Segja skorta á röksemdir fyrir sölu á hlut ríkisins í Íslandsbanka

Miðstjórn ASÍ mótmælir harðlega áformum um sölu á hlut ríkisins í Íslandsbanka, segir flýti einkenna ferlið og telur að ekki hafi verið færðar fram fullnægjandi röksemdir fyrir sölunni.

Frá miðstjórnarfundi hjá Alþýðusambandi Íslands í febrúar árið 2019.
Frá miðstjórnarfundi hjá Alþýðusambandi Íslands í febrúar árið 2019.
Auglýsing


Mið­stjórn Alþýðu­sam­bands Íslands (ASÍ) mót­mælir harð­lega áformum um sölu á hlut rík­is­ins í Íslands­banka, í ályktun sem sam­þykkt var í dag. Mið­stjórn ASÍ segir að flýtir hafi ein­kennt ferlið og að ekki hafi verið færðar fram full­nægj­andi rök­semdir fyrir söl­unni.

„Mik­il­vægt er að rík­ið, fyrir hönd almenn­ings, sé með aðkomu að fjár­mála­mark­aði og haldi uppi sam­fé­lags­legum sjón­ar­miðum við end­ur­reisn efna­hags­lífs­ins. Sér­stak­lega þarf að gæta að hags­munum lán­tak­enda sem margir ganga í gegnum tíma­bundna erf­ið­leika vegna COVID-krepp­unn­ar,“ segir í ályktun mið­stjórnar ASÍ.

Þar segir einnig að vafi leiki á því hversu stóran hlut ríkið ætlar sér að selja og að stjórn­völd hafi ekki útskýrt hvað þau telja ásætt­an­legt verð.

Sér­fræð­inga­hópur verka­lýðs­hreyf­ingar taldi rök­semdir skorta

Síð­asta föstu­dag var send út grein­ar­gerð sér­fræð­inga­hóps verka­lýðs­hreyf­ing­ar­innar um áform­aða sölu Íslands­banka og vísar mið­stjórn ASÍ til hennar í ályktun sinn­i. 

Auglýsing



Nið­ur­staða hóps­ins var að rök­semdir skorti fyrir þeirri ákvörðun að hefja sölu bank­ans nú. Óvíst væri hvort salan myndi auka sam­keppni á fjár­mála­mark­aði og núver­andi tíma­punktur væri ekki ákjós­an­legur í ljósi efna­hags­legrar óvissu.

Ekk­ert ákall frá mót­föllnum almenn­ingi

„Mið­stjórn ASÍ hafnar því að selja þurfi hlut rík­is­ins til að bæta stöðu rík­is­sjóðs eða fjár­magna fjár­fest­ingar í sam­fé­lags­legum innvið­um. Nýlegar skatta­lækk­anir á fjár­magns­eig­endur benda ekki til þess að rík­is­stjórnin hafi þungar áhyggjur af afkomu rík­is­sjóðs. Ákall um sölu á banka kemur ekki frá almenn­ingi sem að miklum meiri­hluta er mót­fall­inn slíkri sölu og jákvæður í garð rík­is­ins sem eig­anda banka,“ segir í ályktun mið­stjórn­ar­inn­ar.

Skiptar skoð­anir

Til stendur að selja hlut af eign rík­­is­ins í Íslands­­­banka á næstu mán­uð­­um. Til­­laga þess efnis var lögð fram af Banka­­sýslu rík­­is­ins 17. des­em­ber og sam­­þykkt af fjár­­­mála- og efna­hags­ráð­herra fjórum dögum síð­­­ar. Málið hefur verið til umræðu á Alþingi og stjórn­mála­um­ræðu und­an­far­inna vikna og hluti stjórn­ar­and­stöð­unnar hefur talað gegn mál­in­u.

Á meðal stjórn­ar­liða virð­ist þó ríkja sam­staða um að þetta sé rétta leið­in. Stein­grímur J. Sig­fús­son for­seti Alþingis og þing­maður Vinstri grænna ræddi við Kjarn­ann á dög­unum og sagð­ist ekki gera neinar athuga­semdir við að hlutur rík­is­ins í Íslands­banka yrði boð­inn til sölu nú.

„Í fyrsta lagi er það nú þannig að þessi banki kom óvænt í hendur rík­­is­ins sem greiðsla í formi stöð­ug­­leika­fram­lags. Það var engin sér­­­stök stefna að ríkið ætti að eign­­ast Íslands­­­banka og þar af leið­andi á það ekki að vera ein­hver sér­­­stök stefna að ríkið eigi að eiga hann áfram,“ sagði Stein­grímur meðal ann­ars í við­tal­inu við Kjarn­ann.

