Ragnar Þór: Hótað lífláti og atvinnumissi

Formaður VR segir að fjölskyldu hans hafi borist handskrifuð bréf með líflátshótunum. Innihaldið bendi til þess að hótanirnar hafi sprottið úr harðri orðræðu í aðdraganda Lífskjarasamningsins.

Ragnar Þór Ingólfsson, formaður VR.
Ragnar Þór Ingólfsson, formaður VR.
Auglýsing

Ragnar Þór Ing­ólfs­son, for­maður VR, segir að sér hafi oft og mörgum sinnum verið hótað frá því að hann hóf afskipti að póli­tík og mál­efnum VR og líf­eyr­is­sjóða árið 2009. Vin­sælasta hót­unin sé hvort hann gerir sér ekki grein fyrir því hvaða áhrif skrif hans geti haft á atvinnu­tæki­færi hans í fram­tíð­inni. „Á einum tíma­punkti var mér hót­að, skrif­lega, að ákveðin öfl muni tryggja að hvorki ég né fjöl­skylda mín, for­eldrar og börn, fái nokkurn tíma vinnu í íslensku sam­fé­lag­i.“

Þetta kemur fram í grein sem Ragnar birtir á Vísi í dag

Þar segir Ragnar enn enn­fremur að aðrir í þeim hópi sem hóf bar­áttu gegn kerf­inu á þessum vett­vangi hafi allir utan hans og eins ann­ars misst vinn­una, alls fimm manns. „Ein ákvað að þiggja stóra stöðu og fara yfir í hitt lið­ið.“

Auglýsing
Hann segir auk þess að honum hafi verið hótað mál­sóknum oftar en hann treysti sér til að telja, án þess að honum hafi nokkru sinni verið stefnt á end­an­um. „Fyrir marga eru slíkar hót­anir íþyngj­andi og duga til þögg­un­ar. Mér per­sónu­lega gæti ekki verið meira sama. Ég hræð­ist ekki þessi öfl, þau hræð­ast mig.“

Ragnar segir að sér hafi einnig verið hótað líf­láti oftar en einu sinni. Einu sinni hafi fjöl­skylda hans þurft að leita til lög­reglu vegna þess að ein­stak­lingur vandi komur sínar á heim­ili hennar með hand­skrif­aðar líf­láts­hót­an­ir. „Þá var eig­in­konu minni nóg um, og mér auð­vitað líka. Við erum stór fjöl­skylda með fimm börn út og inni af heim­ili okkar og hund­inn Bowie. Lög­reglan afgreiddi málið af mik­illi fag­mennsku og ekki hafa orðið eft­ir­málar af því, ann­ars væri ég ekki að skrifa þetta.“

Fjöl­skyldan dró þá álykt­un, að sögn Ragn­ars, að þetta hafi verið hót­anir sem hafi sprottið úr harðri orð­ræðu í aðdrag­anda Lífs­kjara­samn­ings­ins sem und­ir­rit­aður var í apríl 2019. Inni­hald bréf­anna hafi gefið það til kynna. „Við vorum úthrópuð stór­hættu­legt „st­url­að“ öfga­fólk sem vildi rústa sam­fé­lag­inu með kröfum okk­ar.“

Skotið á bif­reið borg­ar­stjóra

Umræða um hót­anir í garð fólks sem tekur þátt í stjórn­málum eða er í for­ystu víðar í þjóð­fé­lags­um­ræð­unni hefur verið umtals­verð síð­ustu daga í kjöl­far þess að skemmdir sem virð­ast vera eftir byssu­skot voru unnar á skrif­stofu Sam­fylk­ing­ar­innar og bif­reið Dags B. Egg­erts­son­ar, borg­ar­stjóra í Reykja­vík. Byssu­kúlur fund­ust í hurð bif­reiðar Dags fyrir rúmri viku.

Árásin á heim­ili Dags hefur verið sett í sam­hengi við mynd­band sem aðgerð­ar­hópur sem berst fyrir því að bílar fái að keyra um Lauga­veg og Skóla­vörðu­stíg setti á Youtube í des­em­ber. Í mynd­­band­inu, sem horft hefur verið á í yfir 30 þús­und skipti, var því haldið fram að Dagur hefði keypt þrjú bíla­­stæði við heim­ili sitt af Reykja­vík­­­ur­­borg án útboðs og að kostn­aður við gerð Óðins­­­torgs, sem stendur í námunda við heim­ili Dags, hafi verið á 657 millj­­ónir króna. Hið rétta er að Dagur og fjöl­­skylda hans keyptu tvö stæði fyrir ára­tug síðan af nágrönn­um, enda stæðin í einka­eigu. Raun­veru­­legur kostn­aður við gerð Óðins­­­torgs var 60,6 millj­­ónir króna sam­­kvæmt til­­kynn­ingu frá Reykja­vík­­­ur­­borg sem send var út á föst­u­dag.

