Rekstr­ar­nið­ur­staða Íslands­banka var þokka­lega góð á síð­asta árs­fjórð­ungi, en bank­inn skil­aði tvö­falt meiri hagn­aði heldur en á sama tíma­bili árið á und­an, þrátt fyrir að minni munur hafi verið á inn- og útláns­vöxtum og meiri virð­is­rýrnun hafi orðið á útlánum bank­ans. Hagn­aður síð­asta árs var hins vegar nokkuð minni heldur en árið 2019, og gæti þar spilað inn mikil rýrnun á virði útlána­safns bank­ans.

Þetta kemur fram í árs­fjórð­ungs­upp­gjöri og árs­reikn­ingi Íslands­banka sem voru birt á vef Kaup­hall­ar­innar fyrr í dag. Sam­kvæmt árs­fjórð­ungs­upp­gjör­inu var 2,5 pró­senta munur á inn- og útláns­vöxtum bank­ans í lok síð­asta árs, sem er minni munur en á sama tíma­bili árið 2019. Útlán bank­ans voru hins vegar tölu­vert meiri í fyrra, svo vaxta­tekj­urnar voru svip­aðar á báðum tíma­bil­um.

Minni stjórn­un­ar­kostn­aður og miklar fjár­muna­tekjur

Stjórn­un­ar­kostn­aður bank­ans var þó minni í fyrra, en sam­kvæmt bank­anum er það vegna hag­ræð­ing­ar­að­gerða síð­ustu tíma­bila og breyt­inga í rekstri vegna heims­far­ald­urs­ins. Þar að auki græddi bank­inn tæpar 800 milljón króna af fjár­fest­ingum sín­um, en í til­kynn­ingu bank­ans segir að sá hagn­aður skýrist að hluta til af hag­felldum ástæðum á verð­bréfa­mark­að­i. 

Minni hagn­aður en árið 2019

Hagn­aður árs­ins hjá Íslands­banka eftir skatta var hins vegar 6,8 millj­arðar og er það tæp­lega tveimur millj­örðum krónum minni hagn­aður heldur en árið 2019. Helsta ástæða þess er umfangs­mikil virð­is­rýrnun bank­ans, en hún nam 8,8 millj­örðum króna í fyrra miðað við 3,5 millj­arða króna árið 2019. 

Meiri vaxta­tekjur en minni þókn­ana­tekjur

Líkt og á fjórða árs­fjórð­ungi vó mikil aukn­ing í útlánum gegn minni vaxta­mun milli ára og dróg­ust því hreinar vaxta­tekjur ekki sam­an. Þvert á móti juk­ust þær um 1,7 pró­sent milli ára, eða um rúman hálfan millj­arð króna. Þókn­ana­tekjur bank­ans minnk­uðu hins vegar lít­il­lega milli ára, en sam­kvæmt til­kynn­ingu Íslands­banka má að mestu rekja hana til minni korta­veltu í kjöl­far COVID-19.

15,6 pró­sent lána­safns­ins í útlána­hættu

Vegna far­ald­urs­ins metur bank­inn það svo að stór hluti eigin lána­safns, eða 15,6 pró­sent, sé í svo­kall­aðri útlána­á­hættu, þar sem óvíst er hvort óvíst er hvort það tak­ist að greiða þau aft­ur. Til sam­an­burðar voru ein­ungis 2,6 pró­sent lána­safns­ins í útlána­á­hættu árið 2019.