Sýn tapaði 405 milljónum króna í fyrra og nær allir tekjustofnar drógust saman

Tekjur Sýnar jukust milli áranna 2019 og 2020 vegna þess að dótturfélagið Endor kom inn í samstæðureikninginn. Aðrir tekjustofnar Sýnar drógust saman. Tekjur fjölmiðlahlutans hafa minnkað um milljarð króna á tveimur árum, en jákvæð teikn eru á lofti þar.

Heiðar Guðjónsson er forstjóri Sýnar og einn stærsti hluthafi félagsins með 9,2 prósent eignarhlut.
Heiðar Guðjónsson er forstjóri Sýnar og einn stærsti hluthafi félagsins með 9,2 prósent eignarhlut.
Auglýsing

Fjölmiðla- og fjarskiptafélagið Sýn tapaði 405 milljónum króna á síðasta ári. Það er töluvert minna tap en félagið skilaði af sér árið 2019, þegar það tapaði 1.748 milljónum króna. Samanlagt tap samstæðunnar á tveimur árum er því tæplega 2,2 milljarðar króna.

Þetta kemur fram í ársreikningi Sýnar vegna 2020 sem birtur var í gær.

Árið 2019 réð mestu að virðisrýrnun viðskiptavildar vegna fjölmiðla samstæðunnar var færð niður um tæplega 2,5 milljarða króna, en á móti kom líka einskiptissöluhagnaður vegna sölu á færeyska félaginu P/F Hey upp á 872 milljónir króna.

Tekjur félagsins jukust um tæpan milljarð króna á milli ára og voru í heild 20,8 milljarðar króna á síðasta ári. Í fyrra féllu allar nýjar tekjur Sýnar til vegna dótturfélagsins Endor, upp­­­lýs­inga­­­fyr­ir­tækis í hýsingar- og rekstrarlausnum sem stýrir ofur­­­tölvum, sem Sýn keypti í lok árs 2019, og kom inn í samstæðureikning félagsins á árinu 2020. Kaupverðið á Endor var 618 milljónir króna en getur enn tekið breytingum eftir afkomu þess, og tekjur þess voru 2,4 milljarðar króna í fyrra. Ef Endor hefði ekki komið inn í samstæðureikninginn í fyrra hefðu tekjur dregist saman um 1,4 milljarða króna.

Mesti samdrátturinn í fjölmiðlatekjum

Allir aðrir tekjustofnar Sýnar drógust enda saman á milli ára. 

Mestur var samdrátturinn í fjölmiðlahluta Sýnar, en tekjur hans drógust saman um 559 milljónir króna á milli ára. Frá lokum árs 2018 hafa tekjur vegna fjölmiðla Sýnar lækkað um rúmlega einn milljarð króna. 

Auglýsing
Jákvæð teikn voru þó á lofti á fjórða ársfjórðungi síðasta árs þegar tekjur af fjölmiðlun voru sex milljónum krónum meiri en þær voru á sama fjórðungi 2019. 

Þorri samdráttarins er vegna þess að auglýsingatekjur drógust saman um 11 prósent milli ára. Tekjur af sjónvarpsdreifingu jukust hins vegar um 18 prósent. Í tilkynningu sem send var til Kauphallar Íslands vegna uppgjörsins er haft eftir Heiðari Guðjónssyni, forstjóra Sýnar og eins stærsta hluthafa félagsins, að með breyttu vöruframboði hafi tekist að fjölga viðskiptavinum Stöðvar 2 um 14 prósent á árinu 2020. „„Við höfum stöðugt lækkað verð frá því tókum yfir fjölmiðlareksturinn. Verð á Stöð 2 Sport hefur helmingast á síðustu 3 árum og nú bjóðum við upp á að kaupa áskrift að Stöð 2 Ísland og Stöð 2 Erlent á áður óþekktum verðpunkti, eða á 3.990 kr.“

Í fjárfestakynningu sem fylgdi ársreikningnum segir meðal annars að áskrifendum Stöð 2 Sport hafi fjölgað um 26 prósent á milli desember 2019 og 2020. Efnisveitan Stöð 2 + hafi sömuleiðis fjölgað áskrifendum um níu prósent og fullyrt er að hlutdeild Stöðvar 2 á markaði sé nú orðin sú sama og hún var áður en hinum svokallaða opna glugga, sem innihélt fréttir stöðvarinnar og Ísland í dag, var lokað í síðasta mánuði. 

Fyrirhugað að selja óvirka innviði

Á eftir samdrættinum í fjölmiðlun kemur samdráttur í farsímatekjum upp á 390 milljónir króna milli ára og tekjur vegna internets, sem dragast saman um 254 milljónir króna. 

Lækkun tekna vegna farsíma skýrist aðallega að 64 prósent samdrætti í reikitekjum milli ára. Sýn fullyrðir hins vegar að jákvæð þróun hafi verið í fjölda viðskiptavina milli ára. 

Í uppgjöri Sýnar kemur fram að félagið sé langt komið með að selja svokallaða óvirka farsímainnviði félagsins. Ætlaður söluhagnaður vegna þessa er um sex milljarðar króna. Sýn mun svo leigja innviðina til 20 ára af nýjum eiganda, félagið í stýringu banda­ríska fram­taks­sjóðs­ins Digital Colony. Heiðar segir í tilkynningunni til Kauphallar Íslands að stjórn félagsins hafi veitt stjórnendum umboð til að undirrita nauðsynleg skjöl á þeirri forsendu að skjalagerð verði að fullu lokið í síðasta lagi fyrir birtingu árshlutareiknings 1. fjórðungs 2021, en stefnt sé að því að undirritun samninga takist vel fyrir þann tíma. 

Ef uppgjör Sýnar eru skoðuð tvö ár aftur í tímann, og leiðrétt er fyrir einskiptishagnaðinum vegna sölunnar á P/F Hey í byrjun árs 2019, þá hefur félagið skilað tapi á öllum ársfjórðungum áranna 2019 og 2020 nema einum. Á þriðja ársfjórðungi ársins 2020 skilaði það átta milljón króna hagnaði.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira eftir höfundinnÞórður Snær Júlíusson
Meira úr sama flokkiFréttaskýringar