Ragnar Þór hvorki skráður sem sakborningur né vitni í tengslum við meintan veiðiþjófnað

Lögreglustjórinn á Suðurlandi hefur staðfest að formaður VR sé hvorki skráður sem sakborningur né vitni í tengslum við meintan veiðiþjófnað í Holtsá. Lögmaður Ragnars Þórs krefst þess að frétt Fréttablaðsins verði dregin til baka og hann beðinn afsökunar.

Ragnar Þór Ingólfsson, formaður VR.
Ragnar Þór Ingólfsson, formaður VR.
Auglýsing

Lögreglustjórinn á Suðurlandi staðfestir, í bréfi sem Kjarninn hefur undir höndum, að samkvæmt gögnum máls er varðar meintan veiðiþjófnaðar og/eða ólöglega netaveiði í Holtsá sé Ragnar Þór Ingólfsson, formaður VR, hvorki skráður sem sakborningur né vitni í tengslum við þetta mál.

Fréttablaðið birti í morgun frétt á forsíðu blaðsins þar sem fram kemur að lögð hafi verið fram kæra vegna veiðiþjófnaðar á landi Seðlabankans og að Ragnar Þór hafi verið í hópi þeirra sem var staðinn að ólöglegu netalögninni.

Þess krafist að fréttin verði dregin til baka og Ragnar Þór beðinn afsökunar

Lögmaður Ragnars Þórs hefur enn fremur sent bréf til fjölmiðlafyrirtækisins Torgs ehf., Jóns Þórissonar, ritstjóra Fréttablaðsins, Þorbjargar Marinósdóttur, ritstjóra DV, og Þorsteins Friðriks Halldórssonar blaðamanns þar sem þess er krafist að frétt Fréttablaðsins verði dregin til baka og Ragnar Þór beðinn afsökunar.

Auglýsing

„Í fréttinni kemur m.a. fram að veiðiþjófnaður á landi Seðlabanka Íslands á Suðurlandi hafi verið kærður til lögreglu fyrr í vetur og að samkvæmt heimildum Fréttablaðsins hafi Ragnar Þór verið í hópi þriggja manna sem staðinn var að ólöglegri netalögn. Í fréttinni kemur einnig fram að Lögreglan á Suðurlandi staðfesti að kæra hafi borist embættinu vegna ólöglegrar netalagnar í Holtsá sem fellur í Skaftá, þann 24. október sl. Þá segir í fréttinni að rannsókn málsins sé lokið og ákvörðun um ákæru sé nú í höndum ákærusviðs,“ segir í bréfinu.

Þá kemur fram að Ragnar Þór sé ranglega bendlaður við málið í umfjölluninni. „Með fréttinni hefur fjölmiðillinn brotið gegn frumskyldu sinni sem mælt er fyrir um í siðareglum blaðamanna um að blaðamenn skuli vanda upplýsingaöflun sína, úrvinnslu og framsetningu eins og kostur er. Einnig ákvæði fjölmiðlalaga um að fjölmiðill gæti að því að uppfylla kröfur um hlutlægni og nákvæmni í fréttaflutningi, sbr. t.d. 26. gr. laganna.“

Þess er krafist að allir miðlar Torgs ehf. fjarlægi framangreindar umfjallanir, leiðrétti og dragi til baka fréttir sínar um að Ragnar Þór hafi verið staðinn að hinni ólöglegri netalögn og birti slíka leiðréttingu með sama hætti og hinar röngu fréttir voru birtar.

Þess er jafnframt krafist að umfjallanir verði fjarlægðar tafarlaust og að leiðrétting birtist á vefmiðlum í dag, 16. febrúar 2021, og í prentaðri útgáfu Fréttablaðsins á morgun, 17. febrúar 2021. Jafnframt er þess krafist Ragnar Þór verði beðinn afsökunar á umfjölluninni.

Í bréfi lögmannsins segir að verði ekki orðið við framangreindum kröfum muni Ragnar Þór neyðast til þess að láta reyna á framangreind ákvæði um skyldur blaðamanna og fjölmiðla.

