Heil­brigð­is­ráð­herra hefur ákveðið að fram­lengja gild­andi reglu­gerðir um tak­mark­anir á sam­komum og skóla­starfi óbreyttar til 9. des­em­ber.  Þetta er gert í sam­ræmi við til­lögu sótt­varna­læknis sem ræður gegn því að slaka á sótt­vörnum núna vegna þess hvernig far­ald­ur­inn hefur þró­ast síð­ustu daga.

Sótt­varna­læknir hafði áður gert ráð fyrir að hægt yrði að ráð­ast í var­færnar til­slak­anir á gild­andi sótt­varna­lögum 2. des­em­ber, þ.e. á morg­un, og kynnt ákveðnar hug­myndir þar að lút­andi fyrir ráð­herra fyrir viku. Sótt­varna­læknir setti þó fyr­ir­vara um að hann áskildi sér rétt til að end­ur­skoða til­lögur sínar um til­slak­anir ef þróun far­ald­urs­ins myndi breyt­ast. 

Fram kemur í nýju minn­is­blaði Þór­ólfs GUðna­sonar sótt­varna­læknis að und­an­farið hafi orðið breyt­ingar á far­aldr­in­um. Upp hafi komið hóp­sýk­ingar og smitum fjölg­að. Þá virð­ist fjöldi þeirra sem grein­ast utan sótt­kvíar stefna í línu­legan vöxt og hugs­an­legan veld­is­vöxt. Til­laga hans er sú að engar breyt­ingar verði gerðar á gild­andi sótt­varna­ráð­stöf­un­um, þ.e. tak­mörk­unum á sam­komum og skóla­starfi næstu eina til tvær vik­ur. Við end­ur­skoðun sótt­varna­ráð­staf­ana sem hefj­ast þegar í stað, verður meðal ann­ars horft til þess hvort til­efni sé til að gera til­slak­anir á lands­byggð­inni umfram höf­uð­borg­ar­svæðið í sam­ræmi við hug­leið­ingar sótt­varna­lækn­is.