Meira en þúsund fjölskyldur beðið um hjálp

Efnahagsþrengingar sem fylgt hafa heimsfaraldrinum hafa orðið til þess að 40 prósent fleiri fjölskyldur hafa leitað eftir aðstoða Hjálparstarfs kirkjunnar síðustu mánuði.

Hjálparstarf kirkjunnar einbeitir sér m.a. að aðstoð við barnafjölskyldur.
Hjálparstarf kirkjunnar einbeitir sér m.a. að aðstoð við barnafjölskyldur.
Auglýsing

Yfir þús­und fjöl­skyldur leit­uðu aðstoðar hjá Hjálp­ar­starfi kirkj­unnar frá  byrjun mars og til októ­ber­loka á þessu ári. Aukn­ingin er yfir 40 pró­sent frá sama tíma­bili í fyrra er 743 fjöl­skyldur ósk­uðu eftir efn­is­legri aðstoð. Lík­lega er fjölg­unin sam­bæri­leg þegar kemur að jóla­að­stoð­inni sem veitt er í des­em­ber í formi inn­eigna í mat­vöru­versl­un­um, jóla- og skógjöfum fyrir börn og fatn­aði.

 „Það varð mikil aukn­ing á umsóknum um aðstoð í kjöl­far banka­hruns­ins en aukn­ingin nú er vissu­lega meiri en við höfum séð síð­ustu ár,“ segir Kristín Ólafs­dótt­ir, fræðslu­full­trúi Hjálp­ar­starfs­ins, í sam­tali við Kjarn­ann.

Auglýsing

Í grein­ingu sér­fræð­inga­hóps ASÍ, BHM og BSRB kemur fram að vís­bend­ingar séu um að efna­hags­leg áhrif COVID-far­ald­urs­ins komi harð­ast niður á lág­launa­hópum á Íslandi. Konur eru sér­stak­lega útsettar fyrir áhrifum kóf­s­ins en einnig ungt fólk og inn­flytj­end­ur. Hópur segir að þegar megi sjá merki þess hér á landi að ójöfn­uður fari vax­andi vegna heims­far­ald­urs­ins.

„Við vitum auð­vitað ekki hvernig atvinnu­leysið mun þró­ast og efna­hags­á­standið almennt,“ segir Kristín um hvernig hún meti stöð­una framund­an. „Það er mín til­finn­ing og rann­sóknir hafa einnig bent til þess að þeir sem eru í erf­iðri stöðu fyrir verða í enn erf­ið­ari stöðu þegar það kreppir að og hafa þess vegna enn minni tæki­færi til að spyrna sér upp aft­ur. Við verðum að gera ráð fyrir að þetta ástand sé ekki búið.“

Sjálfboðaliðar hjá Hjálparstarfi kirkjunnar, þær Sigrún, Mjöll og Elsa, að störfum.

Hjálp­ar­starf kirkj­unnar er í sam­starfi við önnur hjálp­ar­sam­tök víðs­vegar um landið og í sam­ráði við þau ein­beitir það sér að fjöl­skyldu­fólki, þ.e. fólki með börn á sínu fram­færi.

Spurð hvort að sama fólkið þurfi jafn­vel á aðstoð að halda í mörg ár segir Kristín að reynslan sýni að það sé fólk í sömu aðstæðum sem þurfi aðstoð ár eftir ár. „Það eru ekki alltaf sömu ein­stak­ling­arnir en það eru ákveðnar aðstæður sem valda því að fólk þarf að leita til okk­ar.“

Hús­næð­islið­ur­inn að sliga fólk

Þrír félags­ráð­gjafar eru starf­andi hjá Hjálp­ar­starfi kirkj­unn­ar. Þeir veita fólki sem sæk­ist eftir aðstoð stuðn­ing, ráð­gjöf og leið­sögn og meta þörf hverrar fjöl­skyldu fyrir sig fyrir aðstoð. Kristín segir að sá útgjalda­liður sem helst sé að sliga fólk, nú sem áður, sé kostn­aður við hús­næði. Fólk með örorku, ein­stæðir for­eldr­ar, inn­flytj­endur og lág­launa­fólk séu þeir hópar sem hvað erf­ið­ast eiga með að ná endum sam­an. „Í fleiri ár og jafn­vel ára­tugi er það hár hús­næð­is­kostn­aður sem verður til þess að fólk lendir í miklum fjár­hags­vand­ræð­u­m,“ segir Krist­ín.

