Áfram tap á fjölmiðla- og farsímarekstri hjá Sýn og hlutabréf í félaginu féllu skarpt

Sýn hefur tapað 402 milljónum króna á fyrstu níu mánuðum ársins. Áform eru uppi um að selja farsímainnviði félagsins fyrir árslok fyrir sex milljarða króna, og leigja þá svo aftur.

Höfuðstöðvar Sýnar við Suðurlandsbraut.
Höfuðstöðvar Sýnar við Suðurlandsbraut.
Auglýsing

Fjöl­miðla- og fjar­skipta­fyr­ir­tækið Sýn hagn­að­ist um átta millj­ónir króna á þriðja árs­fjórð­ungi en hefur tapað alls 402 millj­ónum króna á fyrstu níu mán­uðum árs­ins 2020. Hagn­aður félags­ins á sama tíma í fyrra var 384 millj­ónir króna, en helg­að­ist að uppi­stöðu af ein­skiptis­tekjum vegna sölu á á fær­eyska félag­inu Hey upp á 817 millj­­ónir króna í byrjun árs í fyrra. ­Sýn tap­aði 1,7 ,millj­­arði króna á árinu 2019 og hefur því tapað um 2,1 millj­­arði króna frá byrjun síð­ast árs.

Þetta má lesa út úr árs­hluta­reikn­ingi Sýnar vegna rekst­urs félags­ins frá byrjun árs og út sept­em­ber­mán­uð, sem birtur var í Kaup­höll Íslands í gær. 

Heild­ar­tekjur Sýnar vaxa milli ára. Þær voru 15,3 millj­­arðar króna á fyrstu níu mán­uðum árs­ins en höfðu verið 14,9 millj­­arðar króna á sama tíma­bili 2019. Tekju­hækk­­unin er að öllu leyti til­­komin vegna þess að tekjur End­or, upp­­­lýs­inga­­­fyr­ir­tækis sem stýrir ofur­­­tölvum sem Sýn keypti í fyrra, komu inn í sam­­stæð­u­­reikn­ing félags­­ins í ár. Tekjur vegna hýs­ing­­ar- og rekstr­­ar­­lausna voru því tæp­lega 1,8 millj­arðar króna á fyrstu níu mán­uðum árs­ins 2020 en þær voru engar í fyrra. 

Tekjur vegna fjöl­miðla­rekstur Sýnar hafa hins vegar dreg­ist mest saman á fyrstu níu mán­uðum árs­ins, eða um 565 millj­ónir króna miðað við sama tíma­bil í fyrra. Þær voru rúm­lega 5,7 millj­arðar króna það sem af er ári. 

Fjöl­miðla­tekj­urnar halda áfram að lækka

Sýn keypti ýmsa fjöl­miðla af félag­inu 365 miðlum í lok árs­ins 2017. Um er að ræða ljós­vaka­miðla á borð við Stöð 2, Bylgj­una og tengdar útvarps­­­stöðvar og frétta­vef­inn Vísi. Kaup­verðið var 8,2 millj­­arðar króna. 

Auglýsing
Á milli áranna 2018 og 2019 lækk­­uðu tekjur Sýnar af umræddum fjöl­miðlum um 446 millj­­ónir króna og í upp­­hafi árs 2020 var við­­skipta­vild sem var til­­komin vegna fjöl­mið­l­anna sem voru keyptir lækkuð um 2,5 millj­­arða króna.

Í fjár­festa­kynn­ingu vegna nýjasta upp­gjörs Sýnar kemur fram aug­lýs­inga­tekjur fjöl­miðla Sýnar hafi dreg­ist saman um 15 pró­sent á fyrstu níu mán­uðum árs­ins í sam­an­burði við sama tíma­bil í fyrra, og að það sé meg­in­á­stæða þess að fjöl­miðla­tekjur hafi haldið áfram að lækka. Það er sagt að stórum hluta vegna áhrifa af yfir­stand­andi heims­far­aldri. Tekjur af sjón­varps­dreif­ingu hafi hins vegar auk­ist og jákvæð þróun er sögð í áskrift­ar­tekjum milli árs­fjórð­unga eftir að þær dróg­ust saman á fyrri hluta árs.

Annað sem verður að telj­ast jákvætt fyrir fjöl­miðla­rekstur Sýnar er að frétta­vefur sam­stæð­unn­ar, Vís­ir.is, hefur verið mest lesni vefur lands­ins þrjár vikur í röð, og í fimm af síð­ustu sjö vik­um. Þótt það hafi gerst endrum og sinnum að Vísir hafi farið yfir mbl.is, frétta­vef Árvak­urs, á lista Gallup yfir mest lesnu vef­ina þá hefur það aldrei áður gerst svo oft á tæp­lega tveggja mán­aða tíma­bili. Vísir er enda far­inn að aug­lýsa sig sem mest lesna vef lands­ins.

Áskor­anir á aug­lýs­inga­mark­aði

Far­síma­tekjur Sýnar drag­ast einnig mark­tækt sam­an, eða alls um 275 millj­ónir króna á árinu. Sá sam­dráttur er að mestu rak­inn til þess að reiki­tekjur hafa lækkað um 60 pró­sent. Það er bein afleið­ing af fækkun ferða­­manna til lands­ins og sam­drætti í ferðum Íslend­inga erlendis vegna COVID-19. 

