Ráðherra í ólöglegu samkvæmi í gærkvöldi þar sem sóttvarnareglur voru brotnar

Lögreglan stöðvaði ólöglegt samkvæmi í gærkvöldi vegna brots á reglum um fjöldasamkomu og sérstakrar smithættu. Einn gesta líkti lögreglu við nasista. Á meðal gesta var ráðherra í ríkisstjórn Íslands.

Ráðherra í ríkisstjórn Íslands var viðstaddur ólöglegt samkvæmi í gær. Lögregla hefur ekki tilgreint um hvaða ráðherra er að ræða.
Ráðherra í ríkisstjórn Íslands var viðstaddur ólöglegt samkvæmi í gær. Lögregla hefur ekki tilgreint um hvaða ráðherra er að ræða.
Auglýsing

Ónefndur ráð­herra í rík­is­stjórn Íslands var á meðal 40 til 50 gesta sem voru í sam­kvæmi í sal í útleigu í mið­borg Reykja­víkur í gær­kvöldi. Tölu­verð ölvun var í sam­kvæm­inu og eng­inn þeirra sem þar voru staddir voru með grímur fyrir and­lit­i. 

Frá þessu er greint í dag­bók lög­regl­unnar á höf­uð­borg­ar­svæð­inu en hún var kölluð til vegna sam­kvæm­is­ins klukkan 22:25 á Þor­láks­messu­kvöldi í kjöl­far þess að henni barst til­kynn­ing um sér­staka smit­hættu og brot á reglum um fjölda­sam­komu.

Í dag­bók lög­regl­unnar segir að veit­inga­rekstur sé í umræddum sal sem falli undir svo­kall­aðan flokk II og því ætti sal­ur­inn að hafa verið lok­aður á þeim tíma sem sam­kvæmið var stöðv­að. „Í ljós kom að á milli 40-50 gestir voru sam­an­komin í saln­um, þar á meðal einn hátt­virtur ráð­herra í rík­is­stjórn Íslands. Tölu­verð ölvun var í sam­kvæm­inu og voru flestir gest­anna með áfengi við hönd. Lög­reglu­menn veittu athygli að eng­inn gest­anna var með and­lits­grímur fyrir and­liti. Lög­reglu­menn sögðu að nán­ast hvergi voru fjar­lægð­ar­tak­mörk virt.“

Auglýsing
Lögreglumenn sáu aðeins þrjá spritt­brúsa í saln­um. Þeir ræddu við ábyrgð­ar­menn skemmt­un­ar­innar á staðnum og kynnt þeim að skýrsla yrði rit­uð. Í kjöl­farið var gestum vísað út. „Þegar að gestir gengu út voru flestir búnir að setja upp and­lits­grímu. Gest­irnir kvödd­ust margir með faðm­lögum og ein­hverjir með koss­um. Einn gest­anna var ósáttur með afskipti lög­reglu og líkti okkur við nas­ista“.

Kjarn­inn hefur sent fyr­ir­spurn á upp­lýs­inga­full­trúa rík­is­stjórn­ar­innar og óskað eftir upp­lýs­ingum um hvaða ráð­herra það hafi verið sem var við­staddur í umræddu sam­kvæmi í gær­kvöldi.

Á vef RÚV segir að Krist­ján Þór Júl­í­us­son hafi verið á Akur­eyri í gær­kvöldi og Sig­urður Ingi Jóhanns­son heima hjá sér í sveit­inni í Hruna­manna­hreppi. „Ás­mundur Einar Daða­son sagð­ist hafa verið í Pict­ion­ary með dætrum sín­um. Guð­mundur Ingi Guð­brands­son sagð­ist vera uppi í sveit og ekki þekkja til máls­ins. Lilja Dögg Alfreðs­dóttir sagði í sam­tali við frétta­stofu að hún hefði ekki verið í umræddum gleð­skap.“