Ragnar Þór sagði í samtali við Kjarnann í morgun að fréttaflutningurinn hefði verið „sjokkerandi“. Þó teldi hann að flestir sæju í gegnum þetta. „Það verður allt gert til að bola mér út úr þessu embætti. Ég held að þetta sé bara byrjunin.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Davíð Helgason, einn stofnenda og fyrrum forstjóri Unity.
Segir Ísland geta orðið „einhvers konar tilraunasetur fyrir framtíðina“
Frumkvöðullinn og milljarðamæringurinn Davíð Helgason flytur til Íslands í sumar og ætlar að fjárfesta í fyrirtækjunum sem vinna gegn loftslagsvandanum. Að hans mati er margt sem gerir landið að góðum fjárfestingarkosti.
Kjarninn 18. maí 2021
Palestínumennirnir fimm fyrir utan húsnæði Útlendingastofnunar í Hafnarfirði í dag.
„Við viljum frekar deyja á götunni á Íslandi en að fara aftur til Grikklands“
„Íslensk yfirvöld hlusta ekkert á okkur. Þó að þau viti hvernig ástandið er í okkar heimalandi og þær áhyggjur sem við höfum. Ég meina, húsin sem við bjuggum í hafa sum verið jöfnuð við jörðu.“ Þetta segir Palestínumaður sem er lentur á götunni á Íslandi.
Kjarninn 18. maí 2021
Fasteignaverð hækkar meira með hverjum mánuðinum sem líður, þar sem eftirspurn er mikil og minna er um nýbyggingar.
Ekki meiri hækkun síðan árið 2017
Fasteignaverð á höfuðborgarsvæðinu hækkaði um 13,7 prósent í apríl á ársgrundvelli, miðað við vísitölu Þjóðskrár. Vísitalan hefur ekki hækkað jafnmikið milli ára síðan í desember 2017.
Kjarninn 18. maí 2021
Þröstur Ólafsson
Var þanþolið rofið?
Kjarninn 18. maí 2021
„Þegar mikil eftirspurn er eftir húsnæði getur fyrirvari um ástandsskoðun fasteignar talist kauptilboði til frádráttar,“ segir í greinargerð með þingsályktunartillögunni.
Ástandsskýrslur fylgi öllum seldum fasteignum
Nýsamþykkt þingsályktunartillaga felur ráðherra að móta frumvarp um ástandsskýrslur fasteigna. Slíkum skýrslum er ætlað að auka traust í fasteignaviðskiptum en ábyrgð vegna galla sem ekki koma fram í ástandsskýrslum mun falla á matsaðila.
Kjarninn 18. maí 2021
Allir hljóta að hafa skoðun á vegferð Ísraelsmanna að mati Hönnu Katrínar Friðriksson þingmanns Viðreisnar.
„Við Íslendingar höfum sterka rödd á alþjóðavettvangi“
Íslensk stjórnvöld þurfa að láta í sér heyra og hvetja aðra til að gera slíkt hið sama vegna átaka milli Ísraels og Palestínu að mati þingmanna Viðreisnar og Framsóknarflokks. Þó svo að íslenska þjóðin sé fámenn hafi hún sterka rödd og hana þurfi að nota.
Kjarninn 18. maí 2021
Samkvæmt ASÍ og BSRB er skuldasöfnun ríkisins ekki áhyggjuefni þegar vextir eru lágir
Gagnrýna „afkomubætandi ráðstafanir“ og vilja breyta fjármálareglum
Sérfræðingahópur á vegum ASÍ og BSRB varar stjórnvöld við að beita niðurskurði í yfirstandandi kreppu og segir að fjármálareglur hins opinbera þurfi að vera sveigjanlegri í nýrri skýrslu um efnahagsleg áhrif faraldursins.
Kjarninn 18. maí 2021
Græni miðinn er aftur kominn upp á gafl Hafnarborgar.
Listaverk sem fjarlægt var af bæjaryfirvöldum í Hafnarfirði komið upp á nýjan leik
Listaverk þeirra Libiu Castro og Ólafs Ólafssonar var fjarlægt af gafli Hafnarborgar fyrr í þessum mánuði að beiðni bæjaryfirvalda. Listaverkið er nú aftur komið upp en líklega hafa bæjaryfirvöld látið undan þrýstingi fagfélaga að mati listamannanna.
Kjarninn 18. maí 2021
Meira úr sama flokkiInnlent