Hún bendir á að það sé hlut­verk stjórn­valda að tryggja vel­ferð fólks og aðstoð Hjálp­ar­starfs kirkj­unnar sé alltaf neyð­ar­að­stoð. Starfið sé í sífelldri þróun og taki breyt­ingum eftir því hvar þörfin er mest hverju sinni.



Kristín Ólafsdóttir, fræðslufulltrúi Hjálparstarfs kirkjunnar.Í sept­em­ber hófst í þriðja sinn verk­efnið Stattu með sjálfri þér sem miðar að sjálf­styrk­ingu kvenna sem allar eiga það sam­eig­in­legt að vera með örorku, hafa börn á sínu fram­færi og að hafa þurft að leita á náðir Hjálp­ar­starfs­ins í lengri tíma. Verk­efnið stendur í tvö ár og yfir fimmtán konur eru þátt­tak­endur að þessu sinni.

Árang­ur­inn af verk­efn­inu hefur verið frá­bær að sögn Krist­ín­ar. „Þá er ég ekki endi­lega að meina að hann sé mæl­an­legur í pen­ingum hjá hverri og einni konu heldur að þeim líður bet­ur. Þetta miðar auð­vitað allt að því – að kon­unum líði betur og að þær verði virk­ari í sínu eigin lífi og innan sinnar fjöl­skyldu. Hafi meiri trú á sjálfri sér. Það skilar miklu til fjöl­skyld­unnar í heild. Við viljum leggja okkar af mörkum svo að fólk geti kom­ist út úr sínum erf­ið­leik­um. Þó að félags­ráð­gjaf­arnir okkar séu ekki göldróttir þá geta þeir sann­ar­lega veitt góð ráð.“

Sjálf­boða­liðar eru mjög mik­il­vægir í allri starf­semi Hjálp­ar­starfs kirkj­unnar og und­an­farið hefur verið í nógu að snú­ast hjá þeim sem og félags­ráð­gjöf­unum við að und­ir­búa jóla­að­stoð­ina. Vegna sam­komu­tak­mark­ana þurfti að skipu­leggja hana með öðrum hætti en hingað til. Fata­mið­stöðin hefur til að mynda ekki verið opin vegna sótt­varna­að­gerða. En nú í des­em­ber hefur fólk getað komið í mið­stöð­ina eftir fatn­aði fyrir börnin og jafn­vel getað fengið inn­eign­ar­kort í barna­fata­versl­an­ir.

Í fjölda mörg ár hefur fólk sem á þarf að halda getað fengið inn­eign­ar­kort í mat­vöru­versl­unum hjá Hjálp­ar­starf­inu í des­em­ber. Það er stærsti lið­ur­inn í aðstoð sam­tak­anna fyrir jól ár hvert. Í ár er fólk nú beðið að koma og sækja inn­eign­ar­kortin sem og jóla­gjafir fyrir börnin á fyr­ir­fram ákveðnum tíma og á mis­mun­andi stöðum til að lág­marka smit­hættu.

Vantar tengsla­netið

Flestir þeirra sem leita til Hjálp­ar­starfs­ins eru Íslend­ingar en fólk af erlendum upp­runa er þó í meiri­hluta þeirra sem fá notuð föt hjá sam­tök­un­um. „Þetta er fólk sem er ekki með sterkt tengsla­net hér á landi. Það getur ekki leitað til frænku og frænda til að fá notuð barna­föt. Þetta er hópur sem má ekki gleymast, fólk sem er jafn­vel nýlega komið hingað og þekkir ekki sín rétt­indi og hvert það getur leitað eftir aðstoð þegar eitt­hvað bjátar á.“

Til að styðja við þennan hóp heldur Hjálp­ar­starfið úti sauma­verk­efni fyrir konur af erlendum upp­runa sem hafa lítið tengsla­net hér á landi. Það byrj­aði smátt í sniðum en nú eru þátt­tak­endur orðnir hátt í hund­rað. Margir vel­vilj­aðir ein­stak­lingar gáfu sauma­vélar og nokkrar versl­anir gefa efni. Kon­urnar koma saman og sauma og styrkja sam­tímis böndin sín á milli. Pok­arnir sem þær sauma eru svo seldir hjá Hjálp­ar­starf­inu og ágoð­inn fer aftur inn í verk­efn­ið.

