Sam­keppn­is­eft­ir­lit Banda­ríkj­anna kærði sam­fé­lags­mið­il­inn Face­book fyrir brot á sam­keppn­is­lögum þar í landi í gær. Eft­ir­litið sagð­ist búast við að mið­ill­inn þyrfti að losa sig við Instagram og WhatsApp. 

Sam­kvæmt frétt frá breska blað­inu Fin­ancial Times sakar sam­keppn­is­eft­ir­litið Face­book um að hafa stundað „sam­keppn­is­hamlandi við­skipta­hætti um ára­bil.“ Þessir við­skipta­hættir fælu meðal ann­ars í sér yfir­tökur á öðrum fyr­ir­tækjum sem ógn­uðu mark­aðs­ráð­andi stöðu mið­ils­ins og tak­mörkun á þjón­ustu sem gæti nýst öðrum keppi­naut­um.

Eft­ir­litið nefnir sér­stak­lega sam­fé­lags­miðl­ana Instagram og WhatsApp, sem fyr­ir­tækið keypti árin 2012 og 2014, en sam­kvæmt Fin­ancial Times búast yfir­völd við því að málið endi á því að Face­book losi sig við báða miðl­ana. 

Betra að kaupa en að kepp­ast við

Í kærunni er end­ur­tekið vísað í tölvu­pósta­sam­skipti Mark Zucker­berg, for­stjóra Face­book, við sam­starfs­menn sína. Í einum þeirra sagði hann að það væri „betra að kaupa heldur en að kepp­ast við“ önnur fyr­ir­tæki, en í öðru við­ur­kenndi hann að sam­skipta­for­ritið WhatsApp væri betra en sam­skipta­hluti Face­book, Messen­ger, og að það væri ómögu­legt að draga úr því for­skot­i. 

Einnig er vísað í aðra tölvu­pósta starfs­manna Face­book eftir stuttu eftir kaupin á WhatsApp, þar sem yfir­tök­unni á „hugs­an­lega eina fyr­ir­tæk­inu sem hefði getað orðið næsta Face­book á far­síma“ var fagn­að. 

Mis­nota stöðu til að krefj­ast upp­lýs­inga

Sam­kvæmt sam­keppn­is­eft­ir­liti Banda­ríkj­anna hefur mark­aðs­ráð­andi staða Face­book komið illa niður á not­endum þess, jafn­vel þótt þeir þurfi ekki að borga fyrir þjón­ust­una. Öllu heldur hefði mið­ill­inn notað stöðu sína til að krefj­ast þess að not­endur hans gæfu frá sér fleiri per­sónu­upp­lýs­ingar en þeir hefði ann­ars gert ef meiri sam­keppni væri á milli sam­fé­lags­miðla.

Bæði kaupin sam­þykkt á sínum tíma

Face­book sendi frá sér til­kynn­ingu stuttu eftir að ákæran var gerð opin­ber, en í henni sak­ar  yfir­lög­fræð­ingur fyr­ir­tæk­is­ins, Jenni­fer New­stead, yfir­völd um að ganga gegn eigin ákvörð­un­um, þar sem bæði kaupin gegn Instagram og Whatsapp voru sam­þykkt á sínum tíma.

New­stead segir að vin­sældir beggja for­rit­anna væru Face­book að þakka. „Þegar Face­book keypti Instagram var heild­ar­fjöldi not­enda þess ein­ungis tvö pró­sent af því sem hann er í dag, með ein­ungis 13 starfs­menn, engar tekjur og í raun­inni enga eigin inn­við­i,“ bætti hún við.