Fjár­mála­eft­ir­lit Seðla­bank­ans hefur gert athuga­semd við að Arion banki hafi ekki sett sér stefnu um innra eft­ir­lit. Bank­inn segir að unnið sé að því að semja slíka stefnu, en að hún muni ekki breyta stefnu bank­ans í heild sinn­i. 

Sam­kvæmt lögum um fjár­mála­fyr­ir­tæki bera stjórnir þeirra ábyrgð á því að til staðar sé virkt kerfi innra eft­ir­lits. Rík­is­end­ur­skoðun hefur gefið út leið­bein­ingar um hvernig slíku eft­ir­liti skuli vera hátt­að, en það ætti meðal ann­ars að tryggja að rekstur fyr­ir­tækj­anna sé skil­virkur og að lögum og reglum sé fylgt í starf­semi þeirra. 

Í svari við fyr­ir­spurn Kjarn­ans seg­ist Arion banki vera með skil­greint innra eft­ir­lit, sem væri skipt upp í þrjár varn­ar­lín­ur. Þar gegndi reglu­varsla, áhættu­stýr­ing og innri end­ur­skoðun mik­il­vægu hlut­verki, sem og allt starfs­fólk bank­ans.

Engin stefna og skipu­lagi ábóta­vant

Í nýlega birtum nið­ur­stöðum úr könn­un­ar- og mats­ferli á Arion banka gerði Fjár­mála­eft­ir­litið (FME)  hins vegar athuga­semd við að bank­inn hefði ekki sett sér stefnu um innra eft­ir­lit. Einnig gerði FME athuga­semd um skipu­lag innra eft­ir­lits­ins, sem ekki er talið vera í sam­ræmi við almenn við­mið Evr­ópsku banka­eft­ir­lits­stofn­un­ar­inn­ar.

Sam­kvæmt Arion banka tæki stefna um innra eft­ir­lit á þáttum svo sem fram­tíð­ar­sýn þess, þróun í sam­ræmi við ytri breyt­ingar og skil­grein­ingu á eigin við­mið­um. Bank­inn hafi ekki mótað sér slíka stefnu, þótt allir þessi þættir liggi fyrir hjá bank­an­um. Unnið sé að því innan bank­ans að semja sér stefnu um innra eft­ir­lit nún­a. 

Aðspurður hvort slík stefnu­mótun muni hafa áhrif á heild­ar­stefnu Arion banka svarar bank­inn að svo sé ekki. Hins vegar muni stefna um innra eft­ir­lit mót­ast af stefnu bank­ans.