Lands­bank­inn spáir því að lands­fram­leiðsla drag­ist saman um 8,5 pró­sent í ár í nýút­gef­inni hag­spá sinni. Skamm­tíma­horfur bank­ans eru nokkru dekkri en hjá Hag­stof­unni og Seðla­bank­an­um, þótt að gert sé ráð fyrir meiri hag­vexti til lengri tíma í hag­spánni. Bank­inn spáir einnig hærra atvinnu­leysi á næsta ári, auk þess sem vextir verði óbreyttir út árið 2021.

Hjarð­ó­næmi síð­sum­ars

Í spánni er gert ráð fyrir að eitt eða fleiri bólu­efni gegn kór­ónu­veirunni verði sam­þykkt um næstu ára­mót og að Íslend­ingar muni hafa myndað hjarð­ó­næmi síð­sum­ars á næsta ári. Því til stuðn­ings vísar bank­inn til nýlegrar grein­ingar ráð­gjafa­fyr­ir­tæk­is­ins McK­insey, sem spáði því að lík­leg­ast væri að hjarð­ó­næmi næð­ist á þriðja árs­fjórð­ungi árið 2021 í Banda­ríkj­un­um. 

Sam­kvæmt Lands­bank­anum er lík­legt að þró­unin verði svipuð í öðrum iðn­ríkj­um. Gert er ráð fyrir að þriðja bylgja far­ald­urs­ins verði gengin yfir í lok þessa árs og að efna­hags­starf­semi inn­an­lands verði með nokkuð eðli­legum hætti, eða svipuð og hún var í sum­ar, eftir það, þótt harðar sótt­varn­ar­að­gerðir gildi enn á landa­mær­un­um.

Hins vegar er ekki gert ráð fyrir almenni­legri fjölgun ferða­manna hér á landi fyrr en um næsta haust, sökum sótt­varn­ar­að­gerða. Gert er ráð fyrir komu um hálfrar millj­ónar ferða­manna í ár, 650.000 á næsta ári, 1,3 milljón árið 2022 og 1,9 milljón 2023

Svart­sýnni til skamms tíma

Kjarn­inn hefur áður fjallað um hag­spá Íslands­banka, sem gefin var út í sept­em­ber­lok. Hag­stofan gerði einnig hag­spá októ­ber­byrj­un, auk þess sem hag­spá fylgdi síð­asta hefti Pen­inga­mála í ágúst­lok. Greina má skýran mun á spám Seðla­bank­ans og Hag­stof­unnar ann­ars vegar og bank­anna tveggja hins veg­ar.

Mun­inn má sjá á mynd hér að ofan, þar sem spá­tölur um  hag­vöxt fyrir árin 2020, 2021 og 2022 eru bornar sam­an. Bank­arnir tveir spá meiri sam­drætti til skamms tíma, en búast þó við að hag­kerfið rétti meira úr kútnum á seinni tveimur árun­um. Sam­kvæmt öllum spám mun lands­fram­leiðslan þó ekki ná að kom­ast á sama stig og hún var á árið 2019 fyrr en í fyrsta lagi árið 2023.

Sömu sögu er að segja um vinnu­mark­að­inn, þar sem Lands­bank­inn spáir 7,8 pró­senta atvinnu­leysi í ár og 8,4 pró­sentum á næsta ári. Eng­inn annar grein­ing­ar­að­ili spáir jafn­háu atvinnu­leysi á næsta ári og Lands­bank­inn, en bank­inn gerir þó ráð fyrir að það minnki fljótt árin 2022 til 2024. 

Óbreyttir vextir út 2021

Sam­kvæmt hag­spá Lands­bank­ans eru frek­ari vaxta­lækk­anir af hálfu Seðla­bank­ans ólík­legar þar sem verð­bólgu­þrýst­ingur hefur skap­ast vegna geng­is­veik­ingar krón­unn­ar. Hækkun vaxta til skamms tíma sé einnig veru­lega ólík­leg, þar sem mik­ill fram­leiðsluslaki sé í hag­kerf­inu um þessar mundir sem end­ur­spegl­ast m.a. í miklu atvinnu­leysi. Bank­inn telur því því að pen­inga­stefnu­nefnd Seðla­banka Íslands muni halda vöxtum óbreyttum út þetta ár og næsta.