Búið að fjar­læga mynd­bandið

Einn for­svars­manna hóps­ins, Bolli Krist­ins­son kenndur við Sautján, hefur beðist afsök­unar á einni rang­færslu í mynd­band­inu og það var fjar­lægt af Youtube fyrr í dag.  

Dagur sagði í Silfri Egils í gær að hann gæti ekki full­yrt um orsaka­­sam­hengi milli mynd­­bands­ins og skotárás­­ar­inn­­ar. „Hins­­vegar sagði ég strax þegar farið var að keyra þetta á stærstu net­miðlum lands­ins að þetta ylli mér óhug. Ég var ekk­ert einn í fjöl­­skyld­unni um það. Okkur fannst þetta mjög óhugn­an­­legt. Mér fannst þarna verið að fara inn á alveg nýjar brautir í íslenskri póli­­tík, færa mörkin og gera heim­ili mitt að skot­­skífu. Þá grun­aði mig ekki það sem núna gerð­is­t.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Erlendir fjárfestar pökkuðu saman og fluttu 115 milljarða úr landi
Fjármagnsflótti hefur verið frá Íslandi síðasta hálfa árið. Þá hafa erlendir fjárfestar sem áttu hér eignir, meðal annars hlutabréf í banka, farið út með 92,6 milljarða króna umfram það sem erlendir fjárfestar hafa fjárfest hér.
Kjarninn 14. apríl 2021
Jóhann Páll Jóhannsson og Ragna Sigurðardóttir
Er mesta aukning atvinnuleysis meðal OECD-ríkja til marks um „góðan árangur“?
Kjarninn 14. apríl 2021
Borgarfulltrúi ráðinn framkvæmdastjóri Icelandic Startups
Kristín Soffía Jónsdóttir hefur verið borgarfulltrúi í Reykjavík frá árinu 2014 en tekur nú við starfi framkvæmdastjóra Icelandic Startups.
Kjarninn 14. apríl 2021
AGS metur nú umfang boðaðra opinberra stuðningsaðgerða íslenskra stjórnvalda rúm 9 prósent, en mat það áður 2,5 prósent.
AGS uppfærði mat sitt á umfangi aðgerða eftir ábendingar íslenskra stjórnvalda
Íslensk stjórnvöld sendu inn ábendingar til AGS vegna gagna sjóðsins um umfang stuðningsaðgerða vegna veirufaraldursins. Umfang boðaðra aðgerða á Íslandi er nú metið á um 9 prósent af landsframleiðslu 2020.
Kjarninn 14. apríl 2021
Fjármálastöðugleikanefnd SÍ
Seðlabankinn kallar eftir endurskipulagningu hjá ferðaþjónustufyrirtækjum
Seðlabankinn segir brýnt að huga að endurskipulagningu skulda ferðaþjónustufyrirtækja, þar sem greiðsluvandi þeirra fari að breytast í skuldavanda þegar greiða á upp lánin sem tekin voru í upphafi faraldursins.
Kjarninn 14. apríl 2021
Sasja Beslik
Boðorðin tíu um sjálfbærar fjárfestingar
Kjarninn 14. apríl 2021
Þórólfur Guðnason sóttvarnalæknir.
Ekki til skoðunar að lengja tíma milli 1. og 2. sprautu
Sóttvarnalæknir segir það ekki til skoðunar að lengja tímann milli bóluefnaskammtanna tveggja sem fólki eru gefnir. Sú leið hefur verið farin í mörgum ríkjum til að geta gefið fleirum fyrri sprautuna sem fyrst.
Kjarninn 14. apríl 2021
Þorsteinn Már Baldvinsson, forstjóri Samherja.
Samherja varð lítið ágengt með kvörtunum sínum
Bæði nefnd um eftirlit með lögreglu og nefnd um dómarastörf hafa lokið athugunum sínum á kvörtunum Samherja vegna dómara við héraðsdóm og saksóknara. Ekkert var aðhafst.
Kjarninn 13. apríl 2021
Meira úr sama flokkiInnlent