Hvorki Miðflokkur né Framsókn mælast með mann inni í Reykjavík

Samfylkingin, Sósíalistaflokkur Íslands og Viðreisn mælast á góðri siglingu í Reykjavíkurkjördæmunum tveimur. Staða stjórnarflokkanna í höfuðborginni veikist mikið og Framsóknarflokkurinn myndi ekki ná inn manni þar að óbreyttu.

Lilja D. Alfreðsdóttir stendur frammi fyrir brekku til að halda sér inni á þingi samkvæmt könnunum.
Lilja D. Alfreðsdóttir stendur frammi fyrir brekku til að halda sér inni á þingi samkvæmt könnunum.
Auglýsing



Hvorki Mið­flokk­ur­inn né Fram­sókn­ar­flokk­ur­inn myndi ná inn manni í Reykja­vík­ur­kjör­dæm­unum ef kosið yrði í dag, sam­kvæmt könn­unum sem Mask­ína gerði fyrir frétta­stofu Stöðvar 2, Vísis og Bylgj­unn­ar. 

Mið­flokk­ur­inn fékk einn þing­mann kjör­inn í Reykja­vík 2017, Þor­stein Sæmunds­son sem datt inn sem upp­bót­ar­þing­maður í Reykja­vík suð­ur. Þá fékk flokk­ur­inn 7,6 pró­sent atkvæða í því kjör­dæmi og 7,0 pró­sent í Reykja­vík suð­ur. Sam­kvæmt könnun Mask­ínu fengi Mið­flokk­ur­inn 4,8 pró­sent í Reykja­vík suður nú og ein­ungis 3.6 pró­sent í Reykja­vík norð­ur. 

Lilja D. Alfreðs­dótt­ir, vara­for­maður Fram­sókn­ar­flokks­ins, var ell­efti og síð­asti kjör­dæma­kjörni þing­maður Reykja­vík­ur­kjör­dæmis suður í síð­ustu kosn­ingum þegar flokkur hennar fékk 8,2 pró­sent atkvæða í kjör­dæm­inu. Verr gekk í hinu Reykja­vík­ur­kjör­dæm­inu þar sem Fram­sókn fékk 5,3 pró­sent atkvæða og náði ekki inn manni. Miðað við stöðu mála sam­kvæmt könnun Mask­ínu er Lilja ansi langt frá því að ná inn á ný, þar sem fylgi Fram­sóknar í kjör­dæmi hennar hefur næstum helm­ing­ast og mælist 4,3 pró­sent.

Í Reykja­vík norð­ur, þar sem Ásmundur Einar Daða­son félags- og barna­mála­ráð­herra ætlar að bjóða sig fram næst er fylgið aðeins skárra, eða 4,8 pró­sent, en þó ekki nægj­an­legt til að ná inn manni ef þetta yrði nið­ur­staða kosn­inga. 

Auglýsing
Gögnin sem nið­ur­stöð­urnar eru unnar úr koma úr tveimur könn­unum Mask­ínu, annarri sem gerð var í des­em­ber og hinni sem var gerð í jan­ú­ar. Fjöldi svar­enda í Reykja­vík suður í báðum könn­unum var 557, fjöldi svar­enda í Reykja­vík norður var 632. 

Sam­fylk­ing­in, Sós­í­alista­flokk­ur­inn og Við­reisn á sigl­ingu

Sá flokkur sem bætir mestu við sig í höf­uð­borg­inni sam­kvæmt könn­unum Mask­ínu er Sam­fylk­ing­in. Í Reykja­vík­ur­kjör­dæmi norð­ur, þar sem Helga Vala Helga­dóttir er lík­lega að fara að leiða flokk­inn aft­ur, mælist fylgi hans nú 25,7 pró­sent. Það er meira en tvö­földun á fylgi Sam­fylk­ing­ar­innar í kjör­dæm­inu frá síð­ustu kosn­ingum og myndi gera flokk­inn að langstærsta flokknum í því.

