Kvika banki hefur nú keypt upp allt hlutafé í Net­gíró, hálfu ári eftir að vilja­yf­ir­lýs­ing um það var rit­uð. Yfir­lýs­ingin sneri að 80 pró­senta hlut í fyr­ir­tæk­inu, en bank­inn átti fyrir um 20 pró­senta eign­ar­hlut. 

Þetta kemur fram í til­kynn­ingu frá Kviku sem birt var á vef Kaup­hall­ar­innar fyrr í dag. Sam­kvæmt til­kynn­ing­unni eru kaupin í sam­ræmi við stefnu bank­ans að nýta tækni­lausnir til þess að nútíma­væða fjár­mála­þjón­ust­u,  en bank­inn hafði áður sett upp fjár­tækni­þjón­ust­una Auði í sama til­gang­i. 

Sex mán­uðir í stað þriggja

Í vilja­yf­ir­lýs­ingu sinni fyrir sex mán­uðum síðan áætl­aði Kvika að gengið yrði frá kaup­samn­ingi við Net­gíró innan við þriggja mán­aða, en þá átti eftir að fá sam­þykki stjórnar Kviku, auk nið­ur­staðna áreið­an­leika­könn­unar og sam­þykki eft­ir­lits­að­ila. 

Bank­inn mun birta afkomu­spá fyrir árið 2021 þann 28. jan­úar næst­kom­andi. Í spánni er gert ráð fyrir að kaupin á Net­gíró hafi jákvæð áhrif á afkomu árs­ins en stefnt er að því að þau áhrif auk­ist tölu­vert þegar horft er til næstu ára.