Afneitun helfararinnar sögð geta leitt til uppgangs nasisma

Í umsögn Gyðingasafnaðarins á Íslandi við frumvarp um bann við afneitun helfararinnar segir að aukin menntun og fræðsla í bland við fjölbreytni og umburðarlyndi sé meðalið við fordómum. Ein umsögn um frumvarpið var send inn algjörlega svert.

_mg_1110_raw_42_14097534298_o.jpg
Auglýsing

Gyð­inga­söfn­uð­ur­inn á Íslandi fagnar nýju frum­varpi um breyt­ingu á almennum hegn­ing­ar­lögum sem bannar afneitun helfar­ar­inn­ar. Þetta kemur fram í umsögn safn­að­ar­ins við frum­varpið sem rabbín­inn Avra­ham Feld­man sendir til Alþingis fyrir hönd safn­að­ar­ins. Avra­ham seg­ist vera ánægður með laga­breyt­ing­ar­til­lög­una, honum finn­ist hún mik­il­væg og hann styðji hana heils­hug­ar.

Í umsögn­inni er afneitun helfar­ar­innar sögð vera hat­urs­orð­ræða sem geti leitt til upp­risu og fram­gangs nas­isma. Það sé á ábyrgð alls mann­kyns að tryggja það að ras­ismi og hatur fái ekki þrif­ist í sam­fé­lag­inu. Því megi ná fram með auk­inni menntun og fræðslu auk þess sem gefa þurfi fjöl­breytni og umburð­ar­lyndi hátt undir höfði. Þá sé mik­il­vægt að stöðva nas­isma um leið og vart verður við hann.

Auglýsing

Sekt eða fang­els­is­vist í allt að tvö ár.

Með frum­varp­inu er lagt til að ný grein fari inn í almenn hegn­ing­ar­lög og er greinin á þessa leið: „Hver sá sem opin­ber­lega afneit­ar, gróf­lega gerir lítið úr, eða reynir að rétt­læta eða sam­þykkja þjóð­ar­morð sem framin voru á vegum þýska nas­ista­flokks­ins í síð­ari heims­styrj­öld­inni skal sæta sektum eða fang­elsi allt að 2 árum.“

Frum­varpið var lagt fram í jan­úar af þing­flokki Sam­fylk­ing­ar, Andr­ési Inga Jóns­syni, þing­manni Pírata sem þá var utan flokka, og Þor­björgu Sig­ríði Gunn­laugs­dótt­ur, þing­konu Við­reisn­ar. Fyrsti flutn­ings­maður frum­varps­ins er Rósa Björk Brynj­ólfs­dótt­ir.

Tak­mörkun tján­ing­ar­frels­is­ins stand­ist stjórn­ar­skrá

Sér­stak­lega er vikið að tján­ing­ar­frels­inu í grein­ar­gerð frum­varps­ins og rök færð fyrir því hvers vegna sú tak­mörkun á tján­ing­ar­frels­inu sem fólgin er í frum­varp­inu stand­ist stjórn­ar­skrá. Í fyrsta lagi er sagt að frum­varpið full­nægi laga­á­skiln­aði þriðju máls­greinar 73. greinar stjórn­ar­skrár­innar til að tak­marka tján­ing­ar­frels­ið. Í þeirri máls­grein er að finna þrjú skil­yrði fyrir því að tján­ing­ar­frels­inu séu settar skorð­ur: „Tján­ing­ar­frelsi má aðeins setja skorður með lögum í þágu alls­herj­ar­reglu eða öryggis rík­is­ins, til verndar heilsu eða sið­gæði manna eða vegna rétt­inda eða mann­orðs ann­arra, enda telj­ist þær nauð­syn­legar og sam­rým­ist lýð­ræð­is­hefð­u­m.“

