldrei varð að veru­leika. Skóflustunga að álvers­bygg­ing­unni var tekin í júní árið 2008 og bygg­ing kerskála hófst síðar sama ár, en þá átti þó enn eftir að tryggja álver­inu orku. Gang­setja átti álverið árið 2010 en síðan varð efna­hags­hrun og eftir það voru for­sendur fyrir upp­bygg­ing­unni breytt­ar.

Í lok sept­em­ber greindu Vík­ur­fréttir frá því að Norð­urál vildi selja álvers­bygg­ing­arnar og hefði óskað eftir því við Reykja­nesbæ og Suð­ur­nesjabæ að breyt­ingar yrðu gerðar á samn­ingum sem gerðir voru við sveit­ar­fé­lögin um sínum tíma, í því skyni að rýmka heim­ildir til þess að nota lóð­ina undir aðra starf­semi en álver.