­Tekjur vegna inter­net-hluta sam­stæð­unnar hafa líka lækkað um 187 millj­ónir króna það sem af er ári. Þá þróun má rekja til fækkun not­enda en sam­kvæmt upp­gjörstil­kynn­ingu hefur verið jákvæð þróun þar síð­ustu vikur og stjórn­endur vænta vaxtar á síð­asta árs­fjórð­ungi árs­ins. 

Heiðar Guð­jóns­son, sem hefur verið for­stjóri frá því í febr­úar 2019, segir í upp­gjörstil­kynn­ing­unni að áfram séu áskor­anir á aug­lýs­inga­mark­aði og að reiki­tekjur hafi nær alfarið fallið út í upp­gjör­inu. „Á móti kemur að aðrir liðir eru á upp­leið. Ánægja við­skipta­vina er að batna hratt, sem skiptir mestu máli til lengri tíma lit­ið, og við sjáum fram á fjölgun við­skipta­vina.“

Fjár­festar hafa ekki reynst jafn jákvæðir gagn­vart upp­gjör­inu. Verð á bréfum Sýnar hefur fallið skarpt í dag, eða um tæp 13 pró­sent. Mark­aðsvirði Sýnar er um 9,2 millj­arðar króna eins og stend­ur.

Ætla að selja inn­viði fyrir sex millj­arða

Sýn greindi frá því í októ­ber að félagið væri langt komið með að ná sam­komu­lagi við erlenda fjár­­­festa um helstu skil­­mála í sölu og 20 ára end­ur­leigu á óvirkum far­síma­innviðum félags­­ins. 

Sölu­hagn­aður Sýnar gæti numið yfir sex millj­­örðum króna, gangi við­­skiptin eft­­ir.

Í árs­hluta­upp­gjör­inu segir að einka­við­ræður hafi veirð und­ir­rit­aðar 23. októ­ber og að til standi að klára samn­inga á þessu ári. Ráð­gert sé að selja selja ríf­lega 200 af um 600 senda­stöðum félags­ins til sér­staks eign­ar­halds­fé­lags sem stofnað verði utan um inn­við­ina. Mis­mun­andi útfærsla sé á því í Evr­ópu, þar sem sam­bæri­legar sölur hafi átt sér stað, hvort að örygg­is-, hita- eða raf­magns­skerfi fylgi með þegar stofnað er slíkt eign­ar­halds­fé­lag í þeim eina til­gangi að færa eign­irnar þangað inn og selja svo.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Bækur spila stórt hlutverk í lífi margra um jólahátíðina.
Rýnt í bækur og stjörnur
Bókahúsið er hlaðvarpsþáttur þar sem rætt er við rithöfunda og ýmsa sem koma að bókaútgáfu. Í sjötta þætti er spjallað um himingeiminn, ný skáldverk og ljóðabækur.
Kjarninn 27. nóvember 2021
Teikning af mögulegri framtíðarsýn fyrir svæði Háskóla Íslands.
Fólk og mannlíf í forgangi í framtíðarsýn Háskóla Íslands
Háskóli Ísland og Reykjavíkurborg hafa í sameiningu dregið upp mynd af svæði HÍ til framtíðar með tilliti til legu Borgarlínu. Suðurgata breytist úr hraðbraut í borgargötu og gert er ráð fyrir að bílastæði færist í miðlæg bílastæðahús.
Kjarninn 26. nóvember 2021
Unnþór Jónsson
Upplýsingaóreiða er vandamál
Kjarninn 26. nóvember 2021
Nýtt COVID-afbrigði orsakar svartan föstudag í Kauphöllinni
Fjárfestar um allan heim brugðust illa við fréttum af nýju afbrigði kórónuveirunnar í morgun. Ekkert félag á aðalmarkaði hækkaði í virði við lokun markaða, en hlutabréfaverð í Icelandair og Play lækkaði um rúm 4 prósent yfir daginn.
Kjarninn 26. nóvember 2021
Vínbúðin stefnir nú út á Granda, þar sem fjöldi stórmarkaða er staðsettur.
Vínbúðin stefnir á Fiskislóð
ÁTVR segist ætla að ganga til samninga við eigendur húsnæðis að Fiskislóð 10 á Granda um leigu á plássi undir nýja Vínbúð. Ekki er búið að taka endanlega ákvörðun um lokun Vínbúðar í Austurstræti.
Kjarninn 26. nóvember 2021
Margrethe Vestager, yfirmaður stafrænnar vegferðar Evrópusambandsins
ESB vill fjárfesta beint í nýsköpunarfyrirtækjum
Nýkynntur nýsköpunarhraðall Evrópusambandsins felur í sér stefnubreytingu í opinberri fjármögnun til tæknifyrirtækja í álfunni, en með honum getur sambandið keypt beina eignarhluti í sprotafyrirtækjum fyrir allt að 2,2 milljarða króna.
Kjarninn 26. nóvember 2021
Meira úr sama flokkiInnlent