Verði frum­varp til nýrra fjar­skipta­laga sam­þykkt mun það gera að verkum að fjöl­miðla- og fjar­skipta­fyr­ir­tækið Sýn mun þurfa að greiða 325 millj­ónir króna í tengslum við end­ur­út­hlutun tíðna á árunum 2022 til 2023. 

Sýn hefur and­mælt þessum áformum í umsögn sem félagið hefur sent hlut­að­eig­andi þing­nefnd á þeim grund­velli að um sér­tæka skatt­lagn­ingu verði að ræða sem vafi leiki á að sam­ræm­ist meg­in­reglum skatta­réttar um jafn­ræði, sem og eign­ar­rétt­ar­á­kvæðum stjórn­ar­skrár. 

Þetta kemur fram í árs­reikn­ingi Sýnar sem birtur var á mið­viku­dag. Umrætt frum­varp var lagt fram í maí í fyrra og hefur verið með­ferðar í umhverf­is- og sam­göngu­nefnd síðan þá. Sýn skil­aði 20 blað­síðna umsögn um frum­varpið í fyrra­sum­ar.

Þar er einnig fjallað um annað frum­varp sem getur haft áhrif á kjarna­starf­semi félags­ins, um styrk­veit­ingar til einka­rek­inna fjöl­miðla. Verði það frum­varp að lögum yrði það íviln­andi fyrir Sýn, en félagið fékk alls 91 milljón króna í styrki úr rík­is­sjóði á árinu 2020 þegar styrkjum til einka­rek­inna fjöl­miðla var úthlutað á grund­velli reglu­gerðar sem sett var vegna COVID-19 far­ald­urs­ins. 

Sýn, sem rekur frétta­­stofu Stöðvar 2, Bylgj­unnar og Vís­is,  skil­aði einnig umsögn um fjöl­miðla­frum­varpið. Þar segir fyr­ir­tækið meðal ann­ars að það styðji frum­varpið en leggur einnig fram marg­hátt­aðar til­lögur að breyttu rekstr­ar­um­hverfi fjöl­miðla. Á meðal þess sem Sýn vill að verði gert er að aug­lýs­inga­deild RÚV verði lögð nið­ur. 

Tap annað árið í röð

Sýn tap­aði 405 millj­­ónum króna á síð­­asta ári. Það er tölu­vert minna tap en félagið skil­aði af sér árið 2019, þegar það tap­aði 1.748 millj­­ónum króna. Sam­an­lagt tap sam­­stæð­unnar á tveimur árum er því tæp­­lega 2,2 millj­­arðar króna.

Heild­ar­tekjur Sýnar juk­ust á síð­asta ári. Sú aukn­ing var öll vegna þess að upp­lýs­inga­fyr­ir­tækið End­or, sem Sýn keypti í lok árs 2019, kom inn í sam­stæðu­reikn­ing félags­ins. Allir aðrir tekju­stofnar Sýnar dróg­ust saman á árinu 2020. 

Mestur var sam­­drátt­­ur­inn í fjöl­miðla­hluta Sýn­­ar, en tekjur hans dróg­ust saman um 559 millj­­ónir króna á milli ára. Frá lokum árs 2018 hafa tekjur vegna fjöl­miðla Sýnar lækkað um rúm­­lega einn millj­­arð króna. 

Jákvæð teikn voru þó á lofti á fjórða árs­fjórð­ungi síð­­asta árs þegar tekjur af fjöl­miðlun voru sex millj­­ónum krónum meiri en þær voru á sama fjórð­ungi 2019.

Ef upp­­­gjör Sýnar eru skoðuð tvö ár aftur í tím­ann, og leið­rétt er fyrir ein­­skipt­is­hagn­að­inum vegna söl­unnar á P/F Hey í byrjun árs 2019, þá hefur félagið skilað tapi á öllum árs­fjórð­ungum áranna 2019 og 2020 nema ein­­um. Á þriðja árs­fjórð­ungi árs­ins 2020 skil­aði það átta milljón króna hagn­aði.