Á vef Vísis seg­ir Ás­laug Arna Sig­ur­björns­dóttir að hún hafi ekki hafa verið í sam­kvæm­inu. „Hún hafi rölt um mið­bæ­inn í gær­kvöldi, náð sér í mat og verið komin heim snemma í gær­kvöld­i. Þá seg­ist Þór­dís Kol­brún Reyk­fjörð Gylfa­dóttir hafa verið hjá for­eldrum sínum á Akra­nesi í gær­kvöld­i. ­Guð­laugur Þór Þórð­ar­son kveðst þá vera í Skaft­ár­tung­um. Hann hafi verið þar síðan í fyrra­kvöld.“

Katrín Jak­obs­dóttir for­sæt­is­ráð­herra var heldur ekki í umræddu sam­kvæmi.

Ráð­herra áður gert mis­tök

Þetta er ekki í fyrsta sinn sem ráð­herra verður upp­vís að því að taka þátt í athæfi þar sem sótt­varna­reglur sem almenn­ingur er beð­inn um að virða voru ekki virt­ar. Um miðjan ágúst birt­ist mynd á sam­fé­lags­miðlum af Þor­dísi Kol­brúnu, sem er ferða­­mála-, iðn­­að­­ar- og nýsköp­un­­ar­ráð­herra og vara­­for­­manni Sjálf­­stæð­is­­flokks­ins, og vin­konum hennar þar sem þær stóðu saman í einum hnapp. 

Myndin sætti mik­illi gagn­rýni í ljósi tveggja metra regl­unnar svoköll­uðu sem var ekki við­höfð við þær mynda­tök­­­ur.

Rík­­is­­stjórn­­in, sem Þór­­dís Kol­brún situr í, hafði nokkrum vikum áður hert reglur vegna þess að önnur bylgja kór­ón­u­veirusmita var að gera vart við sig. Á blaða­­manna­fundi í lok júlí sagði Svan­­dís Svav­­­ar­s­dóttir heil­brigð­is­ráð­herra: „„Þar sem fólk kemur saman og í allri starf­­­semi verði tveggja metra reglan við­höfð á milli ein­stak­l­inga. Það er að segja að hún verði ekki lengur val­­­kvæð heldur skyld­u­bund­in. Þar sem ekki er hægt að tryggja tveggja metra fjar­lægð milli ótengdra ein­stak­l­inga þá er kraf­ist not­k­unar and­lits­grímu sem hylur nef og munn.“

­Rúmri viku eftir að hertar aðgerðir tóku gildi skrif­aði Þór­­­dís grein í Morg­un­­­blaðið með fyr­ir­­­sögn­inni: „Þetta veltur á okk­­­ur“. Þar fjall­aði hún um þann upp­­­takt í smitum sem hafði verið frá lokum júlí­mán­að­­­ar. Í grein­inni sagði: „Auð­vitað von­um við öll að þetta bak­slag end­­­­ur­taki sig ekki og kúrf­an fletj­ist út. Í því skipt­ir mestu að við, hvert og eitt okk­­­­ar, gæt­um að sótt­­­­vörn­um í dag­­­­legu líf­i.“

Föst­u­dag­inn 15. ágúst ákváðu stjórn­­völd að herða veru­­­lega tak­­­mark­­­anir á landa­­­mærum Íslands, sem í reynd lok­uðu land­inu að mestu fyrir komu ferða­­­manna. Við það tæki­­færi skrif­aði Þór­­dís Kol­brún í stöð­u­­upp­­­færslu á Face­­book að áfram væru „per­­­són­u­bundnar sótt­­­varnir langöflug­asta tækið til að berja þessa veiru niður og hert­­­ari aðgerðir á landa­­­mærum koma aldrei í stað­inn fyrir það. Við búum í góðu sam­­­fé­lagi. Sterku sam­­­fé­lagi. Og við erum heppin með það teymi sem ráð­­­leggur okkur í gegnum þann þátt þessa risa stóra verk­efn­­­is.“

Vin­­kon­u­hitt­ing­­ur­inn sem röð mynda voru teknar af átti sér svo stað dag­inn eft­ir, laug­­ar­dag­inn 16. ágúst. 