Selt á næstu mán­uðum

Sölu­á­formin rík­is­stjórn­ar­innar ganga út á að skrá bank­ann á markað og selja ótil­­greindan hlut í honum í aðdrag­anda þess.

Fyrri áform, sem lögð voru á hill­una vegna kór­ón­u­veiru­far­ald­­ur­s­ins, gerðu ráð fyrir að bank­inn yrði seldur í sam­hliða sölu­­ferli þar sem gert var ráð fyrir beinni sölu á hluta í gegnum upp­­­boð, mög­u­­lega til erlends banka. Þá gerðu þau áform líka ráð fyrir tví­­hliða skrán­ingu Íslands­­­banka, á íslenskan hluta­bréfa­­markað og í erlenda kaup­höll. 

Nýju áformin gera ein­ungis ráð fyrir sölu í gegnum hluta­fjár­­út­­­boð hér­­­lendis og skrán­ingu í íslensku kaup­höll­ina. Það er meðal ann­­ars rök­­stutt í til­­lögu Banka­­sýslu rík­­is­ins með því að ólík­­­legt sé að erlendur banki sýni áhuga á að eign­­ast hlut í inn­­­lendum banka í núver­andi umhverfi, enda séu fá dæmi á síð­­asta ári um beina sölu á bönkum í Evr­­ópu til fjár­­­festa eða ann­­arra banka.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Einungis Tyrkir og Pólverjar máttu þola meiri verðhækkanir en Íslendingar í fyrra af löndunum sem Eurostat mælir
Verðbólgan á Íslandi hærri en í flestum Evrópulöndum
Verðhækkanir hérlendis voru langt umfram þróun flestra annarra Evrópulanda í fyrra, en verðbólgan í síðasta mánuði var aðeins hærri í Tyrkland og Póllandi, samkvæmt nýjum mælingum Eurostat.
Kjarninn 25. febrúar 2021
Þorsteinn Már Baldvinsson, forstjóri Samherja, er einn þeirra sex sem eru með stöðu sakbornings í rannsókn héraðssaksóknara á viðskiptaháttum fyrirtækisins.
Úrskurður um að afhenda héraðssaksóknara gögn frá endurskoðanda Samherja ómerktur
Landsréttur hefur ómerkt úrskurð um að embætti héraðssaksóknara eigi að fá gögn varðandi bókhald og reikningskil allra félaga Samherja frá KPMG, fyrrverandi endurskoðanda félagsins, og gert héraðsdómi að taka málið aftur fyrir.
Kjarninn 25. febrúar 2021
Andrés Pétursson
Brexit er efnahagslegt högg fyrir Breta
Kjarninn 25. febrúar 2021
Guðjón Sigurbjartsson
Fæðuöryggi – Hvað á að gera við afa?
Kjarninn 25. febrúar 2021
Tæplega 30 prósent aðspurðra í nýlegri könnun vilja að Ísland gangi í Evrópusambandið.
Íslendingarnir sem vilja helst ganga í ESB
Lítil hreyfing er á afstöðu Íslendinga til inngöngu í Evrópusambandið á milli ára og enn eru fleiri andvígir en hlynntir þeirri vegferð, samkvæmt nýlegri könnun Maskínu. En hvaða kjósendahópar á Íslandi vilja ganga í ESB? Kjarninn kíkti á það.
Kjarninn 25. febrúar 2021
Tryggvi Gunnarsson umboðsmaður Alþingis lætur af störfum í lok apríl.
Tryggvi hættir sem umboðsmaður Alþingis eftir rúm 22 ár í starfi
Tryggvi Gunnarsson, sem skipaður var umboðsmaður Alþingis árið 1998, hefur beðist lausnar og forsætisnefnd Alþingis samþykkt beiðni hans. Nýr umboðsmaður verður kjörinn af Alþingi fyrir lok aprílmánaðar.
Kjarninn 25. febrúar 2021
Niðurstaðan ýmist sögð staðfesta „tilefnislausa aðför“ eða „kerfislægt misrétti“
Formaður stéttarfélagsins Eflingar og framkvæmdastjóri Samtaka atvinnulífsins eru ekki sammála um hvernig túlka skuli niðurstöðu héraðsdóms í máli rúmenskra verkamanna gegn starfsmannaleigu og Eldum rétt. Frávísun málsins verður áfrýjað til Landsréttar.
Kjarninn 25. febrúar 2021
Þórólfur Guðnason sóttvarnalæknir.
Talsvert um að fólk afþakki bólusetningu með bóluefni AstraZeneca
Sóttvarnalæknir telur enga ástæðu fyrir fólk til að afþakka eitt bóluefni umfram önnur líkt og talsverður hópur fólks hefur gert undanfarið.
Kjarninn 25. febrúar 2021
Meira úr sama flokkiInnlent