Frá og með 19. febr­úar þurfa allir sem koma til Íslands að fram­vísa nei­kvæðri nið­ur­stöðu úr PCR-­prófi bæði fyrir brott­för á leið til Íslands og einnig á landa­mærum við kom­una. Einnig verður gerð krafa um tvö­falda skim­un. Prófið sem fram­vísað er þarf að vera tekið innan við 72 klukku­stundum fyrir brott­för.

Þeim sem grein­ast með COVID-19 við skimun á landa­mærum verður sömu­leiðis „skylt að dvelja í sótt­varna­húsi ef önnur við­un­andi aðstaða til ein­angr­unar er ekki fyrir hendi eða ef ein­stak­lingur er með afbrigði veirunnar sem eru þekkt fyrir að vera meira smit­andi en önnur eða valda alvar­legri veik­ind­um.“

Þetta kemur fram á vef stjórn­ar­ráðs­ins, en Svan­dís Svav­ars­dóttir heil­brigð­is­ráð­herra kynnti ákvörðun þessa efnis á fundi rík­is­stjórn­ar­innar í dag og er ákvörð­unin í sam­ræmi við til­lögur Þór­ólfs Guðna­sonar sótt­varna­læknis um hertar aðgerðir á landa­mær­um.

Þórólfur vill ekki taka bólu­setn­ing­ar­vott­orð gild en Svan­dís vill skoða málin betur

Í minn­is­blaði sótt­varna­læknis til heil­brigð­is­ráð­herra var einnig lagt til að horfið yrði frá því að veita þeim und­an­þágu frá sótt­varna­ráð­stöf­unum á landa­mærum sem fram­vísa gildu vott­orði um að þeir hafi verið bólu­settir gegn COVID-19.

Þórólfur segir í minn­is­blaði sínu að ekk­ert land í Evr­ópu hafi enn tekið þetta upog að í nýjum til­mælum frá Sótt­varna­stofnun Evr­ópu­sam­bands­ins og Alþjóða­heil­brigð­is­mála­stofn­un­inni sé mælst til þess að bólu­setn­ing­ar­vott­orð séu ekki notuð til að und­an­skilja fólk frá aðgerðum á landa­mær­um.

„Ástæðan er sú,“ segir í minn­is­blaði Þór­ólfs, „að ekki hefur verið sýnt fram á með áreið­an­leg­um ­rann­sóknum að bólu­setn­ing komi í veg fyrir dreif­ingu veirunnar en von er á nið­ur­stöðum á næst­unni. Því væri óráð­legt á þess­ari stundu að losa bólu­setta ein­stak­linga und­an­ ­sótt­varna­ráð­stöf­unum á landa­mærum hvað sem síðar verð­ur­.“ 

„Heil­brigð­is­ráð­herra fellst ekki á þessa til­lögu sótt­varna­læknis að svo stöddu og telur hana þarfn­ast nán­ari skoð­un­ar. Reglu­gerð heil­brigð­is­ráð­herra sem kveður á um fram­vísun bólu­setn­ing­ar­vott­orða á landa­mærum og kröfur sem gerðar eru til þeirra svo gild telj­ist tók gildi 15. jan­úar síð­ast­lið­inn. Síðan þá hafa 57 ein­stak­lingar fram­vísað bólu­setn­ing­ar­vott­orðum og af þeim vott­orðum hefur 9 verið hafn­að,“ segir um þetta í til­kynn­ingu ráðu­neyt­is­ins.