Þór­dis við­ur­kenndi að hún hefði gert mis­tök og baðst afsök­un­ar. Í við­tali við Morg­un­blaðið í byrjun októ­ber sagði hún um mynda­tök­una: „Hún var takt­­laus og mis­­tök, svona eftir á að hyggja. Mynd­­málið var þannig og tíma­­setn­ingin rétt eftir að til­­kynnt var um afdrifa­­ríkar ákvarð­­anir um komur til lands­ins.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Yfirvöld eru byrjuð að birta upplýsingar sem gefa gleggri mynd af 14 daga nýgengi smita í hópi komufarþega til landsins.
Nýgengi smita á landamærum birt í samhengi við fjölda komufarþega
Nú má sjá á tölfræðivef yfirvalda upplýsingar um 14 daga nýgengi smita sem greinast í landamæraskimunum í samhengi við fjölda farþega sem koma til landsins. Nýgengið er nú yfir 450 á hverja 100 þúsund farþega.
Kjarninn 21. apríl 2021
Víðir Reynisson, Þórólfur Guðnason og Kamilla Rut Jósefsdóttir á upplýsingafundi dagsins.
Aukið bóluefnaframboð mun auka hraða bólusetninga á næstunni
Bóluefni Janssen verður dreift í næstu viku og 16 þúsund skammtar af AstraZeneca bóluefni eru á leiðinni frá Norðmönnum. Óljóst hvernig frumvarp um aðgerðir á landamærum verður endanlega afgreitt að sögn sóttvarnalæknis.
Kjarninn 21. apríl 2021
Skúli Skúlason og félagar hans eru áfram stærstu eigendur Play.
Hluthafalisti Play birtur – Hópur Skúla enn stærsti eigandinn
Í nýjum hluthafahópi flugfélagsins Play er að finna umsvifamikla einkafjárfesta, lífeyrissjóði og fagfjárfestingasjóði. Til stendur að skrá félagið á First North og gefa almenningi tækifæri á að kaupa.
Kjarninn 21. apríl 2021
Jóhannes Stefánsson er handhafi sænsku sjálfbærniverðlaunanna WIN WIN árið 2021.
Jóhannes Stefánsson í hóp með Kofi Annan og Al Gore
Uppljóstrarinn Jóhannes Stefánsson fær tæpar 15 milljónir króna í verðlaunafé fyrir að vinna sænsku sjálfbærniverðlaunin WIN WIN Gothenburg. Heimsþekkt fólk hefur hlotið þessi verðlaun á fyrri árum.
Kjarninn 21. apríl 2021
Peningum á Íslandi er áfram sem áður stýrt af körlum
Áttunda árið í röð framkvæmdi Kjarninn úttekt á því hver kynjahlutföll séu á meðal þeirra sem stýra peningum á Íslandi. Fyrirtækjunum sem úttektin náði til fjölgaði lítillega á milli ára og samsetning þeirra breyttist aðeins.
Kjarninn 21. apríl 2021
Samtal við samfélagið – English
Samtal við samfélagið – English
Tæknivarpið - Apple kynnir skífur fyrir utangátta, nýjan iMac og iPad Pro
Kjarninn 21. apríl 2021
Stefán Jón Hafstein
Óttast um Elliðaárnar
Kjarninn 21. apríl 2021
Sigríður Á. Andersen sagði af sér sem dómsmálaráðherra vegna málsins
Enn ekki upplýst um kostnað ríkislögmanns vegna ólöglegrar skipunar dómara í Landsrétt
Kostnaður ríkissjóðs vegna þess að þáverandi dómsmálaráðherra sinnti ekki rannsóknarreglu stjórnsýslulaga þegar hún lagði fyrir Alþingi lista yfir dómara sem ætti að skipa við Landsrétt var 141 milljónir króna í lok síðasta árs. Hann er enn að aukast.
Kjarninn 21. apríl 2021
Meira úr sama flokkiInnlent