Guð­mundur Andri Thors­son, þing­maður Sam­fylk­ing­ar­innar fyrir Suð­vest­­ur­­kjör­­dæmi, seg­ist langa að halda áfram þing­mennsku. „Mér fynd­ist gaman að vera með í því liði sem myndi fjölga þing­sætum okkar og gera jafn­að­ar­menn aftur að því afli í kjör­dæm­inu sem vera ber.“

Frá þessu greinir þing­mað­ur­inn í stöðu­upp­færslu á Face­book í dag. Rósa Björk Brynj­­ólfs­dóttir þing­­maður Sam­­fylk­ing­­ar­innar greindi frá því í gær að hún sæk­t­ist eftir því að leiða lista flokks­ins í Suð­vest­­ur­­kjör­­dæmi í kom­andi alþing­is­­kosn­­ing­­um.

Guð­mundur Andri rekur atburða­rás­ina þegar hann var beð­inn um að leiða lista Sam­fylk­ing­ar­innar í þing­kosn­ing­unum 2017. Þá hafi staðan verið þannig að Sam­fylk­ingin átti engan þing­mann í kjör­dæm­inu. „Með sam­stilltu átaki hjá góðri áhöfn í skemmti­legri kosn­inga­bar­áttu tókst okkur að end­ur­heimta þing­sætið – og mun­aði grát­lega litlu að Mar­grét Tryggva­dóttir næði að kom­ast inn líka.

Síðan hafa árin þotið áfram, hver dagur boðið upp á fjöl­breytt og krefj­andi verk­efni og ég hef smám saman náð tökum á þessu starfi. Það er mikil veg­semd að vera þing­mað­ur, að vera trúað fyrir því að sitja á lög­gjaf­ar­sam­kom­unni og starfa þar við laga­setn­ingu og mál­flutn­ing í anda og umboði þús­unda fólks sem aðhyllist sömu lífs­við­horf og maður sjálf­ur. Ég tel að jafn­að­ar­stefnan sé mik­il­væg­ari en nokkru sinni því að hún ein hefur úrræði til að vinna gegn vax­andi mis­skipt­ingu og lotu­græðgi kap­títal­ism­ans um leið og gagn­kvæmt umburð­ar­lyndi og virð­ing fyrir ein­stak­ling­unum og vali þeirra er inn­byggð í þessa stefn­u,“ skrifar hann.

Mun una nið­ur­stöð­u ­upp­still­ing­ar­nefndar

Guð­mundur Andri segir að honum finn­ist hann hafa erindi í póli­tík og í þing­flokki jafn­að­ar­manna. „Fyrir utan það að vera tals­maður hug­sjóna og stefnu­mála lít ég á það sem hlut­verk mitt að stuðla að sáttum og góðu and­rúms­lofti og held að ég hafi lagt mitt af mörkum til þess að þing­flokkur Sam­fylk­ing­ar­innar hefur verið á þessu kjör­tíma­bili býsna öfl­ugur og mál­efna­leg­ur. Og mig langar að halda áfram. Mér fynd­ist gaman að vera með í því liði sem myndi fjölga þing­sætum okkar og gera jafn­að­ar­menn aftur að því afli í kjör­dæm­inu sem vera ber.

Þessu ræður upp­still­ing­ar­nefnd­in. Hún er skipuð val­in­kunnu og góðu fólki úr kjör­dæm­inu og ég veit að þau kom­ast að góðri nið­ur­stöðu fyrir kjör­dæmið og flokk­inn. Og hvernig sem nið­ur­staðan verður mun ég una henni og halda áfram að leggja mitt af mörk­um,“ skrifar þing­mað­ur­inn að lok­um.