Þá er í grein­ar­gerð­inni sagt að frum­varpið hafi þann til­gang að vernda rétt­indi eða mann­orð ann­arra, sem er eitt af skil­yrð­unum sem minnst var á áður, þar sem frum­varp­inu er ætlað að koma í veg fyrir að brotið sé gegn æru og mann­orði þeirra sem urðu fyrir glæpum helfar­ar­inn­ar. Einnig er sagt að tak­mörk­unin sam­ræm­ist lýð­ræð­is­hefðum því hún felur í sér bann við því að afneita opin­ber­lega einna verstu glæpum sem framdir hafa verið gegn mann­kyni, eins og segir í grein­ar­gerð. Nauð­syn­legt sé að „standa vörð um sögu þess­ara hörm­unga sem áttu sér stað á tímum seinni heims­styrj­ald­ar­innar og koma í veg fyrir að unnt verði að grafa undan henni, gera lítið úr, rang­færa eða falsa svo að slíkir atburðir end­ur­taki sig aldrei.“

Refsi­vert að afneita hel­för­inni í fjöl­mörgum Evr­ópu­ríkjum

Vísað er í dóm Mann­rétt­inda­dóm­stóls Evr­ópu í máli Pastörs gegn Þýska­landi frá árinu 2019 í grein­ar­gerð­inni. Pastörs dró í efa til­vist helfar­ar­innar í ræðu sem hann flutti árið 2010 en hann var þing­maður í Þýska­landi. Pastörs var í kjöl­farið dæmdir í átta mán­aða skil­orðs­bundið fang­elsi fyrir að hafa brotið gegn þýskum hegn­ing­ar­lögum með tján­ingu sinni. Mann­rétt­inda­dóm­stóll­inn komst að þeirri nið­ur­stöðu að bann við tján­ingu Pastörs sam­ræmd­ist mann­rétt­inda­sátt­mála Evr­ópu.

„Mann­rétt­inda­dóm­stóll Evr­ópu taldi full­yrð­ingar hans fela í sér van­virð­ingu gagn­vart fórn­ar­lömbum helfar­ar­inn­ar. Í dóm­inum kom meðal ann­ars fram að Pastörs hefði vilj­andi haft í frammi ósann­indi til að varpa rýrð á gyð­inga og þær ofsóknir sem þeir urðu fyrir í seinni heims­styrj­öld­inni. Jafn­framt taldi Mann­rétt­inda­dóm­stóll­inn að með sak­fell­ing­unni hefðu við­brögð þýskra yfir­valda verið í sam­ræmi við með­al­hóf og ekki farið í bága við áskilnað um að þau væru nauð­syn­leg í lýð­ræð­is­legu þjóð­fé­lag­i,“ segir í grein­ar­gerð.

Þá eru þar talin upp þau Evr­ópu­ríki sem hafa gert það refsi­vert að afneita eða rétt­læta hel­för­ina, þjóð­ar­morð eða stríðs­glæpi. Það eru Aust­ur­ríki, Belgía, Frakk­land, Grikk­land, Holland, Ítal­ía, Ísra­el, Liechten­stein, Litá­en, Lúx­em­borg, Pól­land, Portú­gal, Rúm­en­ía, Rúss­land, Slóvakía, Spánn, Sviss, Tékk­land, Ung­verja­land, Úkra­ína og Þýska­land.

Ein umsögn um frum­varpið svert

Áður hefur verið fjallað um umsögn sem barst um frum­varpið sem er á „Alls­herj­ar- og mennta­mála­nefnd Alþing­is, rit­skoð­un­ar­deild“ en umsögnin er öll svert. Í svari Rögnu Árna­dóttur við fyr­ir­spurn Kjarn­ans um ástæður þess að umsögnin sé svert kemur fram að umsögnin sé birt eins og hún barst Alþingi. Hún hefur því verið send inn yfir­strik­uð.

Í frétt RÚV frá því fyrr í þessum mán­uði segir að umsögn um svipað efni hafi verið fjar­lægð af vef Alþingis í des­em­ber. Sú umsögn var send inn við þings­á­lykt­un­ar­til­lögu um sér­stakan minn­ing­ar­dag um fórn­ar­lömb helfar­ar­inn­ar. Laga­skrif­stofa Alþingis hafi kom­ist að þeirri nið­ur­stöðu að ekki væri hægt að úti­loka að í umsögn­inni fælist hat­urs­orð­ræða. Því var lagt til að Alþingi birti ekki þá umsögn enda bannað með lögum að breiða út hat­urs­orð­ræðu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Meira úr sama flokkiInnlent