Þórhildur Sunna tilkynnir framboð og færir sig um kjördæmi

Einn mest áberandi þingmaður Pírata ætlar að sækjast eftir því að leiða lista flokksins í Kraganum í næstu þingkosningum. Þrír af sex þingmönnum Pírata verða ekki í framboði. Allir sem hætta leiddu lista í síðustu kosningum.

Þórhildur Sunna Ævarsdóttir, þingmaður Pírata.
Þórhildur Sunna Ævarsdóttir, þingmaður Pírata.
Auglýsing

Þórhildur Sunna Ævarsdóttir, þingmaður Pírata, ætlar að vera í framboði í næstu þingkosningunum. Hún greindi formlega frá þessu í stöðuuppfærslu á Facebook í dag. 

Þar sagðist hún, í ljósi þess að hún væri flutt aftur á æskuslóðir sínar í Mosfellsbæ, þætti henni rétt að færa sig um set og bjóða fram krafta sína til að leiða lista Pírata í Suðvesturkjördæmi í september næstkomandi, þegar næst verður kosið til Alþingis. Þórhildur Sunna leiddi lista Pírata í Reykjavíkurkjördæmi suður í síðustu Alþingiskosningum, haustið 2017. Jón Þór Ólafsson var oddviti Pírata í Suðvesturkjördæmi í þeim kosningum, en hann tilkynnti nýverið að hann myndi ekki sækjast eftir endurkjöri. 

Raunar liggur fyrir að mikil endurnýjun verði í forystusveit Pírata fyrir komandi kosningar. Auk Jóns Þórs hafa þeir Smári McCarthy og Helgi Hrafn Gunnarsson tilkynnt að þeir sækist ekki eftir áframhaldandi þingsetu. Björn Leví Gunnarsson og Halldóra Mogensen munu hins vegar gera það, en hvorugt þeirra var oddviti á lista Pírata 2017 og bæði eru síðustu þingmenn sitt hvors Reykjavíkurkjördæmisins. 

Auglýsing
Þórhildur Sunna segir í stöðuuppfærslunni að árin á þingi hafi verið viðburðarík, gefandi, erfið, lærdómsrík og hafi einkennst af þakklæti og ástríðu fyrir því stórbrotna verkefni sem þingmennskan sé. „Upp úr stendur að hafa fengið að leiða laga- og mannréttindanefnd Evrópuráðsþingsins, nefnd um endurskoðun lögræðislaga og stjórnskipunar- og eftirlitsnefnd Alþingis ásamt því að hafa verið þingflokksformaður Pírata, en allt hafa þetta verið mjög lærdómsrík ábyrgðarhlutverk sem mér hefur verið treyst fyrir á yfirstandandi kjörtímabili.“

Framundan séu kosningar þar sem tækifæri gefist til að velja annars konar stjórnmál en hefð hefur verið fyrir á Íslandi. „Stjórnmál sem einkennast af ábyrgð, heiðarleika og réttlæti. Stjórnmál sem byggja á mannúð, framsýni og hugrekki. Við getum valið að stíga upp úr hjólförum sérhagsmuna, afturhalds og spillingar til þess að troða nýjar og betri slóðir til framtíðar. Við getum valið að lögfesta nýja stjórnarskrá fyrir Ísland. Árin mín á þingi hafa líka kennt mér að til þess að svo megi verða, þurfum við Píratar að komast í ríkisstjórn. Þar skiptir sterk grasrót og stuðningur kjósenda lykilmáli.“

Í þessu verkefni vilji hún taka þátt í áfram. „Ég vil leggja mitt af mörkum til þess að bæta samfélagið mitt og undirbúa það fyrir framtíðina. Það tilkynnist því hér með að ég sækist eftir endurkjöri og býð mig fram í prófkjöri Pírata. Í ljósi þess að ég er flutt á mínar gömlu æskuslóðir í Mosfellsbænum þykir mér rétt að færa mig um set og bjóða fram krafta mína til þess að leiða lista Pírata í Suðvesturkjördæmi.“

