Har­aldur Þor­leifs­son, stofn­andi Ueno, segir að allir skattar sem greiddir verði vegna sölu fyr­ir­tæk­is­ins til Twitter verði greiddir á Ísland­i. 

Í stöðu­upp­færslu á Twitt­er, sem er á ensku, segir Har­aldur að hann hafi fæðst á Íslandi og að for­eldrar hans hafi verið lág­tekju­fólk. Auk þess glími hann við alvar­lega fötl­un. „En þar sem þetta land býður upp á fría skóla og fría heil­brigð­is­þjón­ustu þá gat ég ég dafn­að.“

Þess vegna sé hann stoltur að greina frá því að allir skattar sem verða greiddir vegna söl­unnar á Ueno, sem er tækni- og hönn­un­ar­fyr­ir­tæki sem Har­aldur stofn­aði utan um verk­efna­vinnu árið 2014, verði greiddir á Íslandi til að styðja við það kerfi sem studdi við hann á sínum tíma.

Greint var frá því í byrjun árs að sam­fé­lags­miðlinn Twitter hefði fest kaup á Ueno. Það gerði Dantley Dav­is, hönn­un­­ar­­stjóri Twitt­er, í stöðu­upp­færslu á miðl­inum sjálf­um. 

Ueno hefur verið með starf­­semi í San Francisco, New York og Los Ang­el­es, auk skrif­­stofu í Reykja­vík, og hefur stækkað hratt á síð­­­ustu árum.

Fyr­ir­tækið hefur sinnt verk­efnum fyrir fjöl­­mörg stór­­fyr­ir­tæki, til dæmis Goog­le, Apple og Face­book, auk Air­BnB, Slack, Uber og fjölda ann­­arra.

­Sam­­kvæmt til­­kynn­ingu Davis munu Har­aldur og aðrir starfs­­menn Ueno ganga til liðs við hönn­un­­ar- og rann­­sókna­­deild Twitt­er, eftir að hafa áður sinnt verk­efnum fyrir sam­­skipta­mið­il­inn sem verk­tak­­ar.

Kaup­verðið í þessum við­­skiptum hefur ekki verið gefið upp, en Ueno velti yfir tveimur millj­­örðum króna árið 2019. 

Í frétt tækn­i­mið­ils­ins TechCrunch var haft eftir tals­­manni Twitt­er, þegar greint var frá kaup­un­um, að Ueno muni ljúka verk­efnum sínum fyrir aðra við­­skipta­vini á næstu vik­­um. 

Síðan muni Twitter hitta alla núver­andi starfs­­menn Ueno til þess að kynn­­ast þeim og sjá hvar og hvort þeir muni passa inn í starf­­semi Twitt­er.