Sam­fylk­ingin bætir líka við sig í Reykja­víkur suður – fjórum pró­sentu­stigum – og myndi fá 17 pró­sent atkvæða. Hún yrði næst stærsti flokk­ur­inn í kjör­dæm­inu yrði þetta nið­ur­staða kosn­inga og allar líkur yrðu þá á að þing­menn Sam­fylk­ingar í Reykja­vík yrðu fimm tals­ins, í stað tveggja eins og nú er. 

Helga Vala Helgadóttir leiddi lista Samfylkingarinnar í Reykjavík norður fyrir síðustu kosningar. Nú verður stillt upp.Hinn stóri sig­ur­veg­ar­inn í höf­uð­borg­inni sam­kvæmt könn­unum Mask­ínu er Sós­í­alista­flokkur Íslands. Hann bauð ekki fram 2017, á enn eftir að kynna stefnu­skrá og fram­boðs­lista fyrir kom­andi kosn­ingar en mælist samt sem áður með 6,4 pró­sent fylgi í suður og 5,1 pró­sent í norð­ur. Í báðum Reykja­vík­ur­kjör­dæm­unum er flokk­ur­inn með meira fylgi en Fram­sókn­ar­flokk­ur­inn, Mið­flokk­ur­inn og Flokkur fólks­ins sam­kvæmt könn­unum Mask­ínu.

Við­reisn er einnig á ágætri sigl­ingu og bætir vel við fylgi sitt í báðum Reykja­vík­ur­kjör­dæm­unum frá síð­ustu kosn­ing­um. Sam­kvæmt könn­unum Mask­ínu fengi flokk­ur­inn 11,9 pró­sent atkvæða (3,5 pró­sentu­stigi meira en 2017) í norður og 14,6 pró­sent í suður (6,1 pró­sent meira en 2017).

Píratar mega líka vel við una. Þeir bæta við sig 2,4 pró­sentu­stigum í Reykja­vík suður og mæl­ast með 13,8 pró­sent fylgi og eru nán­ast á pari – lækka um 0,5 pró­sentu­stig niður í 13,1 pró­sent – í Reykja­vík norð­ur. 

Sjálf­stæð­is­flokk­ur­inn tapar og Vinstri græn í vanda

Fram­sókn er ekki eini stjórn­ar­flokk­ur­inn sem tapar fylgi í höf­uð­borg­inni. Það gera hinir tveir líka. Sjálf­stæð­is­flokk­ur­inn myndi halda stöðu sinni sem stærsti flokk­ur­inn í Reykja­vík suð­ur, þar sem Sig­ríður Á. And­er­sen leiddi lista flokks­ins í síð­ustu kosn­ing­um, ef kosið yrði í dag með 20,6 pró­sent fylgi en myndi tapa 2,2 pró­sentu­stigum frá 2017. Í hinu Reykja­vík­ur­kjör­dæm­inu, sem Guð­laugur Þór Þórð­ar­son utan­rík­is­ráð­herra leiddi síð­ast, tapar flokk­ur­inn hins vegar for­ystu­hlut­verki sínu til Sam­fylk­ing­ar­innar og mælist með 19,6 pró­sent fylgi, eða þremur pró­sentu­stigum minna en hann fékk upp úr kjör­köss­unum fyrir rúmum þremur árum. 

Katrín Jakobsdóttir forsætisráðherra.Vinstri græn tapa allra flokka mest í Reykja­vík rá síð­ustu kosn­ing­um. Í Reykja­vík norð­ur, kjör­dæmi Katrínar Jak­obs­dóttur for­sæt­is­ráð­herra, bíður flokk­ur­inn afhroð sam­kvæmt könnun Mask­ínu og tapar heilum níu pró­sentu­stig­um, fer úr 21,5 pró­sentum í 12,5 pró­sent. Kjör­dæma­kjörnum þing­mönnum hans þar myndi að öllum lík­indum fækka úr þremur í einn fyrir vik­ið. 

