Flug­á­ætlun Icelandair fyrir næsta sumar er minni í sniðum heldur en síð­ustu ár, en flug­fé­lagið stefnir þó að því að fljúga til 32 áfanga­staða. Áætl­unin byggir á því að fyr­ir­komu­lagi landamæra­skim­ana verði breytt og að minna fari fyrir COVID-19 far­aldr­inum næsta sum­ar.

Þetta kemur fram í frétta­til­kynn­ingu sem flug­fé­lagið sendi frá sér fyrr í dag. Sam­kvæmt henni verður flogið til 22 áfanga­staða í Evr­ópu og tíu áfanga­staða í Norð­ur­-Am­er­íku. Einnig er búist við því að félagið fljúgi reglu­lega til Alicante í leiguflug­i. 

Ein­ungis eru ell­efu áfanga­staðir í núver­andi flug­á­ætlun Icelanda­ir. Þar af eru tíu þeirra í Evr­ópu, en þeir eru Amster­dam, Berlín, Kaup­manna­höfn, London, Stokk­hólm­ur, Osló, Par­ís, München, Zürich og Frank­furt. Boston er svo eini áfanga­stað­ur­inn sem flogið er til í Norð­ur­-Am­er­ík­u. 

Flug­á­ætl­unin fyrir næsta sumar er nokkuð smærra en það hefur ver­ið, en gert er ráð fyrir að heild­ar­sæta­fram­boð flug­fé­lags­ins verði um 25 til 30 pró­sent minna en í fyrra­sum­ar. Í til­kynn­ingu Icelandair segir að upp­bygg­ing leið­ar­kerfis félags­ins verði ein­fald­ari og áhersla verði lögð á lyk­ilá­fanga­staði félags­ins. 

Þó bætir flug­fé­lagið við að áætl­unin byggi á þeirri for­sendu að áhrif COVID-19 far­ald­urs­ins verði mun minni næsta sum­ar, auk þess sem gert er ráð fyrir að fyr­ir­komu­lag landamæra­skim­ana muni ekki hafa jafn tak­mark­andi áhrif á ferða­lög og nú er raun­in.