Fylgi Pírata mældist 12,3 prósent í síðustu könnun MMR sem myndi gera flokkinn að þriðja stærsta flokki landsins á eftir Sjálfstæðisflokki og Samfylkingu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ráðherra sveitarstjórnarmála mun ekki hafa frumkvæði að sameiningum sveitarfélaga með færri en 1.000 íbúa eins og upphaflega var lagt til í frumvarpi Sigurðar Inga Jóhannssonar samgöngu- og sveitarstjórnarráðherra.
Hagræn áhrif fækkunar sveitarfélaga geti orðið fimm milljarðar
Nýlega voru breytingar á sveitarstjórnarlögum samþykktar en ein meginbreytingin felur í sér að stefnt skuli að því að lágmarksíbúafjöldi sveitarfélaga verði ekki undir 1.000 manns. Upphaflega stóð til að lögfesta lágmarksíbúafjölda.
Kjarninn 20. júní 2021
Ferli Rauða barónsins lauk á sama stað og hann hófst, á Stokkseyrarvelli sumarið 2016, er hann dæmdi leik heimamanna gegn Afríku.
Saga Rauða barónsins gefin út á bók
Rauði baróninn - Saga umdeildasta knattspyrnudómara Íslandssögunnar er ný bók eftir fyrrverandi knattspyrnudómarann Garðar Örn Hinriksson. Safnað er fyrir útgáfunni á Karolina Fund.
Kjarninn 20. júní 2021
Helga Björg segist óska þess að það væri meiri skilningur hjá fjölmiðlum á valdatengslum og á stöðu fólks í umfjöllunum.
„Framan af var aldrei hringt í mig, enginn hafði samband“
Fyrrverandi skrifstofustjóri skrifstofu borgarstjóra og borgarritara gagnrýnir fjölmiðlaumfjöllun um eineltismál í ráðhúsinu en hún upplifði stöðugt áreiti borgarfulltrúa í langan tíma.
Kjarninn 20. júní 2021
Rannveig Sigurðardóttir, varaseðlabankastjóri peningastefnu Seðlabankans.
Segir mikla verðbólgu bitna verst á tekjulágum
Varaseðlabankastjóri peningastefnu Seðlabankans segir áhrif mikillar verðbólgu vera sambærileg skattlagningu sem herji mest á lágtekjufólk. Samkvæmt henni er peningastefnan jafnvægislist.
Kjarninn 20. júní 2021
Tveir fossar, Faxi og Lambhagafoss, yrðu fyrir áhrifum af hinni fyrirhuguðu virkjun í Hverfisfljóti.
Auglýsa skipulagsbreytingar þrátt fyrir ítrekuð varnaðarorð Skipulagsstofnunar
Skipulagsstofnun ítrekaði í vor þá afstöðu sína að vísa ætti ákvörðun um virkjun í Hverfisfljóti til endurskoðunar aðalskipulags Skaftárhrepps sem nú stendur yfir. Við því var ekki orðið og skipulagsbreytingar vegna áformanna nú verið auglýstar.
Kjarninn 20. júní 2021
Christian Eriksen var borinn af velli eftir að hann hneig niður í leik Dana gegn Finnum um síðustu helgi.
Eriksen og hjartastuðið
Umdeildar vítaspyrnur, rangstöðumörk, brottvísanir eða óvænt úrslit voru ekki það sem þótti fréttnæmast í fyrstu umferð Evrópukeppninnar í fótbolta. Nafn Danans Christian Eriksen var á allra vörum en skjót viðbrögð björguðu lífi hans.
Kjarninn 20. júní 2021
Þórdís Kolbrún hafði betur í oddvitaslagnum í Norðvesturkjördæmi.
Þórdís Kolbrún sigraði í prófkjöri Sjálfstæðisflokksins í Norðvesturkjördæmi
Öll atkvæði í prófkjöri Sjálfstæðisflokksins í Norðvesturkjördæmi hafa verið talin. Haraldur Benediktsson, sem leiddi listann í síðustu kosningum, lenti í öðru sæti en hann sagði nýverið að hann hygðist ekki þiggja annað sætið ef það yrði niðurstaðan.
Kjarninn 20. júní 2021
Þórdís Kolbrún tilkynnti það síðasta haust að hún myndi fara fram í Norðvesturkjördæmi og sækjast eftir oddvitasætinu.
Þórdís Kolbrún leiðir eftir fyrstu tölur í Norðvesturkjördæmi – Haraldur þriðji
Kjörstöðum hefur nú verið lokað í prófkjöri Sjálfstæðisflokksins í Norðvesturkjördæmi. Talin hafa verið 798 atkvæði úr flestum en ekki öllum kjördeildum af um 2200 greiddum atkvæðum Teitur Björn Einarsson er sem stendur í öðru sæti.
Kjarninn 19. júní 2021
Meira úr sama flokkiInnlent