Aðstæður alls staðar versnað

Auk þessa mikla inn­an­lands­starfs er Hjálp­ar­starfið einnig í sam­vinnu­verk­efnum í Eþíópíu og Úganda. „Þar hefur far­ald­ur­inn vissu­lega haft nei­kvæðar afleið­ingar lík­a,“ segir Krist­ín. „Framundan er mikið verk til að kom­ast aftur á sama stað og við vorum fyrir far­ald­ur­inn. Aðstæður hafa versnað alls stað­ar.“

Spurð hvort að þessi mikla áskorun sé ekki yfir­þyrm­andi fyrir starfs­fólk og sjálf­boða­liða Hjálp­ar­starfs­ins svarar Krist­ín: „Við trúum því að aðferða­fræðin okk­ar, hjálp til sjálfs­hjálpar og sam­vinn­an, virki vel. Það þýðir ekk­ert annað en að halda áfram. Og við finnum fyrir miklum stuðn­ingi og vel­vild, bæði almenn­ings og fyr­ir­tækja. Það er alveg greini­legt að Íslend­ingum finnst hlut­verk Hjálp­ar­starfs­ins vera brýnt núna. Og það er aukin þörf, við finnum það.“

Heima­síða Hjálp­ar­starfs kirkj­unnar



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Bækur spila stórt hlutverk í lífi margra um jólahátíðina.
Rýnt í bækur og stjörnur
Bókahúsið er hlaðvarpsþáttur þar sem rætt er við rithöfunda og ýmsa sem koma að bókaútgáfu. Í sjötta þætti er spjallað um himingeiminn, ný skáldverk og ljóðabækur.
Kjarninn 27. nóvember 2021
Teikning af mögulegri framtíðarsýn fyrir svæði Háskóla Íslands.
Fólk og mannlíf í forgangi í framtíðarsýn Háskóla Íslands
Háskóli Ísland og Reykjavíkurborg hafa í sameiningu dregið upp mynd af svæði HÍ til framtíðar með tilliti til legu Borgarlínu. Suðurgata breytist úr hraðbraut í borgargötu og gert er ráð fyrir að bílastæði færist í miðlæg bílastæðahús.
Kjarninn 26. nóvember 2021
Unnþór Jónsson
Upplýsingaóreiða er vandamál
Kjarninn 26. nóvember 2021
Nýtt COVID-afbrigði orsakar svartan föstudag í Kauphöllinni
Fjárfestar um allan heim brugðust illa við fréttum af nýju afbrigði kórónuveirunnar í morgun. Ekkert félag á aðalmarkaði hækkaði í virði við lokun markaða, en hlutabréfaverð í Icelandair og Play lækkaði um rúm 4 prósent yfir daginn.
Kjarninn 26. nóvember 2021
Vínbúðin stefnir nú út á Granda, þar sem fjöldi stórmarkaða er staðsettur.
Vínbúðin stefnir á Fiskislóð
ÁTVR segist ætla að ganga til samninga við eigendur húsnæðis að Fiskislóð 10 á Granda um leigu á plássi undir nýja Vínbúð. Ekki er búið að taka endanlega ákvörðun um lokun Vínbúðar í Austurstræti.
Kjarninn 26. nóvember 2021
Margrethe Vestager, yfirmaður stafrænnar vegferðar Evrópusambandsins
ESB vill fjárfesta beint í nýsköpunarfyrirtækjum
Nýkynntur nýsköpunarhraðall Evrópusambandsins felur í sér stefnubreytingu í opinberri fjármögnun til tæknifyrirtækja í álfunni, en með honum getur sambandið keypt beina eignarhluti í sprotafyrirtækjum fyrir allt að 2,2 milljarða króna.
Kjarninn 26. nóvember 2021
Meira úr sama flokkiInnlent