Í Reykja­vík suð­ur, þar sem búist er við því að Svan­dís Svav­ars­dóttir heil­brigð­is­ráð­herra leiði aftur í haust, fer fylgið úr 18,9 pró­sent í 12,8 pró­sent, og lækkar því um 6,1 pró­sentu­stig. Það myndi líka skila einum kjör­dæma­kjörnum þing­mann­i. 

Flokkur fólks­ins tapar líka fylgi í báðum Reykja­vík­ur­kjör­dæm­unum og myndi fá ann­ars vegar 5,5 pró­sent í suður og hins vegar 3,7 pró­sent í norður ef kosið yrði í dag, sam­kvæmt nið­ur­stöðu Mask­ínu. Það myndi ekki duga til að ná inn þing­manni í kjör­dæm­un­um.

Minna rót í Krag­an­um, en samt hreyf­ingar

Mask­ína skoð­aði líka stöð­una í Suð­vest­ur­kjör­dæmi, Krag­anum svo­kall­aða, stærsta kjör­dæmi lands­ins sem samastendur af nágranna­sveit­ar­fé­lögum Reykja­vík­ur. Þar eru sveifl­urnar minni en í höf­uð­borg­inni. Sjálf­stæð­is­flokk­ur­inn myndi tapa mestu – 3,9 pró­sentu­stigum – en áfram vera langstærsti flokkur kjör­dæm­is­ins, þar sem Bjarni Bene­dikts­son, for­maður flokks­ins, leið­ir. Alls segj­ast 27 pró­sent aðspurðra ætla að kjósa Sjálf­stæð­is­flokk­inn þar. Ekki er víst að það myndi hafa nein áhrif á þá fjóra þing­menn sem Sjálf­stæð­is­flokk­ur­inn er þegar með í kjör­dæm­inu.

Þorgerður Katrín Gunnarsdóttir, formaður Viðreisnar, leiðir lista flokksins í Suðvesturkjördæmi.Sá flokkur sem bætir mestu við sig í Krag­anum er Við­reisn, sem mælist nú með 15,2 pró­sent fylgi eða 5,7 pró­sent meira en haustið 2017. Það er jafn­mikið fylgi og Sam­fylk­ing­in, sem bætir við sig 3,1 pró­sentu­stigi, mælist með  og báðir flokkar myndi lík­ast til fá tvo kjör­dæma­kjörna þing­menn hvor, og tvö­falda þann fjölda sem þeir hafa nú. Píratar ættu að sigla lygnan sjó, bæta við sig einu pró­sentu­stigi og mæl­ast með 9,3 pró­sent fylgi. Það dugar til að halda eina þing­manni þeirra í Krag­an­um, en allar líkur eru á að Þór­hildur Sunna Ævars­dóttir leiði flokk­inn þar í haust. 

Fylgis­tap Vinstri grænna er mun minna í Suð­vest­ur­kjör­dæmi en í höf­uð­borg­inni og fylgið fer úr 13,6 pró­sentum í 12 pró­sent. Lík­lega myndi flokk­ur­inn þó tapa kjör­dæma­kjörnum þing­manni fyrir vik­ið. Það myndi Mið­flokk­ur­inn að öllum lík­indum gera líka þar sem fylgi hans fer úr 9,8 pró­sentum í síð­ustu kosn­ingum í 6,8 pró­sent. 

Fram­sókn­ar­flokk­ur­inn, sem er með einn mann kjör­dæma­kjör­inn í Krag­anum nú, myndi ekki ná að end­ur­taka þann leik miðað við stöðu mála í könn­unum Mask­ínu, þar sem fylgi flokks­ins er nú að mæl­ast 6,6 pró­sent. 

Flokkur fólks­ins tapar einnig fylgi í Krag­anum og mælist með 4,7 pró­sent. Minnstur þeirra flokka sem mæl­ast var svo Sós­í­alista­flokk­ur­inn með 3,3 pró­sent fylgi.

Fjöldi svar­enda í könn­unum Mask­ínu í Suð­vest­ur­kjör­dæmi var 807.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Meira úr sama flokkiInnlent